阿夫利拉麵 (The ONE)

营业中

休息中

見到E字APP Book枱有75折，而網上食評讚口味清新、特別，加上自己從未食過呢款拉麵，同埋最近又食多左油膩野，所以決定今餐dinner食清淡少少🙊。呢度出名係柚子味嘅拉麵，所以點左一個餐廳推介嘅柚子鹽味，另一個就係網上人氣推介柚子沾麵。柚子鹽味 $98 (原價)上枱已經聞到淡淡清新柚子香，個湯底望落幾清，飲落柚子味唔濃，反而酸味幾出，就好似飲緊唔甜嘅柚子蜜。叉燒有火炙香亦有豬香，不過肥左少少。筍就麻麻地，煮到偏淋，而且無左筍本身獨有嘅氣味。柚子沾麵 $108 (原價)我地兩個都覺得呢款好味D，麵底我揀左溫麵，麵質比上面果款粗身，而且黏性高。個柚子汁味濃，而且酸、甜、鹹適中，不過拉麵額外加左D油防痴，所以整體食落油膩感依然高。呢個豚肉無論味道、口感都比叉燒好，炆到夠淋又有少少甜嘅醬油香。至於個溏心蛋，就真係蛋味，無浸過任何醬油。如果用正價，我一定唔會試😅，有優惠又未食過柚子拉麵嘅人可以試下。如果第一次嚟，我會推介柚子沾麵，不竟另一款較酸嘅拉麵唔係人人能夠接受😏。折後TOTAL $154.5。