阿夫利拉麵 (The ONE)

营业中

休息中

柚子鹽味拉麵一直都唔係我會點嘅口味, 不過咁啱見到呢過江龍店, 又响我公司附近, 訂枱平台評分3.38又唔係話太低, 試吓啦.按一貫品賞拉麵步驟每樣都評吓:1. 香味 (4/5) - 非常充足, 基本上個 waiter 一放低碗麵, 香味撲鼻而來 2. 湯頭 (2/5) - 柚子味鹽味係夠嘅, 但個 base 嘅鮮味好薄弱, 冇野可以 impress 到3. 麵 (3/5) - 幼直麵本身我係鍾意, 但個麵未身麵味不足, 唯一可以讚嘅係質感, 相當的爽彈!4. 配料 (2/5) - 叉燒就基本款, 不過不失, 蛋同筍係全部當中最弱的, 特別係蛋, 接近冇味 T_T整體 - 不推薦, 不過如果你前一晚飲酒飲多左, 冇乜胃口想食清淡口味, 一試係可以, 酸味都幾醒神

阿夫利來自日本神奈川縣，以柚子鹽味拉麵為招牌，2020年嚟到香港，但到而家似乎人氣已經唔高。入座點餐安排比較奇怪，先入座後去門口點餐機落單。店員自己都分唔清楚點餐機嘅客人係外賣定已經入座。*自選拉麵組合 $158柚子鹽味拉麵湯底係雞湯配柚子汁，鹽味雞湯底好清，但柚子味好淡，完全唔清爽，個人覺得佢失去咗加入柚子汁嘅意義。西班牙栗飼豚叉燒，半肥瘦啱啱好，但一片太少了吧。半熟蛋入味，蛋黃半流心。自家製麥麵彈牙偏硬，但未夠索湯。唐揚炸雞三件炸雞，炸衣薄又脆，雞腿肉夠嫩又多汁，啖啖肉好爽。南蠻醬好夾但比較淡味，柚子青檸梳打柚子味>>青檸味，甜甜又有氣好解渴。

今次有機會食到日本過江龍拉麵店🇯🇵以清爽風「柚子鹽拉麵」為主打除咗卡位之外佢仲有bar枱位可以坐😏🔸豬骨濃湯拉麵 $108佢個豬骨湯比起柚子較為重口味，啱晒啲鍾意食濃湯嘅朋友仔😝湯底再加埋個黑蒜油，聞落已經夠晒重口味🤤Ps. 另外佢有得揀要唔要辣🔸柚子鹽味拉麵 $98依個係佢其中一個嘅招牌冇味精柚子湯拉麵。淡淡嘅柚子香氣同鹽味互相配合，食落都幾fresh😋就算食晒成碗都唔會覺得好肥膩🤭絕對係夏日清爽嘅首選🏝️#FEVI_Ramen#FEVI_尖沙咀📍阿夫利拉麵 AFURI Ramen尖沙咀彌敦道100號The One 2樓i.t orange forest

認識阿夫利，是由杯麵開始。有一期見到網上不斷有人推薦，某些平台更賣到40元一個。所以在日本見到時，就買了嘗嘗。杯面的味道很不錯，所以一直想試試店鋪版本的！柚子鹽味拉麵拉麵是幼款彈牙有嚼勁，湯頭清爽，帶有很淡很淡的柚子香氣。相對杯麵版本來說柚子味道是更淡的，並沒有像預期的那樣濃郁。另一賣點是它的叉燒是帶有炭香味的！出奇的是，杯麵版本反而是明顯食到炭香味，而堂食就不太感覺得到。小總結❤️❤️❤️📌湯頭清新可一試📌杯麵版本更值得一試

夏日炎炎, 除咗想食壽司同雪糕之外, 亦都想食碗清新嘅拉麵阿夫利亦係日本過江龍拉麵, 東京有九間分店, 香港店位於尖沙咀The One i.t orange forest佢哋馳名柚子鹽味拉麵, 用上幼身麵條, 鹽醬, 雞湯, 竹筍, 水菜, 叉燒, 半熟蛋, 紫菜, 柚子汁; 甫上枱已經聞到好香嘅鹽醬味, 第一啖食落有一種清新嘅柚子味, 令人增加食慾; 而特別值得一題嘅係佢哋嘅叉燒燒燶邊, 非常香口, 令整體感覺加分跟住再點咗一客羽根豚肉煎餃子, 底邊比較淋唔夠脆口, 但入面材料十足, 有豬肉, 姜, 椰菜, 青蔥, 京蔥同醬油, 水準還可接受整體感覺: 以日本過江龍拉麵嚟講, 算係達到水準, 價錢亦算合理; 夏天可以再去光顧

