榮式燒雞扒 (已搬遷) 新店位置

一個人吃飯，不會太講究。唔算好貴，足料好味，人唔太多，可以坐係度，一邊打機、睇片、玩FB/IG，一邊慢慢吃，大半個鐘至一個鐘完全步入自己空間地吃晚飯。那是獨個兒吃飯的樂趣。我平時好少晚飯吃「飯」，但有時工作太忙沒吃午餐，餓起上來獨個兒都想吃餐「飽飯」慰勞下自己，而我「獨友的浪漫」就在這！可能你地覺得⋯車！行野黎咋Wo！但講真有邊個單拖食飯會大魚大肉（除非出左糧/信獨食難肥的道理）？簡單就可以啦！呢間的雞扒飯吃了好多年，大塊煎雞扒免切係呢度特色，最喜愛它的飯有蔥油及酸菜作伴，令飯味更濃，唔會太寡。而雞扒作為主角，當然唔會失色，除了份量，味道亦相當出色。煎得甘香之餘，肉質亦好Juicy! $50仲要有兩大塊雞扒送飯一流！有時候一個人都可以好歎好讚

已有好一陣子沒到過榮式了，難得這天在附近工作，當然要過來跟它聚舊吧(嘿)榮式雞扒飯.每次點單我都會請他們為我把煎雞扒要煎得燶點。香脆的雞皮和嫩滑的雞腿肉，再配上滷水汁和蔥油。不得了，簡直是令人無法抗拒的邪惡食物(!!!) 只有是榮式，每次我都能把整塊雞皮和吃掉整碟飯，而不會感到半點內疚。所以嘛肥肉就是這樣得來的(...).雖然雞扒飯本身已經附有少量的蔥油，但「蔥怪」是不會嫌多的。(嘿)每次我都會請店員為我再加額外的蔥油。每每看到一大碗蔥油在我眼前，總是有種無法言喻的滿足感。

本來是想去灣仔的那間榮式，但因為有事，結果遲到了，改去了銅鑼灣的那一間。其實我之前只吃過灣仔的，不過這間也好像也不錯。由於太夜去到，本來想點的豆腐已經賣完了，而雞蛋也賣完了，所以我就點了雞扒雞扒飯，就是雞扒飯吧……朋友點了雞扒藕餅飯。上來的時候，覺得好像不夠汁，問亞姐可否給我們多一點，亞姐爽快的給我們一枝隨我們自己添。可能因為太久沒有吃過灣仔的，感覺上灣仔的比較香一點。但這間還是做到雞扒皮脆肉嫩，美味！就是伴碟的菜硬了一點。飯淋了汁，基本上怎樣吃也是美味的 ^_^

好耐之前睇阿蘇介紹過, 但一直都苦無機會去灣仔舖度食, 估唔到會有銅鑼灣分店, 仲要係有晚市架, 一於去試下 lu.兩人去叫左榮式雞扒飯, 蓮藕餅, 春卷, 朋友叫左杯凍飲 (唔記得係乜). 榮式雞扒飯果然名不虛傳, 塊雞扒本身係比出面食開o既雞扒薄身, 雞皮有燒烤過o既坑紋, 有香脆可口o既感覺, 但出奇地雞肉仲係有肉汁同嫩口, 唔知係咪開佢薄身事呢 ?? 飯本身已加有豉油同蔥油, 已經勁夠味. 蓮藕餅睇樣好似幾好, 但食落豬肉唔多熟喎.... 唯有叫阿靚仔幫手整熟d 啦. 其實 蓮藕餅都幾好食架, 都係香口o野, 肉餅煎炸到外皮脆, 內裡肉有少許咸魚味, 有d 咸魚肉餅o既感覺.春卷係似越南春卷, 呢樣係靚仔介紹o既, 又係送酒小食咁, 餡係似 蓮藕餅咁, 都係豬肉, 但當然係少少咁. total 都係一百蚊, 茶餐廳價錢同格局, 但食物有令人驚喜之處.