季稻 (已結業)

🍚冬陰公鮮蝦炒飯好味指數：👍🏻👍🏻👍🏻👍🏻👍🏻 一上碟就見到每粒飯顏色均勻，粒粒分明，未食到睇到廚師功架。飯一入口就食到勁香濃嘅冬陰公味，酸味為主調，帶少辣，鐘意冬陰公嘅朋友一定要試下。佢嘅蝦仁亦都好彈牙。🥗鮮木爪沙律好味指數：👍🏻👍🏻👍🏻👍🏻入面有青木瓜、花生粒、蝦米乾等等嘅食材。調味係酸酸甜甜帶少辣，非常開胃又健康。🥬炒芥蘭好味指數：👍🏻👍🏻👍🏻👍🏻👍🏻 佢嘅芥蘭好翠綠，炒到岩岩好，爽口唔老。不過就比較辣，鐘意食辣嘅朋友就岩哂。🍤炸蝦餅好味指數：👍🏻👍🏻👍🏻👍🏻👍🏻 應該係店家手工製作，咬口實正，非常之重嘅鮮蝦味，而且有精心調味，熱辣辣鮮炸，外皮脆卜卜。🧁班蘭大菜糕好味指數：👍🏻👍🏻👍🏻👍🏻👍🏻 呢個甜品相當有驚喜。一般係出面食到嘅大菜糕口味都係偏淡，但係店家就整到好香濃嘅斑蘭味，再配上少許嘅椰汁醬，味道一流。佢嘅口感爽口，擺盤精美，作為飯後甜品真係好正！🥥椰青超級大粒，又冰涼清甜，配住食泰國菜，真係一級享受。🍹泰國珍多冰好香濃嘅椰奶味，再配上煙煙韌韌嘅綠色條條，味道同口感都好好。🪑環境坐位都非常企理，適合1-4人入

好耐冇過來官塘宜安街食飯，朋友帶我去食泰國菜。餐廳地方不大，但裝修幾精緻，燈光明亮。椰青好清甜，又解口渴龍眼冰有好多龍眼肉，甜度適中。泰式鳳爪沙律，鳳爪爽脆酸酸辣辣好開胃。蒜蓉炒通菜，通菜炒到好碧綠又唔會過老，通菜又夠味道蒜蓉味香濃。豬頸肉炒金邊粉，豬頸肉燒到好香又不肥膩，豬頸肉肉淋淋又好入味，金邊粉有花生碎，豆干，芽菜，撈埋金邊粉好香，味道香濃。咖喱炒軟殼蟹，咖喱汁好香又唔辣甜甜地，軟殼蟹大大隻好肥美，軟殼蟹糕好香濃，咖喱汁撈白飯超好味。班蘭椰大菜糕唔會太甜，大菜糕好爽脆。

收工後去觀塘行下，每次去觀塘食野都會去牛頭角同觀塘交街度望下，今晚經過見到有間新開的叫季稻的泰國餐廳，見餐牌野食同價錢都幾吸引，一於入去試試。餐牌都係地道菜式，款款都好想試，之但係又唔止點揀好，餐廳負責人係位後生的施文後生泰國哥哥仔，用英文介紹左餐廳的菜式，我地一於揀左4個菜式。金柚子鮮蝦沙律（$98）菜如其名，柚子大大粒，晶瑩通透，清甜多汁，混合了蝦乾碎、腰果、花生醬汁材料，十分惹味！當然仲有唔少得另一主角泰國蝦啦，蝦肉新鮮彈牙，的確係一道非常醒胃的前菜。蒜蓉包（$38五件）香濃的蒜蓉味道，加上半脆半軟熟的麵包，夠滋味。粉絲焗大蝦（$128）兩雙燒大蝦，肉質彈牙嫩滑。粉絲炒到金黃色，夠哂鑊氣，而最令我欣賞係伴碟的秘制青色醬汁，濃郁的香料葉蓉，加上檸檬汁、辣椒碎同蒜蓉，令人愛不釋手，瘋狂地把粉絲蘸上汁料。幾乎食哂啲粉絲後，見到個鍋上有好多塊薑片（最少有六七塊），粉絲索了薑片上的汁，食起上黎的確係有點薑香味道，而且會更加暖胃，可想而知呢道菜認真足料黃咖喱軟殼蟹 （$228）平時好在泰國餐廳點用咖哩汁烹調的食物。而今次呢個菜式的咖哩汁，主要係配在蟹肉絲加蛋白上，呢個用來配白飯真係一流。至於