大都淮揚中菜 (已結業)

我係報紙睇到呢間， 次次都係頭版好似好把炮， 果然！上菜快， 服務態度好， 呢啲就梗係唔洗講我想focus分享啲食物， 因為真係樣樣都好正， 樣樣嘅味都好balance 同埋考刀工！首先係個一支獨秀， 齋睇啲刀工同埋擺碟就已經值回票價！佢果啲花瓣應該係用醋去醃過嘅蘿蔔， 入邊釀左條紅椒絲， 令酸中帶甜， 下面就係雲耳同唔知係咩， 但都係勁好食。之後就係個螺片， 唔好睇佢精精緻緻咁， 其實個分量都好多！佢螺片嘅脆同埋麻油嘅咸香係天作之合， 真係無誇大！個鵝肝片皮鴨我望個廣告就以經知到好正， 因為佢話佢係用蘋果木燒， 唔好以為係鵝肝薄片， 真係堅有分量， 個皮有勁脆， 個味mix埋一齊真係超正必食！重有個必食嘅就係蔥燒蹄筋，我到唔識得形容， 重之你試過就知佢嘅好食程度！！！個文思豆腐羹係全場最考刀工嘅菜式， 佢係豆腐絲， 軟豆腐， 唔係硬豆腐！所以係難上加難！我果晚去都唔係好多人， 所以一啲都唔迫唔噪。 係味覺聽覺視覺同時享受嘅情況下， 真係物超所值！！！我同你地講， 我一定會再去！！

本人食開都唔係貴野 好大部分原因當然係冇乜錢嘅關係啦😎其二 我認為有啲餐廳真係未必值得個個價位😓今次友人因為有cash coupon就誠意邀請我當然佢有百分之百嘅guarantee係好食 不過味蕾生係自己度 好食與否就由自己決定首先當日係習以為常嘅遲到先啦😑所以得我自己搭𨋢上去先叫左個我飲茶最愛----普洱勁可愛嘅茶壺 不過一拎上手😱勁重 真係辛苦哂甘多位waiter 同waitress🙈陳年普洱非常清 唔會有普通普洱嘅個啲浸得來會"喼" 一直保持住佢嘅甘甜 直到我地走(都差唔多傾左四個鐘😂)唯一可惜係個茶壺 又重 又唔保溫睇個menu我真係諗住食一次就算😩點知真係令我改觀喎首先黎嘅係鱘龍魚子糖心蛋 好有期望不過因爲蛋煙燻得太熟 根本唔應該叫糖心蛋🙁🙁亦都因為煙燻得太耐的關係 煙熏味道過重完全掩蓋左鱘龍魚子嘅味道第二樣餸 生拆蟹肉燴官燕 真心覺得好飲 好滑口 貼心嘅設計 下面有個蠟燭幫你保溫 不過唔知係我同友人傾得太耐計嘅關係定係原本係咪都會甘....飲到¾嘅時候發現個底竉咗😕第三樣餸 水晶鵝肝片皮鴨 我真係好中意佢呢間餐廳嘅貼心 本人就比較懶唔中意包片皮鴨 佢一份一份甘上 對我嘅講全

衆所周知，淮掦菜刀功出色，新開數月的大都淮揚亦合符期望，多款菜式如畫如藝術品，吸晴搶鏡，難得味道亦不失所望，價錢合理，再加上環境高貴舒適，宴客或聚會之選。位於展覽中心旁之食廈，應該是結了業之十八溪的位置，告別卡拉ok年代的我，真是多年未踏足此商廈了！（因為當年有間Kara）古典豪華氣派，燈光柔和。烤鴨為鎮店菜，因此在大廳中央展示了烤鴨之廚房。貴賓房間十分多，4人至16人皆可有獨立房間，大概每位花費$800多元便可訂房。我們的15人大枱位於靜靜的一角，就是沒有獨立房間，亦能自成一角，聰明消費者之選，哈哈！經理Stella殷勤招待及建議菜式，驚喜之處在於並非推薦貴價菜，郤為我們荷包著想，把原先想選的蹄筋及遼蔘二合為一，多人分享小份更為化算。其實反而多做了生意，因為我們定必改變主意取消每位一條$268的遼蔘，一般聚會，有點過份嗎！茶葉選擇亦多而寛，我們當然是基本選擇，$20/位茶錢可選白牡丹、龍井及普利。茶壺及牙簽盒皆如古董，精緻漂亮。 餐前小吃 (4/5)喜見餐前小吃是水果，士多啤梨丶菠蘿、兩款蜜瓜，養生之道。我們選了前菜四款例牌，兩款烤鸭加二吃，一道湯兩款選擇，魚、菜、點心、飯及兩款甜