聰嫂私房甜品 (已結業)

係新都城想食糖水甜品其實都算多選擇，有聰嫂、松記同小方糖三方鼎立。三間所提供的糖水甜品都各有特色；如果想食傳統糖水會揀松記；如果想食西式甜品，心太軟/拿破倫又或者綿綿冰會揀小方糖，如果想食新派糖水，尤其是想食榴槤甜品，則會揀聰嫂。聰嫂對比起另外兩間甜品糖水店，款式比較少，但款式多寡唔係重點，整得好食自然會有人嚟。要數好食嘅榴槤甜品一定係聰嫂，呢度嘅榴槤甜品出名榴槤味最濃，而且係呢度食榴槤唔洗受季節影響，一年四季想幾時食就幾時食。榴槤水晶珠：中間的榴槤果肉是冰過後拿出來的，與水晶珠一齊食口感很有趣，可以食到一絲絲的果肉，又有點食冰的感覺。重點是榴槤味道好濃列，一打開外賣蓋，整間屋都聞到香濃的榴槤味❤✨✨絕對要推薦給榴槤愛好者✨✨

難得入左黎將軍澳探親戚，緊係要去食個聰嫂啦！話哂係始創店wo，對上一次都已經成年幾前啦，探完auntie就諗住過去食啦，無黎一段時間佢成間鋪頭應該裝修左啦，唔同哂樣，d位同空間大左好多。聰嫂我都只係叫2樣野 － 榴槤水晶珠同龍眼冰啦，今次食榴槤水晶珠，味道依舊，只係價錢又貴左不過貴左都仲係好食，無偷功減料。食完呢個就番去繼續同工作搏鬥啦＄45

我地全部都住沙田 / 馬鞍山，有部份人有車，就因為有人話要食聰嫂，就 16 人浩浩蕩蕩由馬鞍山揸車去將軍澳食糖水。上次我喺東京時，佢地已經試過一次，仲係咁放啲相出黎，忍死我了😫於是今次幾大都要嗌個榴槤水晶珠食！榴槤味好重，啱晒我呢啲勁鍾意食榴槤嘅人！夏天食更正，凍冰冰咁拎出黎。唯一略嫌不足嘅係啲榴槤雪得太凍，有少少結冰，破壞左啲榴槤嘅質感

想吃榴槤不過又不想自己開，最好的選擇當然是去甜品店品嚐榴槤的產品。 與友人點了兩個''榴槤水晶珠''，一次過點兩個就知道這個不會中伏的。 榴槤水晶珠($25)，底部是一些雪花冰，表面鋪上一層厚厚的榴槤肉，有種豐滿的感覺。甜品充滿榴槤獨有的香味，整個甜品都是以純白色為主，給人一種冰雪的感覺，味道方面濃郁的榴槤味在口腔中瀰漫。 再帶有為數不少的水晶珠，水晶珠除了裝飾漂亮之外，本身沒有味道的，混合榴槤和雪花冰，令到它們有種爽脆的咬感。 雪花冰也充滿榴槤味，好像吃著榴槤味的雪糕一般，即使吃到底部都有濃郁的榴槤味，並不會變得淡而無味，值得推介。甜品評分:7/10

還記得第一次去聰嫂的時候未見舖頭已聞到很香的榴槤味，自此之後如果去開將軍澳，都一定要去。如果要食榴槤甜品的話，聰嫂一直都是我的心水之選！基本上每次到聰嫂都必定是點榴槤甜品，雖然坊間太多甜品店都有榴槤甜品供應，但都沒有聰嫂做得好食。「榴槤水晶珠」和「榴槤黑糯米」都是我的心水推介，這次我就點了「榴槤水晶珠」。點了不久就已經放到桌面上，榴槤的香味撲鼻而來，入口即溶的榴槤蓉及冰，又軟又硬，很有口感。相比起其他甜品店，聰嫂價錢經濟，值得推介！

未到七點就走去食糖水，唔駛等位，正!男朋友最愛榴槤水晶珠 (自己完全唔鍾意榴槤，聞到都...)食過唔同地方既榴槤甜品，佢都話呢到最好食，真材實料，連舊冰都係榴槤做~薑茶夠哂辣，黑芝麻湯丸皮薄餡靚~唔似平時d糖水鋪，就咁切幾粒士多啤梨落去就話係士多啤梨涼粉，呢到真係連舊冰都係用士多啤梨做，超like!

