打邊爐海鮮火鍋燒烤店 (已結業)

凍凍地，最好就係圍埋一齊打邊邊，於是朕就叫埋幾個隨從一齊去土瓜灣既－打邊爐海鮮火鍋燒烤店－打邊爐喇！一入到門口見到人地打緊個好似幾吸引，等朕又試下先！個花甲蟹鍋用料充足，啲花甲大大隻，數量又多，又鮮甜爽口，加埋兩大隻花蟹，令到個花甲蟹鍋勁鮮甜，另外個湯底除左有花甲同埋蟹之外，仲加左黑胡椒同埋辣椒，令到個湯底有海鮮既鮮味之餘，又有胡椒同埋辣椒既香辣，天氣冷既時候真係夠哂暖胃。另外隨從們話想食刺身，朕就叫左個象拔蚌刺身試下啱唔啱胃口，碟刺身一上枱，嘩！比朕既龍顏還要大（正所謂大過我塊面），刺身有冰墊底，咬落超爽口勁鮮甜！另外牛朕就叫左（本地手切新鮮牛頸脊），牛頸脊是牛頸同埋牛膊頭中間既一段肉，這個部位郁動較多，肉質因而細緻、結實、肥瘦適中啱哂朕既胃口！另外呢度既白鱔片亦都好新鮮，咬落爽口加鮮味。另外豬腳跟亦都係朕既必然之選，張碟豬腳跟放落去個花甲鍋度煲，煲到稔身，豬腳跟索哂啲海鮮同埋糊椒既香味，一流！手打四寶丸用料新鮮，入口爽口彈牙，彈到㕷㕷聲！最後隨從們提議凍凍地不如食個煲仔飯，於是乎朕就點左個《招牌臘味煲仔飯》。啲臘味既精華落哂啲飯度，啲飯吸收哂啲油香，另外再加啲葱花攪混，真係識食既就

想同朋友打邊爐，又唔想食到咁熱氣咁毒，我一定會介紹大家黎依間打邊爐海鮮火鍋燒烤店，名已經好直接咁講左比大家知主要係打邊爐，海鮮，燒烤中意打邊爐既朋友，值得一去！7點幾入坐竟然一個人影都冇呢!不過應該大家都比較夜收工所以再夜啲就愈黎愈多人好欣賞佢打邊爐既菜有得嗌半份，可以食多啲唔同食物，又唔會咁浪費，讚！勁抵食而且味道一流既花甲蟹鍋！份量好足，花甲食極都仲有，而且隻隻都係開口，愈食愈爽呀！湯底好鮮甜，帶點微微既胡椒味，打左好耐個湯底依然清而不澀，湯面唔會浮起渣滓隻隻都好新鮮，每鍋有兩隻蟹，蟹鉗大大隻，而且蟹肉食到湯底既鮮味花甲不停食都仲有～每鍋有2斤咁多@@想食濃濃既湯底點冬瓜同蘿白就最岩，每件都吸晒湯既味道，又淋又索味重點主菜當然係食牛喇xd本地手切新鮮牛頸脊，一啲肥位都冇，牛肉新鮮而且彈牙牛既味道夠濃，mix埋個湯底味道仲正！做得未算好脆，不過淋左都一樣，但一樣係打邊爐必嗌既菜黑柏葉，每條都切到好幼，賣相似梅菜，因為碌得太耐，口感好硬，而且難咬斷中意個湯底就一定嗌碟竹竺索味，又長又爽口，一咬滿口都係蟹湯湧出黎，口感一流最後大家都係想食啲飯，店員就建議㷛仔飯，所以就嗌左個沙鍋㷛仔飯，飽

呢幾日忽然轉涼，即時call朋友去打邊邊! 呢間起名真夠直接，就叫"打邊爐海鮮火煱"鮮活烤魚…平時都係食桂花，淡水魚，第一次食呢個竟然係沙巴龍躉。堅係新鮮嘅海魚，雖然係養魚，但個魚缸好乾淨，肉質結實，又唔好太老，兩斤幾嘅size 最好，夠嫩夠實肉，而且燒完之後再煮，啲味入晒又鮮，而且配菜都好入味，有大量我最愛嘅莞茜，自家制泡椒，大量菇同大豆芽，配菜都要清晒佢!! $400唔使食到咁大嘅海魚，真係自己整都無咁平呢!花甲蟹鍋 (肉蟹)上枱已經"嘩嘩"聲，成個煲有勁多蟹，同配菜，點人口裡面仲有好多好多花甲! 未滾前食左啲花甲先，好鮮甜juicy， 食下又有，食下又有，好似食唔完咁?! 我地已經好努力食，因為驚啲花甲太熟，會靭，我食下一碟，又一碟，前前後後食左有30隻! 問下老闆，佢話裡面有兩斤幾花甲，超誇張! 即係有百幾二百隻係入面!唔怪得個煲咁重啦! 而啲蟹都有斤幾，完整嘅有兩隻中蟹，仲搭左幾隻大蟹鉗! 啖啖肉! 仲有配菜，好多菇菜!不得不講係個湯底，食晒啲海鮮飲啖湯，啖啖清甜，而且仲有好重胡椒味，係呢個轉涼嘅天氣，一飲落去，個身即時暖晒! 好正，又唔太辣!本地手切新鮮牛頸脊食完海鮮，用埋