COSMOS

营业中

休息中

每當有幾個鐘空檔，喺銅鑼灣唔知做咩好嘅時候，就會黎呢到食個飯。貪佢味道好味，又有間獨立房間可以睇netflix/ 唱k或者就咁聽下歌都得。房間環境又幾舒適，有sofa有cushion，坐得幾舒服。如果要唱k，佢係會有headset比你聽住自己唱，所以唔洗怕會有隔音問題，唔洗怕嘈到隔離。不過黎食野，重點都係食物。lunch要入房間嘅話每人最低消費$120，另收加一。紅咖哩大蝦意粉 $98（附餐飲）紅咖哩少少辣味，甜甜地，意粉煮得啱啱好，口感唔錯。大蝦有三隻，口感彈牙。札幌大蝦濃湯拉麵 $128（附餐飲）湯底真係好濃，好重蝦味，好食。估唔到喺呢到竟然可以食到好味過某啲蝦湯拉麵專門店嘅拉麵。餐湯 $5呢個好好飲！黑松露味好濃，仲有好多菇，覺得自己好似飲緊黑松露醬咁，不過好飲。$5絕對值得加。紅豆奶凍 $5個奶凍好食，好重奶味，如果可以少甜啲就好啦。口感都好滑，入口即溶，好似豆腐花咁嘅口感。不過上面啲紅豆真係唔太夾，有啲多餘，寧願佢唔加紅豆。Dirty Coffee - Mocha $58朋友叫左呢杯，我冇試到，但見到都覺得真係好靚！忍唔住影多左幾張相。橙汁 $0餐飲我揀左橙汁，正正常常有果肉

2019.12.04 😊【走進太空世界 非一般享受】食在銅鑼灣「願我會揸火箭 帶你到天空去 在太空中兩人住...」🚀年輕的時候 總會迷上一兩個日韓明星歌手人越大 漸漸就會更欣賞「同聲同氣」的廣東歌踏進銅鑼灣繁忙鬧市中新開業的RedMR概念店濃濃的咖啡香氣 有如在說「Welcome Home」💁‍♀️瞬間覺得放鬆平靜 全店以「Anything at Anytime」太空主題除共用空間「THE SPACE」設多幅巨型落地玻璃窗可眺望街景外更設有29間溫馨舒適的特色房間 讓繁忙中的香港人放慢腳步有別於一般的K房 獨立房間除了可以煲劇或睇波外更仿效錄音間Studio 跟拍擋戴上耳機 對準咪高峰歡唱🎤就能進入無人滋擾的二人世界而同行就可以邊無拘無束地欣賞二人清唱歌聲 邊享受美食流心蛋煙肉薯仔沙律除了環境舒適外 食物的質素都可以用CP值高形容大部份菜色均以日韓料理為主題先來冷盤輕食作熱身🥗薯仔沙律入口幼滑 加上流心蛋讓味蕾大感滿足燒鳥盛合爐端燒日式代表少不了爐端燒🍢豚肉、雞軟骨、翠玉瓜烤得不油不膩簡單的調味已能讓食物昇華黑松露炸薯條及炸雞好友相聚怎能錯過香口小食相伴 黑松露炸薯條就是個不二選擇薯條上

香港彈丸之地相找尋一個共享之地，的確有點難度。近日朋友介紹位於交通便利的銅鑼灣謝斐道482號全新概念店COSMOS@redmr 。踏入COSMOS以太空主題並帶有悠和舒適度，原來此地以「Anything at Anytime」為目標，令客人能夠在繁華的城市中找了寧靜既個人空間放鬆自己。場外會有公共空間「THE SPACE」，設有獨特風格的Coffee Bar並有各式的香濃咖啡或是輕食的食物。旁邊高身吧枱及高腳椅，令客人感受到室內的寫意。淺灰雲石紋牆身與流線型的藍白 色椅子配搭簡約白色桌子，整個感覺舒適。個人時光午由市時間開始，食物的相當多元化令我相當有驚喜。OL最愛瘦身又貪靚會有羽衣甘藍、煙雞胸、藜麥、車厘茄、意式油醋沙律配上新鮮湯品(紅白湯)$98。少女們至愛的韓國風格的煙三文魚、牛油果、黑松露軟滑炒蛋吐司配上新鮮湯品 $118另有為男士們而設和風咖喱炸雞飯$98 及札幌大蝦濃湯拉麵 $118，兩者各有棒場客。喜歡前者濃郁咖喱香，炸雞炸至香脆又美味；後者大蝦濃湯味道得宜，令人回味無窮份量十足，值得一試。

午飯時分，如果想找一個獨立空間並不是沒有可能。現在客人只要惠顧午餐（HK$98

上網見到銅鑼灣開了一間新舖COSMOS，今日想搵個地方放鬆吓就上咗去試。COSMOS位於銅鑼灣廣場附近，樓下有個小巴站，交通方便，行過一眼就望到啦！上到去就見到Common area「THE SPACE」，得閒可以上來飲咖啡或飲杯特飲。而我地兩個人今次去淺藍色房，入面可以帶住耳機唱歌，今次叫了他們的LUNCH SET，我點了雙層芝士煙肉雞蛋吐司套餐，吐司加上各種食材烤得外脆內軟，然後配上熱騰騰的餐湯及炸得香口的薯條，吃得十分滿足！而朋友就點了札幌大蝦濃湯拉麵，湯底十分濃郁，濃濃的鮮蝦味，很美味。我們亦另外點了爐端燒拼盤，包括有香燒雞翼、香脆帶嚼勁的雞軟骨、清新鮮味的翠玉瓜、惹味的牛肉及汁燒豬頸肉，一次就可以試到多種好食嘅日本串燒，下次會再嚟試其他食物同特飲！