河內越式料理

营业中

休息中

今日喺尖沙咀嚟到晚餐時間 經過呢間 河內越式料理 就有啲想食越南菜 咁就入咗去食啦～ 坐低睇睇餐牌 好多選擇 除咗平時會見到嘅越南湯河、檬粉、米紙卷等等 呢個 濱海類 好特別 想試試😬 極品牛三寶湯河 $73三寶有生牛肉、牛展、同埋牛丸 個湯熱辣辣拎上枱 睇住啲生牛肉慢慢變熟 好治癒😌 三樣食落都有牛味 牛展炆得夠淋又入味 牛丸爽口彈牙 河粉幼滑 好味😋 越式豬扒包 $54食越南菜必點嘅越式三文治 好足料！麵包啱啱烤好 又脆又熱辣辣😍 豬扒大大塊 加埋配菜同沙律醬 好好食😇 越式炸蝦餅 $33炸得香脆唔油膩 蝦餅彈牙 配埋酸甜醬最夾！ 濱海伴豬頸肉串燒 $94食過咁多次越南菜 第一次食呢個濱海伴 有驚喜🤩 淨係上枱嗰下已經覺得好大碟好足料 店員姐姐應該知我第一次食 好細心教我點樣食😬 米粉加咗撈檬嘅湯 酸酸甜甜好開胃 用生菜包住配菜、米粉、同埋豬頸肉 再加少少沙嗲醬 加埋一齊一啖擺落口 好正😌 大推👍🏻 牛油果沙冰 $36唔會好甜 打得細滑 仲食到牛油果肉添😗 推👍🏻 冰鎮凍奶茶 +$10跟餐加$10就飲到冰鎮凍奶茶！咁就唔會俾啲溶咗嘅冰溝稀咗啲奶茶 香濃又滑 不錯😌 整體嚟講 呢間

極品牛三寶湯河粉❣️生牛肉、牛展、牛丸賣相：🐧🐧🐧🐧🐧味道：🐧🐧🐧🐧🐧湯河湯頭的牛骨味道濃郁，熱度十足，迅速燙熟鮮嫩的生牛肉片，入口牛香四溢，軟滑可口。湯河另附有不少配料，包括蔥絲、金不換、洋蔥絲和芽菜，令湯河清香又開胃。順化蝦餅撈檬賣相：🐧🐧🐧🐧🐧味道：🐧🐧🐧🐧🐧大件蝦餅切件送上，炸得金黃香脆，內裡蝦肉滑彈爽口，鮮味十足。餐廳提供多款醬汁，例如魚露、酸辣醬等，可按個人喜好加到撈檬內調味，自由度極高。越式炸春卷賣相：🐧🐧🐧🐧味道：🐧🐧🐧🐧🐧炸春卷火喉剛好，炸得油香四溢，不會過於肥膩，外皮薄脆香口，內餡鹹香富嚼口，沾上酸辣醬超級對味，必食推薦。越式豬頸肉賣相：🐧🐧🐧🐧味道：🐧🐧🐧🐧🐧豬頸肉烤得焦香惹味，又不失軟嫩，不會過乾過韌，配搭百搭酸辣醬汁，風味絕佳。熱情果梳打椰汁紅豆冰賣相：🐧🐧🐧🐧🐧味道：🐧🐧🐧🐧🐧熱情果梳打微微酸香，清爽鮮甜，解膩消暑一流。椰汁紅豆冰甜度適中，椰香味濃，紅豆又多又軟，入口冰涼清香，降燥又爽口。環境：🐧🐧🐧🐧餐廳以綠色作主調，裝橫壁畫富越南特色，風味十足。🐧❤️結語：清新美味越南粉麵，夏日消暑必食。

