妹記大排檔

营业中

休息中

細個成日跟屋企人食大排檔，大個左以前食開既大排檔已經執哂!一直聽聞旺角呢間樓上大排檔好高質，上過去幾次都超多人就放棄左。今日要去旺角買野於是就上黎碰下運氣!唔知係咪因為星期一呢!竟然唔駛等位可以直入，仲可以任坐!真係太驚訝!太高興既關係兩個人叫左4個餸~😂😂首先蠔餅上先，蠔餅係我最愛食既大排檔食品~😍以前係屋企樓下有間潮州菜館，D蠔餅超好食，之後去過好多度食都食唔番果種風味!而呢度整既蠔餅可以同我回憶中既蠔餅媲美!炸到外層酥脆內裡充滿蠔仔兼蛋香，唔會好似D劣質蠔餅咁得D粉漿!點埋呢個辣椒醬真係好完美!😋😋第二道菜-椒鹽鮮魷，如果蠔餅係我最愛，咁佢就係我第二最愛~雖然好熱氣但我就最鍾意佢趁佢熱辣辣脆卜卜時食~呢度出品既椒鹽鮮魷都做到呢兩點~炸漿脆卜卜仲有好多炸蒜係面，附有喼汁中和油膩感!鮮魷唔un好容易咬開~係高質既!第三道菜-沙爹肥牛粉絲煲，沙爹味香濃而唔過咸，肥牛冇雪味，同粉絲一齊索哂D汁，即刻要叫兩個飯黎撈一撈~!最後蕃茄金銀蛋肉崧浸白菜仔，為呢餐既邪惡感稍微降低一點點~蕃茄酸酸甜甜平衡番呢餐既熱氣感!白菜仔冇渣亦係新鮮之選!✨又食到好飽喇今餐!!其實我地得兩個人但份量多得滯最後要

香港飲食最具特色一定係大排檔，可以不顧儀態粗聲粗氣大吃大喝，份量大而價錢平。但隨著時代變遷大排檔已經愈來愈少，幸好我們還有妹記，將大排檔式食肆搬上樓，延續地道風味🇭🇰今晚一班酒鬼朋友聚會，雖然啤酒與戰鬥碗才是重點，但不竟是一餐晚飯，所以都必須嗌些香口佐酒小吃。每人一款，結果好驚訝！一枱都是炸野，炸野同埋炸野。咁多炸野真係間唔中一次半次就好，求開心ja實在太高興，只記得大青島$24/枝，我地起碼飲20枝，好抵飲

最近突然好想食豬手，想食佢脆脆既豬皮，豐富既骨膠原!!所以今次黎到炸豬手好出名既「妹記」!同朋友兩個人六點左右就黎到，唔駛BOOK枱可以直入建議如果七點先黎到既話，最好就先BOOK枱，因為滿座率已經有七八成!!本身想叫個炸豬手，點知職員話「六十幾蚊呢款炸豬手唔脆架，原隻果款先脆!」心裡有萬個問號，炸完既野唔脆?! 點解?但重點係兩個人點可能食得哂原隻炸豬手?!…所以放棄左兩個人叫左三個小菜，同兩個白飯 ($10)鬼馬油炸鬼 ($78)我估呢味應該係妹記第二款必點菜式呢款小菜鬼馬在於蝦滑釀左係油炸鬼入面，之後拎去炸但即使炸完，蝦滑都唔會變乾，仍然有濃濃既蝦味!! 蝦滑好有驚喜而油炸鬼炸到內外都十分乾(個人覺得硬左D)，已經食唔出係油炸鬼；但正正因為油炸鬼味淡同硬先可以特顯返蝦滑既蝦味同彈椒鹽鮮魷 ($58)魷魚分量足夠又唔厚粉，而且無炸過龍，仍然保持到外層少少脆粉漿同內裡彈牙魷魚，但略嫌魷魚味唔夠。不過，以呢個價錢食到呢個小菜已經算抵!! 出面咁上下質素都要六七十啦妹記小炒皇 ($78)呢度個小炒皇除左韭菜、蝦乾、腰果、魷魚仔、菜蒲條之外，仲多左鮮蝦仁、元貝仔同銀魚仔。材料真係勁豐富!!

以前食開妹記都係去紅磡食...之後搬左去尖沙咀到而家 黎到旺角 (都好一段日子)價錢無乜貴到 但係環境愈黎愈好~~~ 雖然有d難搵!估唔到竟然有個文青corner XPPP環境同cafe有得揮=DDDD好舒服同埋最重要係比到個乾淨既感覺我地!太肚餓喇....無影低到MENU, 不過一般大排檔有既款式呢度都會有 有好多選擇, 價錢最平由五十幾蚊起~有平有貴 (good)椒鹽鮮魷 $58 (味道: 8/10, 份量: 8/10)基本上落完單無耐就送到喇~~~ 見到熱辣辣出緊煙 聞到好香好香既椒鹽味!!!!! <3<3雖然好熱但係都要即刻開動喇~~~ : )真係好感動呀T___T 好好味!!連埋面頭既炸蒜一齊食實在太好味喇!!!!!鮮魷片都幾大塊~ 唔會難咬夠爽口~ 又爽口又香脆既鮮魷so good~咸魚茸飛天通菜煲 $68 (味道:7/10, 份量:8/10)兩個人要食晒呢煲通菜...的確係有d吃力XDDD通菜顏色好靚 個煲keep熱keep到好耐~不過通菜炒得太咸同有少少渣南乳香酥骨 $58 (味道:7.5/10, 份量:8/10)叫之前無諗過原來係炸既@@成件骨有少少硬