愛文生

营业中

休息中

有大學同學🧑‍🎓英國🇬🇧返嚟，揀咗食大排檔愛文生，雖然6:30去到但係都全滿，識得經理可以😌入先，多謝🙏，不過8個人都係坐6人細枱，但經理🧑‍💼話等埋隔離張二人細枱食完俾埋我地。QR code落單，經理介紹off menu既清蒸老虎🐯斑($360),好新鮮，肉滑，不過蒸咗大半個鐘，叫咗椒鹽炸鮮魷（$138），好大碟，不過炸得唔脆，粟米🌽斑塊（$98），不過不失，鐵板黑椒咸豬手（$178），夠大隻，熱辣辣，鐵板上，正，蒜蓉炒菜心（$78），炒得好食😋，豉汁蒸鱔（$148），多骨，唔啱我，白粥（$13），潮州粥，正👍🏻，自家製飲品🍸竹蓆茅根（$15）清甜。辛苦😓大厨👨‍🍳強哥

久違既大排檔愛文生，撞啱食環掃場，所有放室外既嘢都要放返室內。見到有位，但唔知乜水又叫我地攞飛，最後坐入面。而家大排檔唔洗睇餐牌同叫人落order，一個QR code睇餐牌落單，炒蟶子賣哂，叫咗椒鹽炸鮮魷（$138），唔夠脆，琵琶豆腐（$98），一般，紅炆班腩煲（$98），等得耐，一般，蒜蓉炒通菜（$78），好食😋，有鑊氣，白粥（$13），正👍🏻，同自家製竹䉀茅根（$15），清甜。坐室內冷氣位，孫新抱胡小姐收錢，可以😌電子支付，經理🧑‍💼阿叔認得我，臨尾大厨🧑‍🍳強哥都有同我bye bye 👋

深水埗有好幾間大排檔都好出名，除咗香港人，亦十分之多遊客去食，今日就去聞名已久嘅「愛文生」試吓，但估唔到都幾失望。環境原來佢有好幾個鋪位，十分之大，舖位之間係唔連住，今次就坐到去比較遠嘅位置，不過好彩唔使等位。黑椒咸豬手 $148好大份，上枱仲係「咋咋」聲，肉質都算脬，用刀好易切得開，一食落去味道比較鹹，黑椒味出，都算唔錯，但如果食得比較淡味嘅人就會覺得太重口味。椒鹽炸鮮魷 $98上網見到評論好似唔錯，食大排檔嘅話，椒鹽鮮魷係一道好分得出餐廳高下嘅菜式，所以就叫左。但一上枱已經失望，因為炸粉太薄，係薄到包唔住所有嘅魷魚，炸粉唔夠脆口又唔香口，魷魚正常冇特別，好普通。黑椒薯仔牛柳粒 $98想必食薯仔牛柳粒都係因為「萬發」，所以食大排檔都會想叫呢一味餸。薯仔份量十分之多，但牛柳粒就好少，亦唔係粒嘅形狀而係一片片牛肉。薯仔外層唔夠脆，裡面唔夠軟，做唔到「萬發」嗰種水平，牛肉片冇特別，只係覺得成碟都好鹹，唯一可取之處就係大碟，都幾失望。總括來講，名氣比實際大，食物都比較重口味，我比較食得重口味嘅人都覺得菜式偏鹹，只係得份量大取勝，比我再揀就唔會再嚟幫襯了。附：餐牌

要聚舊當然要去大排檔先有feel la~~~特別我地剛好有一檯人,就去左呢間大家都話正的餐廳~~因為人多,所以我地都可以叫多幾款菜開波先叫D菜打底~~金銀蛋浸時菜+清炒時菜,識食一定要識大排檔鑊氣炒菜,一炒無曬臭青味仲要唔油,正呀,D 菜好爽好脆!金銀蛋浸時菜超多金銀蛋同蒜頭,所以好香好惹味,我差D連D汁都想飲埋!!接下來的指定動作當然係椒鹽乜乜乜,我超鐘意炸豆腐,見到佢外層嘅顏色就知道佢係幾咁脆,但咬到入面D豆腐又超滑超嫩,同超熱!睇落好似唔係好多調味,其實外層已經完美索曬D味,真係估佢唔到!不過炸鮮魷我就覺得普通,因為魷魚比較林身,亦比較油膩,椒鹽味多少少會好食D沙拉骨我食得多沙拉豬扒比較少見,不過換成豬扒仲好,大家可以食到更加多肉~~而且佢D沙拉醬唔會過多,食到肉味加少少甜人多一定要叫豉椒炒蜆,真正鑊氣就響呢度感受到啦~~蜆肉好豐滿,粒粒都好大粒,仲要有些微辣味特別開胃,送碗白飯perfect match~D男仔唔夠飽,又叫左沙嗲牛肉粉絲煲同麻辣水煮魚片,雖然個煲唔係好大.不過裡面好多好彈牙嘅粉絲,牛肉林得黎有嚼勁,食多幾舊都得,沙嗲味好濃郁但唔會攻喉,食完都唔算太口乾鐘意辣到噴

