白宮咖啡室 (已結業)

朋友生日，想搵啲靚靚cafe坐下影下相，咁岩見到荃灣呢間cafe有生日漢堡，見幾得意就一開鋪即打電話book 枱即日食tea。地面鋪望落去細細間已經滿座（大門真係好難推要超用力！），原來有樓梯上層都有五、六張枱，仲要裝飾幾靚，又有勁少女心嘅打卡位，影相真係一流！兩個人叫左一個白宮生日漢堡，一個意大利飯，兩杯特色飲品，埋單200蚊倒。白宮生日漢堡用pancakes 包住，睇得又好食；意大利飯汁濃足料，食物質素比預期高，推介！重要因為朋友生日，店員幫手係杯熱朱古力上整左Happy birthday 字眼，超貼心的！！！總體黎講，CAFE上層環境靚，食物質素幾好，岩曬一班女仔慶生打卡，過一個Happy weekend!

點解會黎呢間餐廳食嘢？好簡單，因為係OpenRice search荃灣餐廳嘅時候，見到佢呢間餐廳有line公仔嘅拉花咖啡，所以行完商場，特登過嚟呢度食嘢啦！餐廳四四方方咁，兩面都係落地玻璃，以為好細間，但原來仲有閣樓嘅上層，擺到四五張枱，仲可以有個位置，俾小朋友玩。講返重點先，我哋最初係因為呢度嘅拉花咖啡，所以就每人叫咗一杯。黎到嘅時候真係嘩一聲！出現眼呀！呢個就係熊大，真係好得意，好似樣！有熊大又點會冇兔兔呢？呢一杯就係兔兔樣嘅咖啡，同圖片真係好似，好得意。如果你唔鍾意line嘅話，仲有其他卡通人物嘅樣，好似下面張紙咁寫住，真係每一杯都想飲呀。我哋叫咗一個小食，就係蜂蜜雞翼。個底會見到一層好似油咁嘅嘢，本身以為係油啦，原來係蜂蜜！甜甜地，雞翼充滿着蜂蜜嘅味道，好香。煙三文魚意粉意粉軟硬度剛好，杰杰地既醬汁中有一粒粒嘅明太子同埋魚子，食落唔會咁單調，好爽，好有口感。All day breakfast 好大份，物都有！有茄汁豆、煙肉、粟米、薯餅、牛角包、沙律菜同埋唔同款嘅腸仔。薯餅剛剛炸起，好脆口。仲有兩大塊煙肉，鍾意佢個煙肉琳琳地，唔會好乾身同好硬。炒蛋唔係全熟，水水地，食落好嫩滑。牛

荃灣嘅cafe真係越黎越多 不過講到好食白宮嘅all day breakfast真係有驚喜雖然餐廳細細的 不過上層裝修一啲都唔馬虎如果一大班人黎食 完全可以自成一角店員推介我地飲最近嘅夏日飲品阿凡達梳打 顏色的確幾吸引加入糖漿後 又變左另一隻色 味道幾特別重有榛子朱古力 卡通人物係賣點講返個全日早餐 完全係誠意之作全部食材都熱辣辣 即叫即炸 特別係個薯餅唔會硬繃繃 炒蛋都唔錯 份量都幾多朋友嘅三文魚籽意思都幾好食 好creamy 配埋木魚同櫻花蝦一齊食 口感一流