Little Prince

营业中

休息中

今日lunch time 行去離公司遠啲嘅KCC，同事推介一間意粉小店，行過去未夠1點已經爆晒，店員協助下，成功叫其他食客調位，4人等咗5分鐘成功入座！午餐menu都有10幾款選擇，有番茄味、有忌廉、又有辣同唔同國家口味，真係多到眼花撩亂！呢度點餐要先點餐，之後比個牌仔放在枱上，職員之後見到牌仔就依次上菜，但整個過程有點混亂，見經理不時指導店員！我點了麻辣牛肉忌廉汁意粉，麻辣味唔算出，所以加咗勁多TABASCO，咁先平衡到我想食辣嘅味覺，略嫌忌廉汁太多，有點蓋過了麻辣味呢，下次可以再試其他口味。

去開葵興整嘢，上openrice睇下附近商場有咩食，小朋友話想食西餐，佢自己揀左Little Prince。入到去有張六人大枱，一邊剛好仲有兩個位，就快趣坐低。無侍應落單，自行到收銀處order完，就可以拎有號數嘅牌放自己座位，好快就有侍應端上食物。無華麗裝修，但有文青風嘅簡約。呢個銀杏葉裝飾，為餐廳帶來幾分日式風情。叻沙意粉個汁比出面好多自稱叻沙嘅湯底好好多，啲蝦係新鮮兼彈牙，配搭埋吸左叻沙汁嘅車厘茄和豆腐卜，加上口感al dente嘅意粉，令人驚艷。此意粉絕對值得encore。呢個黑松露雜菌忌廉汁意粉有好足料嘅雜菌，都係水準之作，但因為常見，相比之下上面嘅叻沙意粉更得我歡心。

朋友仔，約我食飯，通常都會選擇KCC。一來方便，二來多選擇。👏🏻呢間主打fusion 意粉小店，有好多特別口味，冬蔭公，喇沙，麻辣等等都好吸引，另外每個月都有限定款式，三月係大澳咸魚醬墨魚仔意粉🍝📌檳城叻沙蝦意粉$65+綠茶鮮奶$9香濃叻沙調味，充滿東南亞風情，微微椰香帶少許香茅，意粉掛上叻沙醬汁，出奇地好食😋配上多隻大蝦🍤 份量足料。加錢點左一杯綠茶鮮奶，綠茶味濃厚，奶香及綠茶🍵味道平衡，恰到好處。📌麻辣牛肉忌廉汁意粉$68+焦糖鮮奶咖啡$14惹味醬汁配上鮮牛肉，中式創新做法嘅意粉，加入奶滑忌廉汁，立即提升意粉味，麻中帶微甜，口感豐富😋

呢間餐廳嘅午餐除咗坊間嘅忌廉意粉，亦都有幾款fusion嘅意粉口味😆💪🏻 煙三文魚、煙肉、忌廉白汁意粉($62連飲品)呢個意粉嘅忌廉醬汁好濃稠，所以意粉都非常掛汁，每一啖都食到沾滿白汁嘅意粉😋 而且意粉亦加入煙三文魚、煙肉同三文魚粒，份量充足，亦令到意粉有好香嘅煙薰味道，令意粉味道更吸引！另外，意粉亦有芝士粉，有微微芝士香。💪🏻 檳城叻沙蝦意粉($63連飲品)檳城叻沙係馬來西亞版嘅喇沙，同新加坡係有啲唔同，檳城叻沙係唔用椰汁，而係用魚湯熬製，所以味道偏酸。呢個意粉同樣都係有微微酸味，而且蝦醬味突出😚 加上叻沙醬汁同樣煮得好濃稠，收晒水，因此意粉都係好掛汁🤤 另外，蝦肉都大大隻，幾彈牙，亦都有少量番茄仔同蒜片調味！另外仲有冬蔭公、泡菜、麻辣、芝麻汁等fusion意粉。味道：8/10性價比：8.5/10 食住瘦指數：💪🏻💪🏻/5

檳城叻沙蝦意粉賣相：🐧🐧🐧🐧🐧味道：🐧🐧🐧🐧🐧意粉沾滿香醇的叻沙醬汁，味道正宗濃厚，辛辣而不嗆鼻，兼具提鮮增香之效，非常惹味可口。鮮蝦大隻又肥美，入口鮮嫩滑彈，超級爽口，必食之選。荔枝玫瑰梳打賣相：🐧🐧🐧🐧味道：🐧🐧🐧🐧🐧梳打色澤粉嫩夢幻，內含大大粒肥美荔枝，加上小巧別緻的香草作點綴，吸引又迷人。飲品內荔枝的香甜味道十分突出，散發著玫瑰的淡淡幽香，碳酸氣泡的獨特口感，令飲品更清新解膩。環境：🐧🐧🐧🐧🐧餐廳採用木系小清新設計，裝修明亮又溫暖，氣氛舒適怡人。除了一般普通座位外，餐廳亦設有對窗高凳座，感覺悠閒又寫意。🐧❤️結語：意粉出色令人驚喜，高質推薦。