喜記蟹將軍

营业中

休息中

同朋友講咗好耐嘅食蟹，終於可以起行！我哋兩個女仔叫一隻肉蟹、再要啲小菜、仲有蟹油炒麵，估唔到細細隻都幾夠食！肉蟹（一隻、細嘅）$788有種椒鹽炒蟹、辣度可以任揀。由於本身我自己唔係好食得辣，所以就叫咗小辣。蟹d炸脆配埋食都正，肉蟹新鮮啖啖肉。豉椒炒蜆 $108蜆個汁都正，好似帶少少甜咁，蜆肉新鮮，火候十足，非常惹味。椒鹽九肚魚 $108九肚魚幾外脆內嫩，即炸所以入面仲熱，有椒鹽味，調味得唔錯。乾鍋花菜 $98呢隻椰菜花用咗醬油嚟炒，所以有一種食緊啫啫煲嘅感覺。招牌蟹油炒麵 $88同平時嗰啲豉油王炒麵唔同嘅地方，但係佢用咗蟹油嚟炒，所以食個淡淡海鮮嘅感覺。都幾特別。呢度係中菜廳嘅格局，座位都幾舒適。

避風塘炒蟹一直以來都知出名，但無機會一試。今次有國內朋友話想試，我當然讚成，重揀左係美麗華的喜記蟹將軍，位置方便，店內裝修靚靚坐得舒服。清酒鮮鮑魚-鮑魚微微散發清酒的醇香，而且肉質易咬，開胃小食👍🏻椒鹽九肚魚- 比起一般嘅大排檔佢呢度整得特別出色，外脆內滑特別分明，而且魚骨特別幼。豉椒炒蜆-味道適中，而且蜆肉飽滿不帶砂。避風塘炒肉蟹-堅啖啖肉。上枱前有店員即場幫手爆蟹鉗，每隻腳都勁飽滿，蟹肉連埋避風塘粒粒一齊食勁惹味。豆豉鯪魚油麥菜-係舊時係屋企食的家常菜，保持都菜既翠綠爽口，咸香味足～招牌蟹油炒麵-鍾意夠幼細既麵條，香份啱啱好，簡單好食😋最後仲有番薯糖水作結尾😋

常言民以食為天,一方水土養活一方人,所以無論遠至天涯海角,近至城市鄉村,每個地方都差不多有自己標誌性的美食;以香港為例,因種種緣故,具代表性的食物亦有如繁星之多,其中一味--正宗的避風塘炒蟹可算頂流級美味;之所以有此一說,因在這天好友約局晚餐,選了位於尖沙咀區的正宗傳承兼人氣餐廳--喜記蟹將軍,從而讓我在味蕾上擴闊了美味體驗,兼長了當中的知識!座落於尖咀熙來攘往的彌敦道美麗華商場二期內,餐廳的裝潢從門面至內堂,都是走簡潔舒適高雅路線;場内以暖白色為主調,配以木紋色調及布藝裝飾,配上柔亮燈光,予人一種精緻而恬靜的用餐環境,極大地分別於創業期的艇上景致!餐牌排版精美,圖文清晰,予人極之良好的點餐指引;當然點選食物就交由好友發辦,一眾好友更放心;餐廳的上菜速度間距有致,當有細心一面;是晚的菜式豐富,且色香味俱佳!酸薑皮蛋,爽滑彈牙的蛋白呈現透亮的黑色,配上軟糯綿滑的蛋黃,其獨有的滋味馬上在舌尖展延開來,再吃上一片酸薑,令皮蛋的餘韻加上酸辣味,更加有開胃之效!紅燒乳鴿,皮脆肉滑,煙燻味絲絲入扣;鴿身肉厚而不柴,沾上亮光油份的外皮十分香脆,加上適當的調味,不用蘸上醬料來吃已極之美味!冰鎮清酒鮑魚