瘋鳥 (已結業)

餐廳位於長沙灣順寧道，見到最近好多人介紹，好似好正咁就吸引左我去🥰🥰環境好文青😝有乾花，牆背景係淺灰色仲有啲畫，仲有啲小燈飾，不過位唔算好多，如果要影文青相可以晏就去影到飽🤣🤣夜晚成日爆場！-🤍澳洲西冷牛扒(8安士)$158🤍三重芝士炸蝦 $115🤍櫻花荔枝茶 $38✨點沙律或者主菜正價-$20✨每人最少一款食物或飲品 ✨另設加一-🤍 三重芝士炸蝦

「當你在外頭世界快要瘋了/ 來這邊坐坐歇歇」長沙灣寧靜既街道上有一間叫做＜瘋烏＞既小cafe，比都市中營營役役既人有個歇息既地方…▪️英式芥末烤牛脷 $53佢地既牛脷真係超級好食！牛味十足、軟嫩到入口即溶既牛舌上面塗上芥末醬▪️焗西蘭花芝士卷 $56係ikea西蘭花薯餅既精緻版😍微脆既炸衣，咬開係軟熟既西蘭花薯蓉，點埋芝士醬就更正！ ▪️惹火菠蘿雞堡（跟薯菜） $80其實睇左網上食評想食牛/豬，不過當日既係雞🤣最期待既漢堡，食落卻非常普通😅包無烘脆，雞扒厚實大塊，但食落同阪燒雞腿包其實無分別，除左多左舊菠蘿😹😹▪️蘋果香煎松阪豬沙律 $68蘋果松阪豬好似幾特別咁，其實食落都係一塊好食啲既豬扒+芝麻醬掞沙律，感覺無咩驚喜位🤔但勝在大盤😂▪️鹽酥菇 $53無期望結果覺得好好食！佢既椒鹽唔係炸衣出面灑上，而係醃左喺啲菇度！個菇勁厚切同juicy▪️特濃朱古力麻糬窩夫 $70網上推介，但唔係太識欣賞😂質地軟軟地，好似有少少煙韌既，但我只覺得係擺淋左既窩夫而唔係麻糬口感😅▪️櫻花荔枝茶 $18櫻花糖漿驚伏既話可以叫佢另上，不過個人覺得個櫻花味都唔算伏。唔加既話係好清淡既荔枝茶味。（🌟逢嗌主菜/沙律野-$20😍

唔知點解對於上次黎呢間餐廳嘅印象仲記憶猶新，係上年嘅2月28日，哈哈，可能因為上年有29號，所以我記得咁清楚(?)今日收工再次黎到呢度，平日晚上，客人不少，我地坐喺近門口位置，有棵幾有文青感嘅樹旁邊，加左啲吊飾後，都裝飾得幾靚，如果日頭黎，影嘅相會靚啲；始終晚上燈光偏黃同暗。餐廳位置唔算多，有兩張長枱，有望到街外嘅高枱，都係木枱木櫈，裝潢整體同我上次黎嘅印象一樣，水泥地、水泥牆，難怪有啲人形容為文青小店，有唔少電影相關嘅擺設、書、畫報等我已經忘記左當日男朋友同我討論邊一套電影。其實呢度環境都幾舒服，不過人多起上黎就難免會嘈少少。餐牌選擇唔算多，小店經營，供應沙律、小食、披薩、幾款主食，例如意粉、漢堡、羊架、千層麵等，仲有甜品，價錢公道。飲品方面有咖啡、朱古力、茶類、沙冰，只要點沙律或主菜都可以享飲品正價減$20。每人最低消費一款食物/飲品。冬蔭公海鮮意大利粉 $78意粉份量適中，煮得腍身彈牙，唔係好煙韌嗰種。雖然話係冬蔭公味，實際食落酸酸辣辣，唔算話好冬蔭。醬汁份量多，唔會好稠身，但足夠掛於意粉上，條條都有汁。如果鐘意食辣野嘅人，應該都會喜歡的，因為辣勁頗強，幾過癮海鮮方面以呢個價錢黎

椰香咖哩鴨胸墨西哥捲超juicy!!!!😋個墨西哥捲皮好香脆，拎上手已經咇啲肉汁出黎，咬落啖啖肉。個咖哩汁同個肉捲好夾櫻花荔枝茶好濃茶味！入面有好大粒荔枝😍仲有陣陣櫻花香🌸🌸已經第二次黎，有菜式👍🏻又唔算太貴環境好舒服，可以坐好耐，慢慢食，同朋友傾下計大合照