三五知己最好就係大排擋，點嘈都唔會有人理😆朋友介紹呢間愛文生，一試無妨。晚上大約19:30去到，人多，有啲已經坐咗喺街，我們一行5人，舖內仍有坐位，店員安排我們一張10人枱😳餐牌上好多經典菜色都好想叫，先叫6個吧。小炒王：韭菜爽、果仁脆、魷魚煙韌、菜甫甜、蝦乾靚，啖啖口感不同，完全停唔到口。豉椒炒蟶子：其實來呢度唔應該揀海鮮食，明知唔會好食嘛，但我太愛蟶子😛果然，一食就知唔新鮮，應該好多本身已經死咗，而且好多殻，蟶子肉就好少😞生炒骨：大排檔必叫嘅生炒骨，每件肉都肥瘦相間，好味😋炒豆苗：新鮮好味椒鹽雞軟骨：雞軟骨同果仁係好味嘅，中間仲有啲炸咗嘅蒜蓉呀蔥呀咁，但雞軟骨嘅比例就少咗啲喇，以$98嘅價錢來講就唔係好抵囉香芋油鴨煲：其實我們叫嘅係臘味煲，但佢來咗油鴨，食咗少少先發覺來錯咗，同店員講，佢望望下，無出聲就收走咗，我們以為佢應該係換咗啲油鴨，放返啲臘味落去架姐，點知佢收咗之後，過咗一段時間先再送返煲野來，原來佢從新做過，有誠意，竽頭好香好滑，但臘味就麻麻地，同雞軟骨同一個問題，竽頭多過臘味好多，唔值$98囉食到咁上下，我哋5個肥妹仔覺得唔夠皮(๑´ㅂ`๑)於是叫多2個餸，5個人叫咗8個

朕一向都鍾意尋找好食既小店，由其係同一班遮民去食飯，朕就最愛食啲鍋氣小炒，飲個啤酒，大排檔係朕既首選！而今次朕就打聽到深水埗有間幾十年老字號大排檔－愛文生，就算係閒日都人山人海，人流駱驛不絕，於是朕就同幾個遮民去試下！朕行到附近己經見到好多人，佢地唔止一個鋪位，遮民行埋去問店小二有無位，店小二就叫左我地過隔離鋪，有張四人枱剛好結帳，咁朕就緊係坐低睇下食咩啦！一黎朕就叫啲香口野做下佐酒小食先，就要個椒鹽炸鮮魷同埋燒乳鴿。椒鹽炸鮮魷新鮮熱辣上枱，鮮魷上面撲上薄薄一層生粉，仲有淮鹽，炸到金黃色，再喺上面加上椒絲同埋葱花，鮮魷食落彈牙香口，外層薄脆，酥化而不油膩。非常惹味，佐酒佳品。紅燒乳鴿，脆皮香口，肉厚而嫩，肉質鮮美，用手撕來吃，一邊啤酒吹水，人生一樂也。黑椒鹹豬手，差不多枱枱客都有叫，呢個又係佐酒好選擇，朕當然唔會錯過啦，黑椒鹹豬手上枱時，塊鐵板熱到啫啫聲，隻豬手大過朕既拳頭，切開個陣時己經感覺到豬皮既煙靭，肉身亦都好腍，食落豬手非常惹味，黑椒汁好香，剩係個豬手，己經夠朕一行人每人叫多一支大啤！真係好邪惡！！！大杯酒大塊酒之後，就緊係要食番啲菜平衡下啦，呢個什箘菇扒時蔬，清清地，份量都好