華嫂冰室 (皇廷廣場)

营业中

休息中

華嫂冰室係香港都算出名嘅茶餐廳，連周潤發、余文樂等藝人都好中意去食，而我今日終於有機會黎食個lunch喇～招牌菠蘿包當然一場黎到就要試下招牌嘅爆餡菠蘿包，入面有番茄、有煎蛋，仲有一塊芝士，睇落佢個賣相已經相當澎湃～其實食落都幾「特別」，因為又甜又鹹！甜甜嘅菠蘿包，入面包住啲鹹鹹嘅雞蛋同芝士，味道非常有趣～招牌芝士鹹牛肉蛋豬仔包正！事關我本人好鍾意食鹹牛肉，而且個包啱啱新鮮整出嚟夠熱，所以呢個包好食～所向無敵餐蛋丁其實佢純粹係一個餐肉雞蛋出前一丁，我純粹係比佢個名吸引左：）究竟個餐肉同埋雞蛋有幾所向無敵呢？雖然我食唔出同屋企住嘅有咩分，不過因為佢個名加咗分！另外同事食咗，豬膶牛肉芫荽皮蛋米線、滷水雞翼番茄湯通粉！總括而言，其實都係普通茶餐廳嘢！

平時我都係係觀塘度返工，每次lunchtime經過見到都好多人排隊！咁岩今個星期六又要去觀塘整啲野，所以就早少少去排個隊食下華嫂冰室😊點知黎到都係好多人排緊隊，兩個人大概都要等二十分鐘到先入得😂好好既就係入去前會先落單叫定野食，咁入到去就唔洗等太耐先有得食！我同我朋友分別叫左香煎豬扒米線配皮蛋芫莤湯底同檳城喇沙湯米線配豬扒~仲叫埋樽裝凍奶茶tim🙆‍♀️先講講呢個檳城喇沙米線配豬扒！真係好好食😋佢個湯底冇得輸🤣仲加埋有好多個豆卜，而啲豆卜好入味，簡直係Perfect🥰塊豬扒唔會太硬身，肉質好淋！同埋都好大塊，好夠食！而呢個香煎豬扒配皮蛋芫茜湯底米線🍜個湯底好正！但就好似有好多芫莤~我覺得要係好鐘意芫莤既人先好叫黎試下！🤔最後呢個樽裝凍奶茶都幾好飲既！茶味好重~不過就要額外加多19蚊🤔

幫襯元朗已經好幾年前，其實都開左黎觀塘好耐，但一直未有去試，一黎之前唔係香港，二黎其實佢收得好早，我放工既時間佢已經收左，星期六又太多人，難得收早，本身諗住食一間米線店，但都係趕唔到佢收店前食，於是經過華嫂，難得佢冇人排隊(下午4點幾)！加上得一條友易有位，一於入去食個久違冇食既菠蘿包!招牌菠蘿包 $20塊牛油大到超級邪惡！煎蛋仲有少少流心，菠蘿包有烘過，帶微甜，甜度剛好，但食落去冇我第一次係元朗食咁驚艷既感覺，可能個包細左少少？我中意食好大個既包，整體都覺得元朗既整得好食啲樽裝凍奶茶 $22其實都幾貴，店內有平時杯上既奶茶(仲要平啲)，其實我就唔係好知兩者有咩分別，貴左係包裝上？定係有唔同？呢隻樽裝就茶味較濃，唔算好滑，飲落比較澀，奶味較淡，都算係傳統茶餐廳既口味如果係幾年前元朗等左成２小時先食到，比起今時今日開左幾間分店又唔洗等，其實服務方面係進步左，起碼「體恤民情」，唔洗食客待得咁慘，不過可能都係元祖老店有風味同水準最正宗？