德美壽司 (德民街)

营业中

休息中

呢間係我幫襯左都一段時間嘅日本餐廳，平時都係食佢嘅午市定食，呢個櫻花角切魚生飯，都算係成間餐廳最抵食嘅一樣嘢，佢係將嗰啲魚頭魚尾設成一粒粒然後配上魚生飯俾你。所以其實你會識到好多種唔同嘅魚，同埋佢哋唔同嘅鮮味.其實每次都會嚟呢度食同一樣嘢，但係以佢哋嘅水準，我都深信其他嘢食都一樣咁好食。.分量方面，食完係會覺得飽，睇情況有時佢會冇晒呢一個飯，因為切得唔夠多魚。但我就好好彩每次一開門就去所以就有呢個飯食。如果你唔想排隊或者冇得食你想食嘅嘢就記得早啲去！

德美紅磡紅磡實在非常多美食，樣樣菜式都有得選擇。今日Lunch，我們選了德美，太想食日本野喇！ 午餐來說，有主食，仲有沙律，蒸蛋，麵豉湯，仲有甜品（雪榚糯米滋）。非常滿足！我Order左一份櫻花角切魚生飯，真係唔係好多份，每日如果遲D都賣清。真幸運了！魚生角切的魚生都有一定厚度的，你會食到味道，你唔會覺得食剩餘的魚生感覺。正！至於環境，當然係日本Feel，仲有幾間房，可以給客人靜靜的傾計，不錯不錯！午餐仲免加一，真係抵食的。

我認為德美係紅磡黃埔區入邊最啱team lunch嘅地方，因為佢有lunch set，好多選擇，有熱食亦都有壽司類，而且價錢就中價啦，$5x-9x不等。一行八人佢安排咗我地坐個包箱，最好訂定位，如果Walk in有機會要等。我哋叫咗唔同款嘅set lunch，包括貴價啲有炸軟殼蟹彩虹飯嘅set，炙燒三文魚飯，角切魚生飯，滑蛋雞扒定食同壽喜燒燒牛肉煱。佢基本上全部Set都會配沙律，麵豉湯同茶碗蒸(呢個好好食啊!!!)仲有糯米磁～每哋有Share來食。首先炸軟殼蟹配沙律醬好食，如果再多d就食，刺身就唔錯啦，但呢個Set偏貴。至於炙燒三文魚飯，我覺得好好食，五六片厚厚的三文魚燒到啱啱好，仲有隻溫泉蛋撈飯，最正係佢啲飯唔係普通壽司飯，係有菇喺入面，即刻正好多。👍🏻推介👍🏻👍🏻👍🏻角切魚生飯就無咩特別，但好快Sold Out～丼飯嘅Size一啲都唔細啊！不過侍應態度麻麻，而且上菜有啲慢。佢有2間舖，主舖果邊會好啲感覺乾淨啲，左面個舖位多人會開埋，但有時入到位先開冷氣，有陣潮濕味一陣先散到～

櫻花角切魚生飯低吃🌸食物環境服務高水準👍🏻獎勵自己午餐好去處🍣星期二中午十二點幾，我地七個人黎到啱啱好剩翻一張大檯。估唔到十二點先開門都咁快坐滿。✏️我們的食單✅櫻花角切魚生飯 $68 （配 沙律、燉蛋、麵豉湯、雪糕mochi）✅櫻花角切魚生飯 $68：魚生份量足！係切碎左既三文魚、吞拿魚、油甘魚...好滿足！中間既半熟蛋煮得啱啱好，撈飯好正。飯入面仲有紫菜絲，非常有心思。芥末口味清新，吃落唔會太攻鼻。飯質可以再乾啲。沙律味道清新，汁配調得好開胃。燉蛋正常好味。🏠日式懷舊風，餐具都好精美👳🏻‍♀️服務幾好。坐低就有一大杯熱茶飲，仲會成日添。吃完既碟都好快

櫻花角切魚生飯 $63Set lunch 連茶碗蒸、麵豉湯、沙律、雪米糍，比晚市平一截，唔怪得12點已經坐滿曬人咁濟啦魚生飯上面有飯半熟蛋同蟹籽，飯亦都有有紫菜同蘑撈埋一齊，加埋三文魚、吞拿魚、墨魚真係啖啖都大滿足呀

一人前的午餐，不用想太多，在德美壽司享用。看見有一款叫櫻花角切魚生飯，就點了這個。刺身是紅章魚、帶子、三文魚，果然是角切的，比起切成一片片的較有口感，肉厚味鮮而柔軟。上面更有海胆，撈飯同吃，又香又軟，其實份量不算少，但轉眼間已被小人吃盡每粒飯！飽足至極，性價比甚高。

lunch time好多人,建議預先打電話book位落完order好快就有前菜上檯~有麵豉湯, 少少海帶,切粒豆腐, 湯味道ok~生菜沙律新鮮,但如果多d醬汁會更好,更開胃.茶碗蒸蛋有細粒豬肉, 蟹柳, 魚片,菇,熱辣辣,好滑~好味~燒得好香,肉質較實,鰻魚份量多,價錢適中~刺生新鮮，份量都算多~埋單後仲每人送糯米糍一粒,有荔枝and芋頭味~總括黎講,坐位舒適寬敞,食物種類都算多,食物質素ok,刺身新鮮,份量多,價錢相宜,可以一試~