紅花會 (已搬遷) 新店位置

今日大家係紅花會聚首一堂，目的只有一個，就係食正宗頂級嘅川味料理。紅色當然係餐廳不可缺少嘅元素，餐牌同枱布都係鮮紅色。另外餐廳用左高椅背既梳化作分隔之用，空間感非常足夠。主打傳統川菜既紅花會裝潢充滿現代化，正正象徵紅花會菜式傳統同現代嘅結合。- 蒜泥白肉應該係我食過賣相最靚既蒜泥白肉，薄如紙既腩肉包住青瓜絲，一啖就可以試曬，清爽之餘更有後勁十足既香辣，但辣椒唔會完全蓋過蒜蓉，味道非常平衡。- 水煮沙巴魚客人可以揀桂魚或沙巴，職員話前者肉質嫩滑，後者肉質結實，充滿口感。但係我覺得職員呃我，因為沙巴魚肉質同樣滑嫩🤣魚片份量唔係算多，但有不同配料包括芽菜、蓮藕、萵筍、寬粉，而且味道真係出色！香、辣、麻集於一身。- 椒麻鮮雞鮮雞肉配上椒辣味十足既醬汁，肉嫩而味鮮，充滿風味。- 西湖牛肉羹食左大多辣野所以叫左碗湯羹平衡下，西湖牛肉羹材料主要有豆腐、牛肉、蛋白同蔥花，賣相晶瑩清澈，口感幾滑溜。- 蔥油麵葱油香氣十足，麵條非常掛汁，加上蝦亁，每一啖都係鹹香既極致，完全停唔到口。P.S 只要追蹤紅花會嘅社交平台專頁，客人可以免費獲贈自家製涼茶一杯，當你食辣野嘅時候絕對大派用場🥵每款菜式係味道或賣相都令

夜闖 紅花會 皆因想食川菜，沒有陳家洛堂主，只有葉世昌師傅，早前就是看了 Viu TV 「踢館」水煮魚，垂涎欲滴，於是一行四人來！紅花會是一家走會所風格的川菜小館子，揉合傳統及創意元素，整體水準唔錯，值得推薦。 據說川菜講求百菜百味，只不過在香港吃到的川菜皆以麻辣為主，個人口味來說，一餐有辣有唔辣的川菜晚宴方才合意！ 尖椒黃金皮蛋 $78唔食唔知皮蛋都有金黃色的！平日見慣黑黑灰灰，據說因為四川醃法不同。這道黃金皮蛋賣相搶眼，見樣已經覺得好食！同樣是蛋白有點通透似啫喱，蛋黃黏黏地半溶狀態，質素好好，食落順滑順口；一片紅海的賣相好似好辣，其實我唔覺得辣，相比一般皮蛋添了蛋香，少了阿摩尼亞的霸氣，好吃，值得一嚐。 茶燻樟茶鴨 $168裸妝而上沒有雕琢，樟木及茶葉之獨特香味更出，鴨皮酥脆、鴨肉香嫩，水準之作！美中不足在於麼麼皮，稍為熱度不足，令香軟度遜色！蛋黃豆腐 $128遇上我喜愛的兩款食材，蛋黃調得恰到好處，混合豆腐滑溜非常，淨食或佐飯更一流，愛不釋手！水煮魚（海沙巴） $428果然是招牌，而且份量十足。魚肉新鮮結實，被辣油沐浴之後異常順滑，而且有曾炸過及原味兩款混合。鍋內有四川薯粉條及芽