一芳台灣水果茶 (已結業)

星期六下午的朗豪坊，人多到不得之了。經過開左一段時間既一芳，大約十幾人排隊，不過排一陣就買到了。由排隊、落單到拿飲品，過程不超過20分鐘。點了最有名的「一芳水果茶」熱情果籽大粒而爽脆，新鮮貨。有蘋果片、橙件在飲品裡面，糖水味不會蓋過鮮果汁，是真的果甜。我覺得這家的水果茶是鮮果味最濃郁而水果份量最多的。推介！建議大家叫少甜份量，因為全糖的話，真係好甜😝😝😝另點了金峰洛神檸檬🍋嗯.....感覺好多色素，洛神花的味道再加酸，感覺麻麻。

一芳這台灣品牌第一次見是在大陸，香港分店開了一段時間也沒興趣試，這天友人口渴便去試一下。我們點的是水果茶，已臨近11點也要等一陣子。水果茶夠冰涼，內裡有青茶、蘋果柳丁切片、釀鳳梨醬、百香果原汁，喝下去鳳梨、百香的味道比較重，喝到下面覺得有點太甜了，最後打開吃蘋果片。整體是偏甜，還是在大陸喝的水果茶較好味。

其實一向都好喜歡飲台式飲品，但係市面上嘅選擇雖然多，但係好多都唔知飲緊啲乜嘢味粉加奶精再加唔知乜色素。嗰日咁岩同老婆講開話如果有一間可以比真材實料我飲我寧願俾貴幾蚊。終於喺朗豪坊行過嘅時候見到呢間野，一望就俾個門面吸引左我，開頭以為係賣日本野拉麵之類，哈哈，原來係賣台式珍珠奶茶！雖然等左半個鐘但係係值得嘅，老實講好唔好飲就見仁見智，我就覺得起碼真係見到佢用茶葉煲茶同用鮮奶唔係用奶精，飲都飲得安心啲先。睇埋佢嘅裝修又話賣台灣傳統口味，所以下次行過都應該會試埋其他款式😋

今日喺朗豪坊附近買完野，經過見到「一芳」排晒隊，就即刻好想試吓！買咗個台灣水果茶微微糖小冰加寒天冇得揀大杯㗎 ，因為佢收細杯價錢會比大杯你，因為太多生果做唔到大杯喎，都幾得意！等左好耐啊，我哋去食完雪糕反黎先岩岩有！（留意番，我哋去嘅係星期三夜晚七點到，都唔算咩繁忙時間，我哋攞完先多人 ）有得飲啦！都幾好飲喎！我哋今次揀微微甜個人覺得個甜度啱啱好我朋友就覺得可以甜少少我下次會揀走甜朋友就話會揀微甜所以要睇自己個人口味啦