阿肥火鍋 (已結業)

戈日咁啱去尖東有啲野要搞，整完啲野之後其實都有啲肚餓，尖東嗰邊相對冇尖沙咀咁多嘢食，不過要搵起上嚟都唔會話冇嘅。咁啱經過一間門口非常有特色嘅餐廳，系幾有玩味嘅霓虹燈牌，吸引我嘅眼球👀然後一落地牢就係呢間火鍋店。蔬菜類黎講，首先叫咗椒鹽栗米，覺得幾得意所以會想試吓🤪平時食栗米都已經覺得好清甜，呢度嘅栗米當然都清甜，加咗椒鹽又鹹又甜都吾會話好奇怪，好有創意嘅組合。本身都幾鍾意食紫菜，要個湯都有紫菜🤣養生松茸昆布湯，裏面真係有海量嘅海帶😂啱曬我呢啲紫菜控。個湯清到不得了，真系一啲油都冇，又未至於冇味呀。炸魚皮就食得多，脆皮鯇魚腩又真系第1次食😳個樣其實同炸魚皮冇分別，系入面有好多條魚骨，但原來魚骨事先已經被炸過，食落口完全都冇會吞咗骨頭嘅感覺，口感非常脆卜卜。向來都好中意食海鮮，黎到呢度當然都吾例外🤤叫咗啲貴妃蚌試試。兩個人食4隻我覺得啱啱好了。唔會話太多或者太少。貴妃蚌每一隻都新鮮同埋清甜，冇乜海水味，幾滿意呢道菜。黑牛柏葉本身好少喺出面食到，一食牛柏葉就好自然咁諗起酒樓嘅點心牛柏葉，酒樓嘅牛柏葉我覺得係索晒啲汁同埋淋淋哋幾好食，喺呢度就真係爽口為主，定係黎講都偏硬🙈極上手切靚牛肉真係名不

有台灣朋友訪港，攪手一星期前已向阿肥火鍋預訂私房菜，八位訂咗一湯七餸。1. 燉湯(花膠丶鮑魚丶烏雞丶雞腳丶排骨丶杞子等)2. 黃金蝦3. 避風塘炒大肉蟹(兩隻)4. 菠蘿咕嚕肉5. 蒸斑6. 炸手雞(一隻)7. 薑汁芥蘭8. 豉椒蟶子米粉底一開始飲燉湯，淨見D湯料已經令我流哂口水，飲落口嗰下真係冇得彈，清甜唔油熱騰騰，完全將胃口打開了，突然好似好肚餓好想食嘢咁黃金蝦好多羔，一咬D蝦羔同鹹蛋黃一齊咇出嚟，好正；避風塘肉蟹嘅蟹好新鮮，配料超香；菠蘿咕嚕肉係一道看似普通但難做得好味嘅餸，大廚真的做到外脆內嫩，份量好多，同個presentation一樣多到滿瀉，新鮮波蘿肉好甜；條斑蒸得剛剛好，個個食到呢個時候已經飽飽哋，但都係食唔停；炸子雞皮脆肉嫩；芥蘭嘅薑汁味就唔夠濃，但平時唔多喜歡食芥蘭的朋友就讚炒得好，冇咗芥蘭草青味；蟶子新鮮炒得剛好、煎米粉煎得兩面脆脆，按我個人口味個汁就多咗啲。飯後果西瓜都食埋，大家都話好飽。朋友們繼續一邊飲啤酒一邊傾計，老闆見大家飲咁多啤酒咁開心，介紹兩款佐酒小食：錦鹵雲吞(炸得好脆、餡料又多)及椒鹽粟米(香口丶細細條易食)，這粟米不得了，最終食咗三碟其實我之前有寫

今晚又去打邊爐啦，打算睇世界盃季軍賽。我地大約6點就到達（好早呢）唸住慢慢食，今次叫多d食物，包括貴妃蚌、墨汁丸、鬼馬釀油炸鬼、蝦丸、莧菜餃、魚皮餃、陳皮魚蛋、冬瓜片、皇帝菜、油墨菜、粟米、脆鯇片、松露蝦餃，食到個個捧住個肚走。美中不足係英國大敗0:2比比利時觀乎今晚睇波人士冇上次睇分組賽咁hyper，可能季軍戰冇乜興趣啦，我地由6點坐到11點都見到有1、2張檯冇人、小編唸可能呢間火鍋店冇high profile話自己🈶️now tv有波睇啦！此話何解？皆因小編早兩日打去同佢地講話要圓檯近鐵閘懷舊位既時候順便問下佢星期六係咪有波睇，但個姐姐話佢地係viu免費電視、即係星期六唔會有波睇啦，所以我即刻改返由9點去6點，因為如果冇波睇唔洗咁夜食啦。但去到至發現佢地5部電視其中一部係有now tv既，咁小編都冇追究佢啦反正佢冇要我地幾點還檯。但真係大打折扣囉any肥有波睇就算啦另外題外話講一講：現場所見、嚴重缺乏人手、老細都要落場幫手，小編d朋友欠缺耐性又比說話d伙計聽，其實飲食業咁難請人，真係難為食客都難為侍應既，大家比d同理心啦

夏日炎炎，最近呢幾個月都打少咗邊爐，今日同朋友行街到尖沙咀，終於忍唔住都係要打邊爐我哋經過個地庫，見到有一間火鍋店叫阿肥火鍋，就諗住試吓，反正咁熱都唔想再搵路。火鍋店嘅門口唔算易搵，但係行到入去就係一個驚喜！佢嘅裝修係以懷舊香港風格做焦點，裏面有好多細細個見到嘅嘢，甚至係未見過嘅一啲古董，就例如有熱水壺、黑色電話、雞碗等等。湯底我就叫咗老成都麻辣火鍋底，食物當然唔少得有手切牛肉、響鈴、牛肚、皇帝菜、墨魚丸、蝦丸、牛柏葉、鳳城水餃同埋韭菜餃。睇到餐牌原來仲有一啲熟食，我哋就叫咗椒鹽粟米。先改一改湯底，我哋以為係一大盤麻辣火鍋，原來中間仲有一啲清湯，我睇Menu見到呢一個清湯應該係用豬骨、農場雞煲成，飲落肚，味道十分濃郁，都好適合如果麻辣太辣嘅時候想食返清湯嘅人食。至於麻辣嘅湯底，本身我覺得唔算話係好辣，但食左十五分鐘左右就開始黎料越食越辣，麻味更是越來越突出食物一嚟到，例牌嘅牛肉其實已經好多，淥落去麻辣湯底之後，食入口都有好香嘅牛味，唔會比麻辣味蓋住，加上佢每一塊切得幾厚，所以好有咬口！至於墨丸蝦丸，他們都好大粒，好足料，而且彈牙。份量方面，佢可以每一樣都嗌半份，咁就唔怕浪費食物了！至於