古琴雅苑 (QRE Plaza)

营业中

休息中

同男朋友好耐冇食過中菜，所以心思思想黎食北京填鴨。黎到都幾肚餓所以就叫咗個二人餐。一開始就上咗個宋嫂魚羹，味道酸咸幾開胃，但可惜魚有雪藏味之後就嚟咗松花皮蛋豆腐同埋醉雞。呢兩個我覺得係最好食嘅。皮蛋豆腐唔會過鹹，醉雞入味得黎，唔會濃到覺得苦。之後就嚟到主菜之一嘅北京填鴨。見到我就心諗點解啲肉咁厚同我平時食嘅片皮鴨有出入。之後見到啲餅皮更加之SAD，DRY到冇朋友。不過我哋都係為咗過下口癮。之後嘅雞湯津白，比想像中清淡，似係普通烚菜。雞湯冇雞味，金華火腿冇金華火腿嘅味。其實仲有個鴨肉炒飯，不過我唔記得影相，反而炒飯炒得幾好食，粒粒分明。小插曲：不過上炒飯之前佢俾咗個炒年糕我，我心諗我幾時叫過炒年糕啊？原來係夥計落錯單。另外店舖嘅衛生都有待改善。見到d waiter一手揸落我飲過嘅茶杯邊到，佢又冇戴手套喎🤷🏻‍♀️大佬，呢啲時期搞啲咁嘅嘢。

帶小朋友外出用餐也會特意找一些舒適的餐廳，今次到了位於灣仔的古琴雅苑吃午餐，食物與環境也很不錯。我們還點了一些七月才推出的新菜式。海參鍋巴菜式食品豐富，有海參、冬菇、冬筍、五花肉，配上鍋巴味道非常好花雕最肘子用秘製醬汁製的豬手非常入味而且彈牙可口，吃時再加醬汁令味道更加分！這次帶同小朋友也有口福，四歲以下小朋友於餐廳參與填色遊戲，即可享用免費兒童餐，包括將爆肉絲伴荷葉包、上湯小棠菜、杞子桂花糕及冬瓜薏米水，味道特別調校至適合小朋友口味，照顧小朋友健康！我們還點了必吃招牌烤北京填鴨，據說用上四斤重北京鴨，用傳統掛爐形式烤製，並以108刀片出烤鴨，特別喜歡自家製餅皮、青瓜、京蔥、哈密瓜以及京醬及秘製蜂蜜黃梅醬！小朋友也大贊好味。餅皮每片也用烘焙紙分隔，方便衛生。

大時大節同長輩食飯 ，傳統中菜一定係穩陣之選。但食得多都幾悶，今次一行六人揀左古琴雅苑，貪個名優雅別緻，菜式大致係經典穩陣野，類近上海婆婆/小南國定位。一開波就嗌左個節日六人餐，咁食中菜都唔預佢逐碟逐碟上，實係上到成枱都係，係估佢唔到唔跟次序到一個點係食到中後段先上「古琴全家福」呢道湯，仲要限時2粒鐘，食得都幾趕。前菜係「精美四小拼」及「松花皮蛋拌豆腐」，刀工唔錯，選擇亦多，大家可以每樣試d，調味都正常，唔會過咸。接住落黎就係萬眾期待既「北京填鴨」，姐姐係你面前即刻片皮，好細心地分左2碟，等大家唔洗爭崩頭。食落肥瘦適中，有鴨香，配菜有比較少見既哈蜜瓜，幾盞鬼。之後就係相對大眾既主菜，「乾燒黃魚」、「賽螃蟹」、「獅子頭」、「十三香農家雞」以及「木桶包菜飯」。老老實實6人餐黎講真係太多，食到中段大家都已經好好好好飽，而在座咁多位亦絕非細食之人，最後為左唔打包，大家都係監粗倒落個口度。以一般酒樓黎講呢個份量隨時係一席份量，我寧願店家減少1-2道菜、或者全部少d份量、減下價，再唔係大家起碼7-8人先好叫6人餐，如果唔係做硬大嘥鬼！縱使我地飽到kai，但個甜品－腰果露實在太香太好食！！！唔係沖粉

確是被雅緻的名吸引著, 再看食訐, 就決定一試之。是傳統的京滬菜，整體食物份量都適中，每個菜調味都不錯，招呼也好。有3種茶供應：a) 玫瑰荔枝茶 ， b) 菊花烏龍，c) XX普洱。1)半隻酒糟片皮鴨，酒香幾乎已蒸發晒，有部分皮略肥左DD（已預算左）但入口還是覺得美味。2)小籠包，肉餡調味好食, 但原來不是這家餐廳師傅搓皮的, 是向外入貨。3)木桶菜飯，有少量江瑤柱和咸肉, 好味, 調味的豉油, 應該是再加上某些材料混合調配, 但我無法食得出,  絕不是煲仔飯豉油, 也不是蒸魚豉油。4)蜜汁火方的荷葉包趁著熱騰騰時，最好味。5) 香蕉高力豆莎，甜味適中，外皮不厚。