禮記 (已結業)

又要試吓將軍澳南嘅餐廳，呢間餐廳夜晚係做烤魚，朝早係做飲茶，入邊設計比較新潮，裝修風格比較特別。我同阿媽兩個人，一盅兩件，享受風味。椒鹽脆豆腐 4/5經典嘅菜式我諗周圍都有，但係好食嘅都要好考功夫，每粒嘅size都啱啱好，外邊層皮唔會太厚，入邊都保持幼滑，外邊嘅椒鹽粉提升整個層次。安格斯牛腸粉 4/5每一粒都係整體嘅牛肉粒，比起一般嘅牛肉腸粉係好食，始終唔係牛肉泥，腸粉嘅皮都夠薄，依個價錢呢個份量我覺得唔差。蛋白鮮蝦炒飯 2.5/5呢個價錢 $158 食一個咁簡單嘅炒飯，我嘅期望一定係高要求，佢面頭上嗰一執瑤柱，份量少，鮮蝦得六隻，普通嘅炒飯仲要冇乜味，我係覺得唔抵。黑魚子帶子燒費皇 3/5聽個名就覺得好矜貴，又有墨魚子又有帶子又有鮮蝦，但係好唔好食真係好講功夫，每樣嘢都彈牙，唔會一夾就散，實實在在，味道唔差，我諗貴在就係嗰個材料而唔係背後嘅功夫。地點:將軍澳Donki嗰個商場側邊，經過嘅時候就會見到有好多間餐廳，唔係只係食佢嘅。環境:新潮嘅裝修，我又有少少古典嘅味道，刻意採用中式嘅器具，可見多元文化嘅混合。價錢:四樣嘢埋單，每人$200，算貴㗎啦。服務:二人枱櫈底有籃仔俾我哋擺袋。

將軍澳海旁中餐廳➖禮記🥢早兩日同媽媽食左係將軍澳海旁附近嘅一間中菜餐廳 地方幾大幾好坐 幾啱同屋企人嚟食飯 菜式都幾多下 又有少少創新嘅菜式〰️椒鹽脆豆腐 $98名符其實嘅外脆內軟 入面豆腐好滑 外皮無炸粉 椒鹽味好香好想食多次😂〰️話梅香橙雞 $158好似係新嘅菜式 平時都好中意食話梅呢啲酸酸地嘅嘢食 食落無太大嘅話梅味 反而香橙味出好多 總體味道係酸酸甜甜 雞肉方面炸過 就算淋左啲汁 都仲保留到鬆脆嘅口感 仲係無骨der！〰️瑤柱魚滑上湯浸時菜 $138份量唔細 時菜係小棠菜嚟 都好新鮮同清甜 啲湯飲落好香瑤柱味 但有少少鹹 魚滑唔腥 本身想叫碗白飯 食食下已經好飽😹💰 $420 (2人)食物質數 ⭐️⭐️⭐️⭐️環境舒適 ⭐️⭐️⭐️⭐️⭐️抵食指數 ⭐️⭐️⭐️⭐️推介指數 ⭐️⭐️⭐️⭐️#hkcp_將軍澳➖➖➖➖➖➖➖➖

無飯夫妻今日來到這昌間位於澳南的新派中菜館禮記餐廳內裝潢有點古色古香的味道, 坐位舒適連茶杯都非常有特色, 點了玫瑰荔枝茶, 荔枝香濃, 非常清新椒鹽脆豆腐 - 份量比想像中多, 豆腐外層炸得粒粒金黃, 賣相一流有了椒鹽，就算淡而無味的豆腐也變得非常惹味好吃。豆腐出奇地滑,有入口即溶的感覺懷舊鳳梨咕嚕肉 - 上台時都感到驚喜, 擺盤和賣相都跟高檔餐館一樣精緻咕嚕肉炸得非常香脆, 肉質鮮嫩多汁, 配上酸酸甜甜的醬汁非常醒胃瑤柱魚滑上湯浸時蔬 - 用熱騰騰的石頭鍋上, 能保存上湯的溫度魚滑口感軟腍, 配著清甜的上湯來吃, 感覺非常健康養生這間新派中菜館食物精緻味道高質, 價錢合理, 值得再來

行完donki覺肚餓， 屋企人話 想食中菜， 喺正樓下有一間。格局非常企理， 有種高級中菜氣派。鳳梨咕嚕肉，$128。 每次食中菜必點既都係咕嚕肉， 個人認為 係其中一款中菜試金石。 呢度嘅咕嚕肉皮唔算脆， 但勝在每一粒 切得夠細， 小朋友都容易入口， 酸甜味適中。 至於賣相上配搭 碟同埋框嘅造型， 喺打卡方面已經贏曬。椒鹽脆豆腐，$88。 正常水準， 外皮做得脆裏面嘅豆腐仍然嫩滑， 配搭椒鹽嘅鹹味非常可口。銀芽肉絲脆麵，198。 賣相造型十分驚喜嘅一道菜， 個麵好似gel左頭咁樣， 定咗型， 係打卡一流嘅菜式。 口感味道都同普通嘅乾燒伊麵差唔多， 不過佢嘅份量就非常之多， 算係幾抵食嘅邊食。

識我嘅朋友都知我仲意食煎炸野，所以今日晚飯點左三個比較香口嘅菜式。-椒鹽脆豆腐 ($88)豆腐外脆內軟滑，炸粉好薄，食落香脆而唔會油膩，裏面嘅豆腐香滑、入口即化，加上表面嘅椒鹽，食落咸香脆可口。-懷舊鳯梨咕嚕肉 ($128)咕嚕肉擺碟精緻，味道甜甜咸咸唔會太酸，肉質爽嫩，食落微脆，夾入埋鳯梨、椒等配菜，係好開胃嘅小菜。-銀芽肉絲脆麵 ($198)脆麵嘅炸法好特別，係一個筷子夾起嘅形狀，食之前會淋汁再將麵剪段，脆麵口感香脆，唔會有油，配以肉絲、銀芽、干蝦，好飽肚。-鐵觀音茶 ($13/人)茶色清，飲落香甜回甘，冇苦澀味。