以🍜柚子拉麵係東京起家嘅AFURI,黎到香港做過江龍依然keep返水準👍🏻👍🏻窗外對住九龍公園景色唔錯，餐廳內部空間都係以白色同木色做主調，光猛得黎夠開揚，難得係尖沙咀鬧市有咁令人放鬆嘅空間☺️☺️坐低之後要出返去門口點餐機自助落單，同男朋友各自揀左唔同款嘅拉麵，可以交換試下口味😛上菜速度都好快，有得食喇～首先叫左碗經典柚子鹽拉麵，同係東京旅行嘅時候一樣❤️湯底嘅陣陣柚子清香中和左叉燒嘅油膩感，食完一啖又一啖👍🏻👍🏻🤣，拉麵係幼款，少少似米粉嘅感覺，但食得出餐廳標榜係用全麥顆粒製作嘅特別口感，加$18可以轉蒟蒻麵，下次有機會再試下🤭🤭另一碗叫左豚骨鹽味拉麵，比起柚子湯底重口味，湯底加入黑蒜油，上枱嘅時候香氣四溢😤，半熟蛋都煮得岩岩好，不過份量黎講男仔可能會覺得有d少🫣🫣唔似得一蘭有得加麵底，可能唔夠食的話就要加小食/餃子整體黎講都係舒服嘅體驗，一大早食都唔會覺得有負擔🌞

鍾意食拉麵既朋友相信都唔會對「AFURI阿夫利」陌生，分店主要集中係日本關東一帶，而香港都有一間係尖沙咀the one，宜家唔洗飛去日本都有得食啦拉麵店都好闊落，座位都唔少，近窗邊既座位仲可以望下出面既景觀，仲有微微既陽光滲入，都幾舒適，以自動售賣機自己落單，整好後店員就會送到你枱柚子鹽味拉麵AFURI既招牌人氣拉麵，標榜沒有落任何添加劑同人造香料，以獨創木魚雞湯湯底，加入清爽柚子汁製成，先嚐一啖湯底，清澈得黎帶有淡淡既柚子酸香，好清新，仲有一塊叉燒，半隻溏心蛋，食晒成碗都唔會覺得膩，清爽美味柚子醬油拉麵柚子醬油味道會比鹽味濃味一點，但醬油味係無蓋過柚子既酸香味，兩者既平衡做得唔錯，麵條以小麥製成，好似食緊蕎麥麵，麵質爽口彈牙，醬油味一d都唔比鹽味遜色AFURI既湯底走清新淡麗路線，有別於平時食開既拉麵都係較濃郁同咸，我自己就非常喜歡，食完一碗都唔會覺得好滯，如果鍾意食得輕盈d既朋友一定好岩你

ᴀғᴜʀɪ 拉麵 😋日本出名嘅野食有好多，拉麵當然榜上有名啦，大家最常食嘅係豬骨湯拉麵🍜 但係你有冇試過柚子鹽味拉麵呢？😉 聽落去幾特別，香港都有得食啦！ᴀғᴜʀɪ 嘅招牌柚子湯底真係好吸引，佢嘅賣點係無味精，味道好獨特清香，佢係將柚子精華加入以慢火製的秘製雞湯底，配埋傳統拉麵簡直係正！🥳我試左佢嘅「豬骨濃湯拉麵 🍜」同埋「柚子鹽味拉麵 🍜」，各有各特色，好食！ 價錢都唔貴😊 下次要試下佢嘅餃子🥟！

餐廳好闊落，位於The One 商場嘅邊邊位，玻璃位可以睇到夜景；同樣都係用自助售票機，但可以用信用卡/ 八達通付款，揀選自己想要嘅食物，自己俾錢就搞，所以無加一服務費。柚子鹽味拉麵 $98 / 柚子醬油拉麵 $98佢地主打係柚子湯底嘅拉麵，所以點咗鹽味同醬油各一個試。鹽味嘅柚子湯底比較突出，所以醬油嗰個就有多少少鹹，無咁香柚子味。麵條就係幼身，偏軟。每碗都已經包半隻糖心蛋、少少水菜、一片叉燒同一塊紫菜；麵嘅份量正常，但配料比較少。唐揚炸雞 5 件 $68無太多炸粉，幾好；但味道普通，唔太香口。鹽味雞湯餃子 6 件 $68佢地除咗主打拉麵之外，另外就係雞湯餃子，所以點咗一碗試吓；但有啲失望，食落同街邊食餃子無咩分別，而且上面兩塊檸檬配湯好怪😓😓 檸檬梳打 $38 / 柚子青檸梳打 $38不過不失，正常味道。

