小胖台灣便當 (德立大廈)

营业中

休息中

想試呢間台灣便當好耐 終於有機會去雖然係樓上鋪 但環境唔錯 闊落又多座位 有台式便當、麵食、台式小食、台式飲品🥤選擇都算多元化 價錢親民台灣古早味烤豬肉便當 $62三杯蜜汁烤雞排便當 $62 每款便當都有啲配菜 例如粟米粒、粉絲、時令蔬菜 都幾豐富 肉燥/海苔就要另外加錢便當份量好大🍱豬肉同雞扒烤得唔錯 肉質幾滑 幾入味 撈飯食一流珍珠冬瓜茶 加$6升級古早味酸梅汁 加$6升級點少得台式飲品😆兩杯都開胃解膩 甜度啱啱好 珍珠煮得幾好 好咬又夠煙韌 完全唔會過稔過硬梅香脆地瓜 加$16好香脆 又濃番薯味 唔會覺得油淋淋 話梅粉好加分 有台灣夜市feel 好味

留意到這間喺尖沙咀旺區嘅樓上食店有台式便當賣。諗起喺台灣旅行時嘅鐵路便當，這裏外賣包裝和堂食都係以紙盒盛載，旅行感覺好強，座位寬闊亦有唔少闊落嘅卡座。👍🏻台灣鐵路大排骨湯麵排骨味道鹹香，竟然有啲似上海店嘅排骨，醃得入味而且夠腍，麵條爽滑，追加了鹽蒜四季豆，美味香口。古早味酸梅汁材料十足，見有青檬和真酸梅，酸梅味濃郁。紅燒南投牛腩麵牛腩炆煮得又腍入味，微辣惹味！梅香脆地瓜加咗話梅粉嘅炸番薯，神奇配搭總係覺得地瓜特別香甜～外脆內軟熱辣辣超美味！😋👍🏻珍珠冬瓜茶留意部份特飲係冇得揀甜度。不過可以order 少啲珍珠～冬瓜茶貫徹始終都係台灣嗰種甜😂 珍珠十分Q彈，唔係咀嚼到牙較軟嗰種，味道唔錯！飲品、便當價錢合理，舒服座位，行街行到倦坐低唞唞食嘢傾偈真係唔錯～