知道朋友yan好鐘意食甜品,由其是榴槤!!所以就約左佢今日一齊入去TKO食啦~~我地今次特登早D去,因為如果夜去的話會好爆人,要等位,仲有就係會食得好趕,今日可以食得舒舒服服,食幾耐都冇人趕~仲有價錢其實都OK,以呢個食品質數黎講係絕對抵食!!一入到店舖已經聞到好香既榴槤味~~立即ORDER食啦~~我地2人共點左~~芒果豆腐花1客榴槤班戟1客榴槤水晶珠2客薑汁意大利涼粉1客強列推介榴槤水晶珠保持到原有水準,佢面上面一大pet榴槤肉,下面係用榴槤肉加冰碎一齊打混真係好味到冇朋友~榴槤班戟皮薄,入面榴槤肉有8成滿~~好香好味~~其他食品芒果豆腐花料都好足,係豆腐花唔夠味~~薑汁意大利涼粉普普通通,,薑汁味好重,蓋過左d涼粉味同花奶味,冇乜特別!

《聰嫂》.......好耐之前已經來過, 今次再食, 依然好味.......... Q果子 , 紅豆 & 綠茶味, 唔太甜, 又夠味, d 皮的韌度岩岩好, 唔太軟, 唔太硬.........good 芒果椰果西米露...........正.......... 榴槤水晶珠.......正............ 杏汁芒果西米露............我冇食呢個呀......好好食, 又唔算貴, 一定會再來.........

9月19日, 同呀比入咗將軍澳閒逛~ 未食午飯的我, skip咗個lunch直接就食甜品! 久聞梁思浩開咗間極受歡迎嘅甜品舖, 今日就一於去試下! 星期六開晏晝3點, 嘩~ 原來好多人都好似我地咁, tea time走黎食甜品架!::: 榴槤水晶珠 ::: $25榴槤水晶珠, 勁勁勁大陣榴槤味! 大味到成個舖頭都知你叫咗榴槤野囉! 哈哈哈哈哈~ 但我鐘意聞! 榴槤水晶珠賣相好靚~ 好似個小山丘咁. 最底係非常滑溜, 口感醇厚兼有濃郁榴槤加奶味嘅東東. 質地介乎雪糕同mousse… 同榴槤強烈嘅味道天造地設! 上面係一大舊新鮮榴槤肉, 絕對係頂上貨色, 味道在口內凝繞不散. 水晶珠清新煙韌有咬口, 又為榴槤雪糕中和了一份甜膩. 因為呀比唔食榴槤的~ 我一個人KO了呢個榴槤水晶珠真係ok飽… 真係漏架! 所以同榴槤同好者分食會更開心~::: 蜜瓜西米露 ::: $20呀比就叫咗個蜜瓜西米露, 咪以為好普通好似出面咁得d西米露加蜜瓜, 一黎到第一個感覺係: 乜呢個叫蜜瓜西米露? 但係又真係特別得黎係非常可以接受~ 先係一大碗嘅蜜瓜雪糕上加上一d蜜瓜粒, 食起上黎已經非常透心涼, 蜜瓜粒雖然唔

今日接男友放工...去左將軍澳行~其實最主要ge目的係o黎試呢道ge甜品去完小金井食lunch之後行左陣...就到食甜品環節!芒果班戟($16) : 本來無諗住叫...驚食唔晒~但係男友突然叫左...原來係因為佢見到好細舊~雖然好迷你...但係好好味...因為入面好大舊芒果! 一半係cream...一半係芒果!蜜瓜豆腐花($22) : 本來見到menu係連豆腐花都係蜜瓜味的...點知o黎到原來都係原味豆腐花...但係一食...發覺好好味~因為面頭好似cream ge野其實係蜜瓜沙冰...o係咁熱ge夏天食真係啱晒!榴槤水晶珠($25) : 呢碗野一o黎已經好香...香到以為碗蜜瓜豆腐花都有榴槤味榴槤味好濃! 中間有榴槤肉...好似仲有d沙冰...d水晶珠都好爽口! 不過如果好飽ge話我就建議食其他...因為有d"流"~因為我地係晏晝4點幾去食...唔駛等位不過入到去都見到坐滿左一半人!環境都幾好...好乾淨~ 不過越o黎越多人搞到我地唔係好敢坐太耐~下次一定會試下其他款