每次經過都想試一試，今次咁啱見到某平台訂座有半價優惠，真係好抵，所以決定獨自去偷食因為有半價關係，所以我叫咗柚子鹽味拉麵、炸雞同餃子。豚肉包我都有d興趣，不過一個人試唔晒咁多嘢，都係留返下次試。3樣嘢半價後都只係$104我個人幾鍾意拉麵個麵底，唔會太鹼水太黏，湯底飲落去有柚子味，都幾清新。小食方面，餃子比較失望，煎香左嘅底唔脆，反而辣味炸雞好食d。餐廳整體舒服，上菜速度好快，食物夠熱，店員亦十分有禮貌，入座後遞上水及餐具，教食客出去點餐。如果下次一個人又有d想食拉麵，優惠後算係一個唔錯的選擇

最近外食頻密咗，但又想食拉麵，所以想試吓朋友推薦呢間有柚子鹽味拉麵嘅餐廳。因為坐吧台，所以見到廚房嘅環境非常乾淨衛生。餐廳嘅環境亦十分舒服。員工亦十分友善。今日叫咗柚子鹽味拉麵、自家製煎餃子同埋青檸柚子梳打。柚子鹽味拉麵用咗幼身嘅拉麵，湯底唔油膩，十分清新，比起其他拉麵嘅濃湯底食起嚟少好多罪惡感，好適合女仔或者怕膩嘅人。叉燒嘅肥瘦程度剛剛好，不過如果一碗拉麵可以有兩塊叉燒就更好了。青檸柚子梳打亦清新解膩，而且大大杯，天氣熱時飲真係一流。自家製煎餃子上面有一層薄薄嘅脆皮，好特別，同餃子一齊食嘅時候令每啖更脆。整體來說食物質素好好，推薦比想食拉麵又怕負擔太大嘅朋友。

星期五晚上係The One 真係好難搵位食飯，已經係夜晚八點半，每間餐廳都係大排長龍，經過見到拉麵都係好多人排隊，但似乎拉麵係食得最快，最大機會有位，所以決定同朋友排隊試下呢間拉麵 🧂柚子鹽味拉麵 ($98) ~ 拉麵一到，已經聞到柚子味，食落有淡淡嘅酸味，唔會覺得好漏，幾清新，豚肉薄薄一塊，如果多一塊會好啲。🐔 辣味唐揚炸雞 ($62/5件) ~ 炸雞香脆肉嫩多汁，醮上辣醬，非常惹味，好食!

之前喺東京食過柚子鹽拉麵一直諗諗不忘😌但喺香港一路搵唔返同款湯底嘅味道！🍜呢間日本過江龍雖然開咗成年，因為疫情，加上係 IT 企下嘅，一路都無去食😅最近終於破戒試一次🍊好彩無令我失望！呢個拉麵冬天夏天食都OK，就算無咩胃口都食得落！湯底嘅柚子清香，加上淡淡柚子胡椒嘅味道，清新無油膩感🥰不過塊叉燒就有啲肥，冇乜燒嘅焦香。糖心蛋軟硬適中，蛋黃有少少流心，算係唔錯。🥟煎餃皮薄，煎得香口唔乾，🧅但有好重嘅京蔥味🤨整體都係喺東京食比較原汁原味呢！

被疫情困於家中多日今日難得出門就去食拉麵係沾麵同湯麵間糾結左一陣最終都係揀左柚子鹽味拉麵由於我唔食得荀所以走荀🙈就咁睇樣好似好少不過食食下就發現岩岩好先試湯底本身鹽味湯底偏清淡加左柚子香就令人感覺更加fresh淡淡微酸柚子香令人胃口大開適合夏日間炎熱時食幼麵麵質偏硬 不過不失叉燒肥而不膩 好味！只係可惜太細件幾啖就食完😣總結而言，拉整體偏清淡，適合愛柚子味又或偏好淡味拉麵既人黎試！下次有機會我會想試埋沾麵🤤應該唔錯

日本拉麵店阿夫利，出名食柚子拉麵，依加喺尖沙咀The One有得食，即刻去試下。餐廳裝修簡潔，兩邊落地玻璃，好有簡約美。柚子鹽味拉麵💰$98阿夫利出名食柚子拉麵，呢款鹽味拉麵湯頭清甜，有淡淡嘅柚子味，好夾。叉燒同糖心蛋都唔錯，叉燒有輕輕燒過表面，有微微嘅焦香，半肥瘦食落有油香又唔會過膩。拉麵較為幼身，煮得唔軟爛，不過如果可以係粗身拉麵可以有更好嘅口感。柚子甘露沾麵💰$108沾麵湯係凍嘅，柚子味好香，仲有柚子醋嘅酸味，好清新，加埋香葱同芝蔴非常好食。沾麵用嘅係粗身拉麵，好彈牙，睇真啲係有嘅好似麥粒嘅點點喺拉麵入面。角切叉燒肥瘦均勻，份量略少。唐揚炸雞💰$68炸雞味道偏鹹，有少少雪味，炸得略為乾身。炸軟殼蟹包💰$58包食落好似台灣嘅刈包，原隻軟殼蟹，炸得酥脆唔油膩，配上少少辣嘅沙律醬，好食。