八十里

营业中

休息中

今日生日 經朋友介紹book左間八十里 一入到去比左張圓枱我哋叫左片皮鴨 慢煮安格斯牛肉磚 櫻桃鴨肝 龍蝦酥 蟹粉小籠包 仲開左支紅酒 雖然開得唔係好純熟但上菜速度超級快 唔夠半個鐘上齊 味道好好食尤其是安格斯牛磚 同片皮鴨但我想講佢哋既service超級好 事關出去呼吸既時候唔小心跌咗耳環 佢地見到我同條佬照地下 已經好主動問係咪跌咗野呀，我幫你哋搵，搵到比返你地 到最後真係搵到 仲要幫我清潔好俾返我去到最後仲問我地加唔加甜品，仲好主動say happy birthday 呢間可以再食❤️

今次來到八十里 幫朋友慶祝生日 要特別讚嘆店員服務超級好 除左一開頭開茶既時候攪錯左之外 其他時間都係有求必應 要拍照既時候都非常主動幫忙 而且仲邀請我地到室外海景位拍照 真係淨係海景都已經值回飯價🤣今次打卡真係過足癮😂餐廳環境非常舒適 大部份位置都係海景位 餐廳採用湖水藍色嘅枱布 突顯柔和清新的舒爽氛圍 食物質素都很優質 份量都好大碟 好適合一班朋友過黎食飯 如果想私隱度高既話 有VIP房提供 今次的用餐體驗都相當滿意 值得來一試❤️

我生日梗係要帶晒全家人出嚟慶祝✨，同屋企人食飯主要都會揀中菜，又想有維港靚景，尖沙咀海運嘅 #八十里 係唔錯嘅選擇！#尖沙咀美食 #四川上海菜 #坐擁270度維港景色 前菜． #櫻桃鴨肝、#陳醋一口海蜇花、#茉莉花茶煙燻䱽魚櫻桃鴨肝以車厘子果凍外層包住鴨肝，賣相玲瓏剔透，鴨肝入口絲滑，淡淡鴨油甘香🦆；陳醋一口海蜇花非常特別，海蜇大大粒，嚼勁爽脆，點上陳醋甜酸味中，非常開胃🪼；茉莉花茶煙燻䱽魚最有驚喜，煙燻味濃，而且入口鮮味，好食👍🏻！鮮魚．#糖醋松子桂花魚糖醋松子桂花魚最有驚喜！上菜外貌好靚，而且造法係首先將桂花魚起骨再界花上粉炸，手工技巧滿分，入口脆皮但又啖啖肉，而且火候到位，老豆同啊妹非常滿意😋！肉類．#八十里片皮鴨、#自貢鹽幫水煮安格斯牛肉片皮鴨係我嘅最愛，皮脆薄肉厚嫩，配埋熱辣辣嘅麵皮真係好好食🤤；水煮味道整體麻辣味厚而不嗆口🥩，安格斯牛肉片肉質滑嫩鬆軟，不過不足的地方就係水煮麻辣味必定會蓋過牛味，如果下次揀水煮魚就會更加開心！海鮮．#波士頓龍蝦泡飯原隻新鮮波士頓龍蝦拆肉放入石鍋，再配埋米飯和龍蝦濃湯，食個飯都Fancy過人🦞！龍蝦彈牙，濃湯鮮味，加上石鍋熱力帶出焦香，正！點心

講到維港景致，海港城OTE的餐廳可說數一數二，不少坐擁180度無敵海景，尤其遇上日落，打卡一流，美景佳餚，寫意非常！數月前開了一家名叫「八十里」、主打上海及川菜的中菜館，由大名鼎鼎的川菜大師陳啟德師傅與嚐·美高集團合作主理，意料之外，久違了的色香味俱全，吃到匠心之作的菜式，視覺及味覺皆滿足；配合維港景色，黃金組合！最欣賞「煙燻辣子通心鰻」，手工及廚藝心得皆水準之上，不愧為陳師傅的得意之作；「黃金龍蝦酥」真想得到，悅目味美；「櫻桃鴨肝」配搭出色。良辰美景，先來兩杯80里特色冰茶，在室外一面觀賞景致，一面與友傾談，為一頓佳餚作熱身；下一次一定要早點來看日落！西柚迷迭香 $58桂花青檸菠蘿冰茶 $58調配得很好，果汁味道豐富，清甜可口，心水推薦！餐前小吃櫻桃鴨肝 $198乾冰營造仙氣出場，妨似若隱若現的紅寶石！唔講仲以為這是甜點！但今次櫻桃甜衣裏面是鹹味的鴨肝，入口即化，豐腴香甜；櫻桃糖衣的甜味不止提味，更平衡鴨肝的膩。煙燻辣子通心鰻 $348見到紅海一片的賣相，不難估計這是辣子雞的變奏。據說以舉木將白鰻煙燻，讓入豬腸內，切成小圓件，然後炸至金黃酥脆，最後用辣子雞的烹調方法處理。入口香辣煙韌