今晚我同女朋友食完飯就去左聰嫂食甜品, 9點15分去到 ,只等左3個字 就有位 哈哈!! 真幸運!! 當我地食完走之後多左好多人在門外等位我地叫左 芒果椰果西米露 及 榴槤水晶珠芒果椰果西米露-椰果好味,芒果汁好橙, 好甜 比許留山更加甜,不太好食, 初初食時芒果汁因係冰箱拿出來, 感覺到好似食緊芒果沙冰, 入口時感到好凍. 佢的西米係分開另外有一細碗盛裝住, 初時感覺好似好多咁....等一陣等芒果汁的沙冰溶返少少先食.....一入口都係個句 好甜(D汁係好深既橙黃色, 唔同平時係許X山食個D, 食落都係怪怪D, 好似加左D野落去令到D汁杰一D ... 總之唔好食. 都唔明點解咁多人話好味, 真係唔掂噃) , 及有一粒粒白色粒狀的物體好似西米咁大, 食下去好硬, 不太喜歡食 下次一定唔會再叫芒果椰果西米露 但是榴槤水晶珠 好好味!!榴槤水晶珠- 上次試左榴槤班cake, 覺得好味 榴槤肉份量少. 今次我地叫左榴槤水晶珠, 雖然賣相不太好看, 但味道一流, 榴槤肉比較多, 又香濃, 值得推介. 我見有好多人都叫豆腐花 及 士多啤利, 下次試下先

由於奧運期間 政府所有既運動設施都免費 所以今晚同事便相約左我放工一齊去打羽毛波 打完波都成十一點 同事S同我講話有一間糖水鋪你一定要試 唔試你會後悔一世... 既然同事S咁樣講 明知打完波食甜野會肥 我都決定以身犯險 行到過去 嘩 勁多人排隊 於是我地決定外賣行入去商場食 分別叫左 榴槤水晶珠 龍眼椰果冰 士多啤梨椰果西米露. 同一個 唔知咩咩哈蜜瓜豆腐花榴槤水晶珠 - 一個字正 食落口冰涼 淡淡都好似食緊榴槤肉咁 其實食落好似食緊榴槤雪糕咁 龍眼椰果冰 - 呢個又係好正 食落口夠清 淡淡都係龍眼肉 又有椰果肉 士多啤梨椰果西米露 - 呢個其實都幾好 不過如果相比起 榴槤水晶珠同龍眼椰果冰就失色 左小小啦 同埋都比較甜 所以我諗呢個甜品會o岩女仔多d 哈蜜瓜豆腐花 - 呢個我無試

" 聰嫂個榴槤水晶珠真係好好味o家 !! "聽老婆講左成年有多喇 , 尋晚終於去左食特登搭車去到寶琳就係為左榴槤水晶珠喇 =)去到己經好多人排隊 , 睇下佢地 d 報導老婆叫我揀食乜 , 因為唔鍾意食豆腐花 ...又唔鍾意食龍眼 , 就諗住叫薑汁意大利涼粉 ,不過睇下睇下又覺得無乜特別 , 入到去睇 menu ,見到芒果汁柚子果凍 , 都係普通野不過幾吸引我所以改叫呢個 ^^ 老婆就叫佢o既訓身推介 xp個果凍唔係好似一舊o者喱咁係一粒粒 ,連 d 芒果汁一齊食好正好好味 , 個芒果汁好冰凍又唔會好甜仲好香芒果味 , 老婆話 d 汁遮晒 d 柚子味 tim ar榴槤水晶珠一落台就聞到好香榴槤味 ^v^老婆好鍾意食o個 d 卜卜聲水晶珠 , 呢個真係好味呀 , 不過我覺得太 " 奶 " 喇同其實地方食到o個 d 榴槤甜品相比係香 d 滑 d 喎 食完晒老婆唔夠喉再叫左個椰汁南瓜露 ,由於我唔好食熱糖水所以只係試左一淡 ,呢碗野真係真材實料到暈 , 一不落有勁多南瓜肉係匙匙都有咁多喎 , 如果無咁重椰汁味加有凍食就 arm 我喇

食完布袋澳海鮮 (已是個多星期前的事情了)，撘返車出將軍澳，順道來了聰嫂。八點幾去到，都要等幾張飛先有位 ~ 諗住會幾好食啦﹗但食完之後，同朋友都認為只屬一般。 我叫左個生磨杏仁茶，都叫香既，但覺得佢唔夠滑，仲有杏仁味唔夠濃，不過不失之作。 朋友分別叫左榴槤水晶珠、椰果龍眼冰和涼粉: 榴槤水晶珠唔夠發記的榴槤飄香好食；涼粉甜左少少，屬一般；至於椰果龍眼冰就幾好，d 龍眼清甜，整體來說都叫幾清新。本人真係少入 tko，我諗第日都冇乜機會再去食了。