新贊記點心·小廚

营业中

休息中

見有 YouTuber 介紹哩間點心，話好抵食 📺趁今日早收工就過驗證吓啦 😌8 點 3 嚟到，鋪內 9 成滿，幫襯既都係附近街坊同返工人士 🧓🏻驟眼睇，幾乎每一枱都係嗌蒸飯套餐套餐包一份蒸魚/肉餅，一碗白飯同一碗例湯 🍚有十多款選擇，平均 $44 就有交易，相信係晚市既主打至於點心，選擇都幾多，蒸、炸、飯類、甜品樣樣齊 價錢比其他點心鋪平，大部份都係 $20 出頭 🥢🔻👍🏻 明火例湯 （$10）老黃瓜煲豬骨 🐷，賣相同味道都有家既感覺 🏠 份量裝滿一個中式粉麵碗，碗底搵得返豬骨，黃瓜皮同大量豆 味道純正且真材實料，絕對唔係一般茶記既例水，左溝右溝 🔻松子菜苗蝦餃 （$25) 一籠三粒，每隻餃都圓碌碌，可以清楚見到入面既餡好豐滿 🥟餡料除蝦仁 🦐 同松子，仲有切成粗粒嘅荀同菜頭，食落爽脆不過整體味道偏淡，餃皮有少少淋，勝在有口感搭救 🐒🔻蠔皇鮮竹卷 （$20）唔係一般汁多到瀉既鮮竹卷，食落唔乾，腐皮仍然煙韌 餡料以蔬菜為主 🥬，口感比較鬆散，蔬菜甜味重過肉味 🥩雖然賣相唔算吸引，但味道同口感都合格，發揮正常以上點心連 $6 茶錢，埋單 $61 💵整體嚟講十分抵食，份量同質素絕對

新贊記予其話係一間點心店，佢比較似係一間有點心食嘅茶餐廳，因為佢店面比一般點心店大，座位冇咁迫之餘仲有卡位，另外佢除左點心亦有小菜食。新贊記因為喺兩個地鐵站之間，所以食客都以附近街坊為主。佢地嘅價錢都好大眾化，全部點心都喺$30以內，早上同平日下午仲有點心孖寶$36，茶位$6/位仲要唔洗加一，如果唔係繁忙時間，其實都可以慢慢坐慢慢食，抵過去茶樓好多。鮮蝦腐皮卷($27) - 腐皮卷上枱時熱辣辣，腐皮好脆入面都幾多蝦，蘸埋喼汁食好好食。松子菜苗蝦餃($25) - 餃皮唔會太厚帶少少彈口，蝦肉幾爽口，因為加左松子所以食苟多左脆口感，口感幾豐富。鮮蝦燒賣皇($29) - 燒賣都幾大粒，蝦肉同豬肉比例大約各佔一半，豬肉口感結實得黎幾滑，唔會成口粉咁。蜜汁叉燒腸($22) - 叉燒餡都幾多，不過切得比較細粒影響左口感，腸粉皮唔算好薄好滑，整體中規中舉。鳳爪排骨飯($25) - 鳳爪同排骨份量對版，鋪滿成個飯面，排骨軟腍又入味，好味又飽肚。薑汁千層糕($21) - 千層糕口感好Ｑ彈，薑味重得黎又唔會過辣，幾好食。豆沙煎堆仔($19) - 煎堆仔好香口，但唔會好油，豆沙餡甜而不膩。凍香芒布甸($17