影片
更多
2014-05-22
4309 浏览
17-5-2014 (Sat)同男友o係沙田香港文化博物館睇完宮崎駿動畫手稿展後好攰,但要搵o野食,唔想去附近o既新城市廣場同名城商場幫趁o個啲連鎖店,咁呢o度又其實o係沙田同大圍之間,不如行去大圍食特別o野.於是邊行邊上open rice search,search到呢間,於是摸索條路行o黎,搵到喇,時間尚早大約7:00pm,好彩都有張兩人枱,張枱好明顯係加建,因為擺o係魚缸前,通往廚房同洗手間o既通道.我o地揀啲招牌菜煎封釀豆腐,男友就問我食唔食柚皮?因佢知我自從o係得龍食過苦澀柚皮後就驚o左,(o個個食評: http://www.openrice.com/restaurant/commentdetail.htm?commentid=2086362&tc=sr2rvw&con=rvwer) 不過都就佢啦,佢就決定要柚皮扣鵝掌.我o地再繼續諗,有個大叔就上前俾意見喇,話梗係要食招牌菜椒鹽海中蝦啦,又話我o地食3個餸夠o架喇.男友問佢呢個幾錢?我問係時價吧.大叔答係,28.啊,咁就要埋呢個啦.之後我o地睇返所有o野o既價錢, 煎封釀豆腐$95.00, 柚皮扣鵝掌$220.00,好貴.好
我o地揀啲招牌菜煎封釀豆腐,男友就問我食唔食柚皮?因佢知我自從o係得龍食過苦澀柚皮後就驚o左,(o個個食評: http://www.openrice.com/restaurant/commentdetail.htm?commentid=2086362&tc=sr2rvw&con=rvwer) 不過都就佢啦,佢就決定要柚皮扣鵝掌.我o地再繼續諗,有個大叔就上前俾意見喇,話梗係要食招牌菜椒鹽海中蝦啦,又話我o地食3個餸夠o架喇.男友問佢呢個幾錢?我問係時價吧.大叔答係,28.啊,咁就要埋呢個啦.
之後我o地睇返所有o野o既價錢, 煎封釀豆腐$95.00, 柚皮扣鵝掌$220.00,好貴.
好快, 煎封釀豆腐到o黎,
一碟有8件大大件,影好相食得,豆腐表面全部都煎脆o左,面上o個粒唔係豬肉原來係蝦肉,
豆腐唔係太滑,淋返甜豉油食就好味.然後椒鹽海中蝦到o黎,
中蝦大大隻但唔大碟,睇到幾乾身唔油膩,冇多餘o既椒鹽,食落,味道o岩o岩好唔太鹹,好味,亦冇蓋過蝦o既味道,但美中不足之處係,蝦肉唔係爽口彈牙同冇乜鑊氣.最後柚皮扣鵝掌到o黎,
份量都係少,兩片柚皮望落去有啲似鮑片,鵝掌大概有5,6隻,
先食柚皮,柚皮腍晒冇渣,
味道有少少甘,但冇上次得龍食o既咁甘,不過我都係食唔晒一件,俾男友食.而鵝掌炆到好腍,汁亦濃郁,呢個都好食o既.上埋柚皮扣鵝掌後,男友都嘟一個白飯share食,我就黐少少,飯o既軟硬適中,冇問題.
食完後,男友話要食糖水,佢想要芝麻糊,我就話睇menu有咩o野甜品,咁佢就問大叔攞o黎睇,無意中睇到茶芥$16.00一位,我就想要同花生糊同一價錢,$35.00o既合桃糊.
決定o左就叫大叔,佢o既反應好好笑,係即刻O咀,真係O咀,然後話睇睇有冇先.之後返o黎同我o地講冇呢啲,只有送俾我o地o既紅豆沙,重話要食甜品去後面街好過,大把多.哈哈,佢好老實呀!
之後兩碗紅豆沙到o黎,
食落,紅豆夠腍有啲沙,不過唔夠甜,食到少少苦味,係果皮o既苦味,我終於明白大叔點解叫我o地去後面街食 .但男友覺得好食,想問可唔可以送多碗.服務:
淨係睇上面就覺得好攪笑,而其實由行入o黎開始,佢o地o既服務都唔差,唔會叫極唔應,態度又好.
環境:
係幾十年前o既裝修,應該同醉瓊樓同一年代,我諗呢o度係自置物業,否則o係係咁加租下,呢啲舊店點會重做得住?
衛生:我隻杯仍有上手o既唇膏漬,但toilet雖然係舊,卻又乾淨又大.
結論:
好老實雖然o野食環境同服務唔差,但埋單要$667.00就覺得唔值收呢個價,咁貴,o係出面係可以食得更好.
每樣餸o既味道都係4.7分,白飯同紅豆沙就唔計啦.
张贴
