甜入心 (已結業)

依個年頭，社會氣氛唔好，公司氣氛又唔好，聽唔少朋友講都想轉轉工，大家都憂心忡忡，好似無咩出路 。做朋友嘅，可以做嘅都喺聽你分享，意見就真喺俾唔到，另外，就喺帶你食啲甜品，舒解一下悶氣及鬱結 。唔喺要有悶氣先要嚟食吓甜品嘅，所以，晚飯後九點、十點都有唔少人嚟幫襯，尤其好似今晚仲喺開心星期五，客人就更多，兼且越夜越爆場添。焦糖布甸椰皇子喺推介俾朋友嘅必點甜品，再叫兩款以前未試過嘅，齊齊分享。  焦糖布甸椰皇子 $36 朋友話果然無介紹錯，製作有心思，以椰皇水做嘅啫喱，冰涼清爽，味道自然，而焦糖布甸質感滑嫩富蛋香，點點焦糖濃香叫人食得更有種甜蜜感。椰皇肉食得唔好嘥，我哋刮得佢一乾二淨，皆因清甜好味，值得翻兜再翻兜 。  伯爵茶刨冰椰皇子 $33 一大杯包含好多食材，有刨冰、涼粉、西米、椰皇啫喱、伯爵茶啫喱，再倒入伯爵茶糖漿及加上Oreo餅碎，可謂味道、口感多變，伯爵茶味又幾香 。不過，刨冰唔夠細綿，亦溶得較快。  朱古力窩夫 $39以前試過佢嘅芒果窩夫，嗰時啲窩夫都喺傳統嘅格仔形，依家就改咗心形，雖然唔算得創新，倒適合啲情侶點一客兩份食。朱古力窩夫熱烘烘，入口外脆內軟

每次行過，都想幫襯，可惜一係冇時間，一係就剛剛食到飽晒，這天刻意地去，五點九左右到達，不太多人，可以靜靜地嘆甜品，一邊欣賞牆上的食物畫像：看餐牌揀選甜品：『椰皇肉粒藏於啫喱中，焦糖布甸椰皇子的失散弟弟...』餐牌形容得這麼有趣！先吃焦糖布甸，口感香滑，蛋味濃郁！啫喱用椰子汁製成，十分爽口，附帶有椰皇肉，用盡食材，不致浪費，見盡心思。賣相討好，四件心型窩夫，伴朱古力雪糕球，橫切香蕉，一分為二，加上深粉紅色匙羹，盛著的榛子味朱古力醬，擺放及排列都別出心裁！香蕉沾朱古力雪糕，原來也很對味！朱古力榛子醬，個人覺得味道太濃。窩夫外脆內軟，蛋香豐富，撒了一些糖粉，本身已很夠味道，由於體積不大，及質地軟熟，用叉來吃便可，不需要用刀切。免費自助英式淡果茶：最欣賞這項服務，任斟任飲，不另收費！淡果茶味道清淡得來，帶些甘甜，足以解渴，及洗滌口腔中的滯留甜味，再去品嚐其他甜品時，吃得出其真確的味道！自助朱古力噴泉，又一小玩意：吃了窩夫，已經很飽，貪得意，食番幾粒朱古力棉花糖仔！很週到的設備，乾淨衛生！有得食之餘，仲有得飲，有得玩，確係抵！積分咭，每光顧$50，有一個蓋印。店外櫥窗，存放了很多椰皇子。

其實已經食過幾次，初初係俾佢個榴槤pancake吸引，因為又大舊又多肉! 之後黎食就開始試其他新野。好欣賞呢度成日都有新野出，起碼唔會食黎食去好快好厭先! 次次都同屋企人黎食，每人揀一樣就可以試好多款。誠意推介"龍顏大怒"!! 賣相一定冇其他色彩繽紛甜品咁吸引，但勝在又清又解喝! 椰汁底本身已經好香，加上龍眼肉同椰子啫哩，仲有超冰凍o既雪糕o係上面慢慢溶，簡直係夏天o既恩物呀!!另一最愛就係椰子皇布甸，蕉糖布甸夠滑，椰皇又新鮮，食過幾次都冇失水準~今次就試o左幾款新野，比較飽肚o既甜品~ 朱古力窩夫同芒果吐司山!吐司山係因為開頭係見到隔離台叫，又大堆又吸引! 呢個甜品真係冇得頂，又睇得又食得!味道好特別, 芒果醬少少酸味配上吐司好match! 不過建議人多先好叫，因為好飽同埋食得多會濟!食完再買多個榴槤pancake番屋企, 哈哈!