呢間好似成日都見到，今日終於可以幸嘗越南河～一個係極品牛三寶湯河粉，一個係河內牛腩片湯河粉-極品牛三寶湯河粉材料充足：牛丸，牛展，生牛肉湯底好香，生牛肉亦好嫩，牛丸就當然有牛味啦～-河內牛腩片湯河粉牛腩薄片，比較容易咬，所以唔會過韌～仲叫左兩個小食食下，唔錯欸:-越式豬頸肉豬頸肉煎得好腍，鹹味啱啱好如點一啲酸甜醬會更好食～-越式炸蝦餅炸得好酥，蝦餅食落幾爽，蝦餅調味唔太濃所以蝦味好突出-蜜糖柑桔冰我就飲蜜糖柑桔冰，柑桔味極為重，甜度剛好,幾解渴。

今次嚟咗呢間越式餐廳食飯。一嚟想食啲惹味啲嘅食物，二嚟想食平啲～果然無令我失望，性價比好高啊😝麵嘅份量好大，配料好多，令到湯底好夠味。而小食就熱辣辣，好脆口。而且佢小食可以選擇2件/4件，咁就算2個人去食都唔怕食唔曬🤩..✅順化蕃茄蟹肉扎肉湯檬🍅 $66呢個湯番茄味好濃，令人不禁食完都想飲多幾啖🤭佢配嘅豆卜索曬啲汁，正啊🤪不愧係呢個餐廳嘅推薦食物..✅ 極品牛三寶湯河粉🐮 $70食越南嘢點可以唔要牛河呢！呢個牛河有牛丸、牛肉同埋牛展～啲河粉彈牙，最重要係湯底唔會好鹹，唔會食幾啖就覺得好油膩👍🏻..✅ 越式炸春卷(2件)🫔 $22春卷熱辣辣，又大件，啲料好多🤤..✅ 香茅雞翼(2件)🍗 $20啲皮燒到脆卜卜，而且都好大隻，又juicy😋下次嚟會再叫！..✅冰鎭凍奶茶🧋 (加配價) $10增肥嘅晚餐當然要配埋奶茶。個人覺得可以用$10加配都幾抵～甜度適中，唔駛驚會好甜..✅ 椰果椰十西米露(加配價)🥥 $12想特別少少都可以用$12加配佢啲特飲，性價比都好高！大大杯，好夠味，可以見到面頭有好多配料🤩..呢間餐廳真係幾好，喺尖沙嘴行完街想食平啲嘅可以嚟呢一間餐廳，食物無論質素定份量都對得住價

天氣熱辣辣最啱食啲清新又開胃嘅菜式～ 小店主打正宗越式料理🇻🇳 主菜分為湯粉、撈檬、飯同三文治🥪 而小食就有炸春卷、香茅雞翼、炸蝦餅、豬扒、豬頸肉、仲有特別嘅炸軟殼蟹同沙律類等菜式☺️ 食物選擇繁多，老少咸宜，價錢親民而且地點超級方便😝 最欣賞係店員熱情嘅服務態度😊 正呀😙🍅 順化蕃茄蟹肉扎肉湯檬 濃郁嘅蕃茄湯底配上粒粒蕃茄同蟹肉，味道酸酸甜甜咁好開胃☺️ 扎肉夠厚切而且豆卜同湯檬吸飽囇湯底嘅精華，整體足料又美味👍🏻🐮 極品牛三寶湯河粉 牛三寶包括牛腱、牛丸同牛肉😉 牛腱厚身但軟腍，牛丸彈牙爽口，牛肉上枱時仲係半生熟添😆 超有驚喜☺️ 湯底顏色比較深，牛骨味好鮮甜，飲完又唔會覺得口渴，值得一讚👍🏻 另外河粉薄身幼滑而且份量都唔少😎 整體十分足料，性價比都幾高🥰🐷 越式豬頸肉 邊位帶點焦香味但中間保持到軟嫩嘅質感，搭配酸甜醬簡直不得了😜🦐 越式炸蝦餅外皮爽脆，炸粉唔厚，咬落去超級彈牙同juicy而且仲食到粒粒蝦肉添😙 超高質😝🫘 椰汁紅豆冰椰味較淡但解暑一流😋 可以一試！🥭 鮮芒果西米露呢款飲品喺越南餐廳都係第一次見😗 整體偏流質而且椰味比芒果味較出，唔太鍾意食芒果嘅可以試試🤣

