影片
更多
2023-01-06
4445 浏览
日式燒肉在香港的熱潮從來沒有減退，近幾年，甚至有越來越高級的趨勢。除了越來越多燒肉店供應來自日本不同產地、不同牧場的高級和牛，近一年半甚至有兩三間和牛放題燒肉店先後開張。當中有本地薑、亦有日本過江龍；有半自助及迴轉燒肉輸送帶送餐形式、亦有選單後侍應送餐形式。價格差異相當大，由 $600一位到$900一位都有，究竟有什麼分別，未幫襯過很難下定論。今日午餐就揀了其中一間試試；一來趕時間，而且第一次幫襯，先試吃燒肉午餐。放題？留番下次。「宮崎肉本舖」來自宮崎縣，計埋唔同招牌嘅集團姊妹店，在當地也只得4間燒肉店，估唔到第一間海外分店就選址香港；有理由相信香港分店並非日本直營，日本本店只是負責供貨及借出招牌。標榜選用 A5 宮崎牛，由日本本店從櫻花牧場整頭牛採購，做到質素高兼價錢合理。其中一邊外牆係全落地玻璃，加上店面面積並不算很大，白天時有充足自然光，室內環境顯得較一般燒肉店光猛及寬敞企理。加上天花吊下來的聖誕裝飾，居然甚有節日氣氛。燒肉放題分四個級數，限時120分鐘，由$598 至 $998，好貴！貴在全部有九州A5 和牛。分別在於低價的兩款放題只包括一份九州A5 和牛燒肉拼盤，放題單品就沒
「宮崎肉本舖」來自宮崎縣，計埋唔同招牌嘅集團姊妹店，在當地也只得4間燒肉店，估唔到第一間海外分店就選址香港；有理由相信香港分店並非日本直營，日本本店只是負責供貨及借出招牌。標榜選用 A5 宮崎牛，由日本本店從櫻花牧場整頭牛採購，做到質素高兼價錢合理。
其中一邊外牆係全落地玻璃，加上店面面積並不算很大，白天時有充足自然光，室內環境顯得較一般燒肉店光猛及寬敞企理。加上天花吊下來的聖誕裝飾，居然甚有節日氣氛。
燒肉放題分四個級數，限時120分鐘，由$598 至 $998，好貴！貴在全部有九州A5 和牛。分別在於低價的兩款放題只包括一份九州A5 和牛燒肉拼盤，放題單品就沒有和牛；$898 放題就有任食A5 櫻花牛，另加一客A5 櫻花牛西冷或肉眼片(不可以追加)；$998 放題就再多一客限定A5 櫻花牛稀有部位(同樣不可以追加)。今年冬季還有更加貴的冬季限定放題（$1298 / 位），多了北海道白子、活仙台牡蠣及延長至150分鐘的放題時間。
另有幾間私人包廂，設有最低消費；基本上一定要幫襯最貴的兩款放題才可以訂房。
唔想食燒肉的話，午市定食也不失禮，款式選擇相當多。有炒飯、蛋包飯、烏冬等等，配搭食材有熊本雞肉、鹿兒島黑豚、宮崎和牛。
午市燒肉定食全部配搭九州A5 和牛，用靚食材，價錢就要貴一點。食晏唔想太奢侈，揀了三款中間價位嘅試試。
前菜係辣味牛肉碎配豆腐及漬青瓜。豆腐嫩滑有豆香，與濃郁的和牛肉碎非常配合，好好味！茶碗蒸有少少蟹肉碎及幾粒三文魚籽，蒸蛋滑溜、但偏稀身；鰹魚高湯味道一般，蛋香亦淡；唔算係出色嘅茶碗蒸。味噌鮮魚湯較一般味噌湯好味啲，但魚的鮮甜又唔算很明顯。與名氣鮨店嘅鮮魚奶白味噌湯比較，就被比下去了；但比起普通味噌湯，已經算很好。
本舖A5和牛三寶盛合（$228）有3款廚師精選燒肉，每款3片。真係每日唔同款式，侍應介紹時也要睇貓紙；今日就有カルビ(牛肋肉)、外バラ(五花腩) 及肩かフリ(肩胛肉)。
本舖A5和牛三寶盛合
$228
39 浏览
0 赞好
0 留言
招牌A5和牛燒肉五品盛合（$288）有5款廚師精選燒肉，每款2片；同三寶盛合比較，只多了一片，但就貴$60，唔係好抵食，可能屬於稀有部位、或者係貴價部位？今日就有カルビ(牛肋肉)、外バラ(五花腩) 、肩カブリ(肩背肉)、うちモモ(內後腿肉) 及そとモモ(外後腿肉) ；原來只是多了兩款，又不似稀有部位，每片燒肉大小同三寶盛合又差不多 ⋯⋯ 蠢了！
招牌A5和牛燒肉五品盛合
$288
29 浏览
0 赞好
0 留言
日本人食燒肉向來講究，唔係講烹調技巧，燒肉冇特別烹調技巧可言，而係切肉分類嘅仔細程度。A5和牛一定有細緻均勻嘅油花分布及鮮甜牛味，但唔同部位真係有唔同味道及口感。外バラ(五花腩) 有肉味、亦有適量油花，咬落有少少筋膜及咬口。
外バラ(五花腩)
8 浏览
0 赞好
0 留言
外バラ(五花腩)
8 浏览
0 赞好
0 留言
外バラ(五花腩)
7 浏览
0 赞好
0 留言
カルビ(牛肋肉)
8 浏览
0 赞好
0 留言
カルビ(牛肋肉)
25 浏览
0 赞好
0 留言
カルビ(牛肋肉)
8 浏览
0 赞好
0 留言
肩カブリ(肩背肉)
17 浏览
0 赞好
0 留言
肩カブリ(肩背肉)
11 浏览
0 赞好
0 留言
肩カブリ(肩背肉)
12 浏览
0 赞好
0 留言
そとモモ(外後腿肉)
6 浏览
0 赞好
0 留言
そとモモ(外後腿肉)
18 浏览
0 赞好
0 留言
そとモモ(外後腿肉)
12 浏览
0 赞好
0 留言
うちモモ(內後腿肉)
7 浏览
0 赞好
0 留言
うちモモ(內後腿肉)
14 浏览
0 赞好
0 留言
宮崎A5櫻花牛牛柳盛合
$328
18 浏览
0 赞好
0 留言
宮崎A5櫻花牛牛柳盛合
$328
13 浏览
0 赞好
0 留言
ヒレ(牛柳)
13 浏览
1 赞好
0 留言
ヒレ(牛柳)
11 浏览
0 赞好
0 留言
ヒレ(牛柳)
13 浏览
0 赞好
0 留言
忽然醒起大約一個月前在尖沙咀區某間燒肉店吃過的午市燒肉定食，價錢一樣、兼多了兩片肉，但味道差勁，固然不是A5 和牛，甚至只是普通美國牛肉。吃過今日的午餐後，更加不忿。
张贴