位於尖沙咀海港城嘅新中菜餐廳「八十里」主打四川上海菜，餐廳擁270度維多利亞港海景，可以一邊食龍蝦料理及精緻川滬菜一邊欣賞靚景😍 餐廳裝潢走高格調路線，設有雞尾酒吧、舒適用餐區、奢華私人房間及戶外露台，節日慶祝嚟食一流👍🏻.🍒 櫻桃鴨肝: 一粒粒鴨肝被晶瑩帶櫻桃啫喱包裏著，外型就似真櫻桃一樣，口感香滑綿密，再加上擺盤用上乾冰效果，勁打卡～🦞 波士頓龍蝦酸菜魚: 諗唔到呢一個配搭咁岀色！波士頓龍蝦鮮甜細嫩，龍蝦鉗肉質爽彈，相當有份量，配上酸菜魚，魚質嫩滑，亦有大量花椒，椒香味濃，更配有萵筍、紫淮山，非常爽口～🥩 自貢鹽幫水煮安格斯牛肉: 安格斯牛肉份量多，嫩滑多汁，經水煮後更能突岀牛脂香，滿滿紅辣椒，底部仲有大量金茹吸收所有精華～🥖 家香臘肉胡椒餅: 胡椒餅外酥內軟，皮薄餡靚，帶淡淡胡椒麻香，包裹着脂香四溢嘅臘肉，鹹香帶微辛，最緊要即叫即做，夠晒熱辣辣～🥭 楊枝甘露: 香滑嘅奶凍被柚子肉包圍住，倒入芒果汁，味道酸酸甜甜，以另一個方式品嚐楊枝甘露～🍓 胭脂 （玫瑰草莓奶凍）: 草莓奶凍香滑，配上鮮甜草莓、忌廉、海綿蛋糕粒，面頭灑上玫瑰花瓣，少女心滿滿～🍍 桂花青檸菠蘿冰茶: 桂花味道清香，

與身邊人在海港城LCX閒逛，發現「映水芙蓉」舊址已變成「八十里」，對川菜情有獨鍾的我，豈能錯過? 餐廳裝潢清雅脫俗，佈置別出心裁，空間感十足，更坐擁270度海景，是夜天清氣朗，彼岸萬家燈火，與餐廳柔和的燈影襯托下，凸顯維多利亞港景色格外高貴迷人，身心沉浸在如此優美的氛圍，視覺與心靈都得到享受，期待讓廚藝潤澤味蕾。譚先生安排了一壺玫瑰花熱茶與琥珀核桃拉開是夜序幕，譚先生風趣幽默，言談間帶動了餐廳與食客的互動，感覺很親切，譚先生因應我們的口味推介了幾款菜式，他對用料、做法、口感與味道特點都暸如指掌，非常專業，彷彿他就是主廚。 譚先生推薦的冷盤櫻桃鴨肝，一顆顆顏色鮮艷的櫻桃造型，伴以食用花及脆米，置於流動的煙霧中，尤如貢品下凡。櫻桃的外表下內藏鴨肝醬，櫻桃皮口感像厚實的果凍，細膩絲滑的鴨肝醬配上低溫，在口腔內逐漸溶化，尤如鴨肝味道的冰其淋，剛好化解了肝醬的油膩感。第二度菜式煙燻辣子通心鰻，在大紅色的乾辣椒堆下，藏著一顆顆以豬大腸包裹的鰻魚肉，大腸皮薄乾身，酥脆可口，鰻魚肉質豐盈，一口下去肉汁四溢，滿咀魚香。 主廚以煙燻烹調，將一千四百多元一斤的頂級貢布胡椒的香氣完美帶出，大腸和鰻魚的配搭非常

海港城開左新既川菜餐館，餐廳座落於海運大廈盡頭，可以欣賞270度維多利亞港美景！餐廳設有室內座位同埋露台位置，可以行出去露台吹一吹海風，黃昏時更見到日落美景，晚上則見到璀璨高樓大廈夜景，大飽眼福。餐廳設計係優雅中國風，十分華麗！室內座位及露台📝餐牌有套餐或散叫選擇，比較特別係佢地隨左茶之外仲有鮮榨果汁同冰茶選擇，岩晒食辣時候可以解辣，小朋友又喜歡🤤食物🍒櫻桃鴨肝 ($188)一開始諗緊櫻桃同鴨肝點溝得埋，一上菜終於知道了！一縷煙之下放上晶瑩紅色的「櫻桃」，一咬「櫻桃」，內裡其實係香滑鴨肝，賣相十分吸睛，食落好驚喜！🦞椒麻豆酥波士頓龍蝦 ($398)之後，我地豪豪地叫左波士頓龍蝦食。佢地有好多煮法：貢布胡椒米醋帶湯／椒麻豆酥／上湯芝士焗／乾鍋／麻婆豆腐，我地揀左椒麻豆酥，豆酥係炸左既豆渣，香脆可口，夾埋龍蝦既鮮甜彈牙，口感豐富！椒麻味道唔會太辣同搶，輕輕襯托出龍蝦既鮮甜味！🐮自貢鹽幫水煮安格斯牛肉 ($368)一見到紅紅辣椒水煮湯，以為會好辣，原來唔係太辣，薄切安格斯牛肉十分嫩滑，水煮後更突顯到牛肉既油脂香，另外仲有金菇吸收渺既精華。🦞黃金龍蝦酥 ($158)小巧精緻既龍蝦造型，十分可愛