榮式燒雞扒

营业中

休息中

屯門一向都好多美食選擇，講到要食平靚正嘅連鎖快餐，第一時間諗起一定係呢間榮式燒雞扒啦！細細個嗰陣成日都會來食，好幾年冇食過，原來呢到已經裝修咗啦，座位雖然係之前闊落咗，不過都係偏窄～榮式雞扒飯💰HK$61份量多，有兩大塊雞扒，雞扒嘅雞皮燒到薄脆，雞肉嘅部份鮮嫩多汁，黑椒同雞扒味道果然係純配，依然都係記憶中咁美味～雞扒滷水豆腐飯💰HK$58呢碟就因為多咗滷水豆腐，所以得一塊雞扒，滷水豆腐好入味！最中意用飯旁邊嘅菜莆撈飯，口感更豐富惹味～

榮式燒雞扒起初由大西北憑著獨門的榮式燒雞扒開展到全香港也有分店外賣等了很久極之多人在門口等外賣因為所有雞扒都是即叫即燒，製作比較慢因店家堅持要提供最多汁最脆口又熱騰騰的榮式燒雞扒榮式雞扒飯 - $60有兩塊榮式獨有的坑紋雞扒雞扒去了筋及切成薄身，以電爐兩邊夾著燒烤，故十分脆口坑紋的作用可流走油份，使入口不油膩，令雞肉皮脆肉嫩秘製的榮式醬油，使雞扒帶點甜味白飯淋上豉油，再配有蔥油及榨菜粒，十分惹味也有些椰菜作配料，平衡飲食健康

約咗朋友響灣仔, 要簡單快捷咁食餐晚飯; 朋友以食肉見稱, 選擇咗呢間以雞扒為主嘅餐廳. 餐牌好簡單, 當然亦係以雞扒為主.飲品可以半價.<<榮式雞扒飯>>分量唔錯, 有兩大塊雞扒, 配上大量蔥花同榨菜. 雞扒食得出胡椒味同蜜糖味, 雞肉算腍算入味.<<雞藕天成>>有一塊雞扒同兩塊藕餅,同樣配上大量蔥花同榨菜, 白飯夠食.  藕餅炸得幾香, 幾靚.個人覺得兩樣幾夾, 只食雞扒似乎肉太肉, 膩咗少少. 加$10飲埋檸樂, 抵呀. 

未去之前已聽聞呢間D雞扒好正. 襯假日唔使等位就入去試試!一入去打開份menu，嘩嘩! $37一碟雞扒飯! 姑且試試!榮式雞扒飯到!一碟飯，有兩塊大雞扒，望落唔錯! 碟飯D配菜都look seems OK!就睇睇值唔值$37先!一咬開塊雞扒，果然與眾不同!皮脆肉嫩！估唔到用特製坑紋板烤是與眾不同!37蚊食個Lunch又幾貴，不過食完果份滿足感又真係不錯！如果用呢個價錢可送多杯飲品，咁就更加滿足！！