WFH想同媽媽出去食下lunch抖下氣，諗唔倒食乜，行過河內越式佢話未食過，就同佢試下。河內我已經食過幾次，媽媽就第一次黎，所以今日等佢拍板。全部粉麵都係幾十蚊有交易，我地兩個人就叫左兩碗粉、兩個小食同兩杯野飲share。熱蜜糖柑桔(跟餐加$8) - 蜜糖柑桔入面有四粒柑桔，非常足料，飲落好香柑桔味，唔會太甜，幾潤喉。龍眼冰(跟餐加$12) - 龍眼冰入面有成10粒龍眼肉，甜度亦啱啱好。越式炸春卷($20) - 炸春卷上枱時仲係熱辣辣，春卷皮好薄好脆，中間加左好多紅蘿蔔同木耳，所以非常爽脆。越式炸蝦餅($29) - 炸蝦餅蝦肉結實，炸皮軟身得黎少少脆，唔係又硬又厚嗰種，就咁蘸甜酸醬已經好食。極品牛三寶湯河粉($69) - 三寶河唔止碗大，份量都真係多，入面有牛肉、牛腱同牛丸。河粉唔會太厚，粉量非常多，湯底牛骨甜味都可以。牛肉上枱時仲係半生熟嘅，牛腱幾厚身，牛丸好彈。越式豬頸肉撈檬($60) - 撈檬上面有成十塊豬頸肉，另外仲有蘿蔔、青瓜同炸蒜。撈檬幾彈幾滑，唔會痴埋一舊，就咁加啲酸汁已經好味。總結，河內越式嘅堂食同外賣都食過，堂食除左新鮮熱辣啲之外，份量亦比較大份，一個人食晒一碗粉其實

河內越式粉麵之前已經食過，味道唔差，大大碗夠抵食，今日去開附近用咁啲消費券買野，之後就黎食lunch。哩度除左越式粉麵，仲有法包、飯、沙律、米紙卷、野飲等等，全部幾十蚊有交易。一坐低，侍應就送黎兩杯龍眼水黎，冇錯，佢唔係熱茶，係龍眼水黎架，雖然唔似龍眼冰咁加左糖咁討喜，不過龍眼味都好香，重點係唔洗錢呀～！！龍眼冰(跟餐加$12) - 龍眼冰好清甜，入面有超多龍眼，數過有十幾粒，非常抵飲！熱情果冰(跟餐加$12) - 熱情果糖漿同梳打水係分開上，侍應會原罐梳打水上枱，所以倒左落杯實際其實有1.5杯，熱情果冰酸酸甜甜好啱悶熱天氣飲。極品牛三寶湯河粉($69) - 湯河好大碗，入面有生牛肉、牛腱同牛丸各二，湯底係南越風味，顏色比較深，味道濃甜，但食完又唔會覺得口渴。河粉幾薄幾滑，粉量亦都多，細食嘅話一碗都夠兩個人食。牛肉上枱時仲係生嘅。牛腱好腍，牛肉雖然比較細粒，不過都好彈牙。會安雞絲撈檬($58) - 雞絲同檬粉份量都多，檬粉幾滑幾彈，加埋酸汁食好開胃。越式豬頸肉($29) - 豬頸肉燒得幾靚仔，邊位焦香中間仲好軟嫩，蘸埋個酸甜醬食唔錯。越式炸蝦餅($29) - 蝦餅幾彈牙，炸皮唔會太硬。

 去左尖沙咀出job，諗住同同事食埋晚餐先返屋企，見到附近有間越南🇻🇳餐廳「河內越式料理 」，都幾多人食，價錢又ok，越式湯粉$56起，就試下啦！☺️本來想食火車頭，不過只有重量級二人份量，唯有食個類近嘅極品牛三寶湯河粉（$69），分別有生牛肉、牛丸、牛展，每款有兩件，份量唔算多，不過味道不錯👍🏻！牛肉嫩滑，肉香十足，牛丸爽彈味美，不錯吃！😏越式豬頸肉撈檬（$60）撈檬基本嘅配料甘荀、生菜絲、芽菜、炸蒜、炸花生等都有齊，撈檬配上碌冧（魚露酸甜汁），酸甜清爽，啱晒炎炎夏日食～豬頸肉有6塊，一個人份量都算合理吧，🤔燒得幾惹味。所有粉面飯，都可以跟餐價加購飲品～凍鹹檸七喜（原價$26，跟餐價$12）鹹檸冰杯跟一罐原裝七喜，夠晒均真！唔飲凍野，想補下身嘅，可以試吓檸檬🍋蜜糖薑茶（原價$22，跟餐價$8）真係幾薑！潤喉又暖身～

接近兩點黎到尖沙咀揾食，今日胃口一般想食返啲清淡啲嘅嘢，最後黎到呢間有飯又有粉麵嘅餐廳。餐廳位於鬧市中，差不多兩點黎到餐廳都坐滿人，好彩等咗五分鐘就有位。一坐低服務員就奉上菠蘿熱茶，散發出香甜嘅菠蘿香氣。🍜極品牛三寶湯河粉 $69Raw Beef, Beef Brisket Slice, Beef Shank Pho有生牛肉、牛展、牛丸，生牛肉好滑，牛展好軟腍，河粉鋪滿芽菜、洋蔥，河粉浸得耐都無發脹，湯底清清地，係食之前落咗少許青檸汁，感覺開胃。🍛西貢咖哩牛腩飯 $62Beef Brisket curry with lemongrass with rice咖喱一啲都唔辣，小朋友都啱食，牛腩好腍，仲有薯仔都好入味。🧋飲品叫咗冰鎮凍奶茶 Iced Milk Tea（跟餐 +$10）都幾大杯

今日同朋友去完一間喺尖沙咀嘅cafe打卡，都食得有啲飽最後習慣咗喺出面食埋野先番屋企。諗起都幾耐冇食過越南菜，其他菜式平時都算系成日食，咁啱經過呢間越南餐廳都有啲想試吓4點幾去到，吾洗等位，好快就入咗去。位置十分方便，離地鐵站好近。主菜有飯類、湯粉、撈檬類。小食嘅種類都幾多👍🏼有法包、米紙卷、濱海類等等。自己向來好中意食扎肉，食越南菜就當然系食扎肉湯河粉☺️扎肉嘅數量啱啱好吧，每一塊嘅厚薄度都恰到好處，咬落幾有口感呀😁呢樣野真系做得幾好。湯底吸收咗扎肉嘅精華，都飲到啲豬肉味。朋友向來好中意食生牛肉🐮今日由於本身真系肚餓，吾可以淨系叫生牛肉河。叫咗個牛三寶湯河，有生牛肉、牛𦟌、牛丸，牛全部都系牛，夠曬豐富🤩生牛肉當然吾會話太生啦，半生熟嘅狀態系令人不得不愛上🤤牛丸爽口彈牙。有冇人同我一樣都幾中意食牛𦟌😁次次食親都好中意佢嘅厚度，厚厚哋，食落口絕對吾會話太硬，反而系淋淋哋，牛肉味新鮮香濃。熱情果梳打，或者有啲cafe都會有呢款飲品，真系未喺越南餐廳飲過😹梳打同熱情果一開頭系分開嘅，倒完梳打落去啲熱情果度就變咗兩截色，好靚呀✨成日都覺得有親熱情果嘅飲品都會偏甜，呢度嘅就還好，酸酸甜甜幾開胃。最