荳子冰室 (將軍澳廣場)

营业中

休息中

曾經多次光顧屋企附近的「BEANS」，出品都幾好；一知道同系在附近商場開了一間「荳子冰室」，已經想即刻去試試，但每次午飯時段都很多人排隊，每次都要放棄。今天專程10點半左右去排隊，已經有10組人在等候，情況總算可以接受。等了20多分鐘，終於可以入座。用餐時間限時75分鐘。其中一堵牆上用卡通手法描繪了將軍澳站附近一帶環境環境，當然標註了「荳子冰室」的位置。典型茶餐廳餐牌，除了早、午及下午茶餐之外，炒粉麵飯及晚市款式也有不少。定價合理，尤其早餐及常餐，甚至較經常開餐的飯堂「X興」還要抵食。11點還未到，只可以揀早餐；不過，也有多款不同口味，除了經典港式早餐，還有麥皮餐、三文治餐、自家新鮮出爐麵包餐及歐陸扒餐。經典早餐選配丹麥多士及煙肉蘑菇奄列。多士烘至表面焦香脆口，麵包甜度夠、烘香後有少許焦糖溶化效果，加上薄薄一層牛油，味道幾好。至於煙肉蘑菇奄列就麻麻，只是最普通嘅茶餐廳出品級數。雞蛋太薄、炒得嚡口；餡料煙肉蘑菇亦炒得唔夠香。沙嗲牛肉公仔麵（$39）醬汁味道濃郁，略欠香氣；牛肉鬆軟，牛味一般，全靠醬汁補救，正常茶餐廳水平。同「BEANS」的西餐出品比較，「荳子冰室」的早餐出品未算滿意，勝在

終於試到呢間人龍小店喇～！次次經過都見到好多人排隊，今次特登朝早11:30去排，等半個鐘就有得食喇～如果想試嘅朋友建議12點前去排隊，因為我見到12點後條龍開始好長～今次一行三人，我哋嗌左兩個常餐同埋一個午餐～第一個常餐就有以下三款食物～黑松露炒蛋冇乜黑松露味，但係個蛋都吵得幾滑，不過略嫌就冇乜味道。叉燒餐包就略嫌太油同埋太甜，我哋特登加$5由丹麥多士轉做叉燒餐包，有少少後悔下次唔會加😢沙嗲牛肉麵做得十分出色，沙嗲味好濃厚，花生味都好重，佢個面底仲可以根據個人喜好揀林啲硬啲或者正常，值得一讚👍到第二個常餐～佢個奄列好好食入邊有啲煙肉同大大塊嘅蘑菇，個丹麥牛油多士都非常之好食😋呢個秘製醬汁魷魚鬚撈公仔麵真係食到停唔到口，佢啲魷魚鬚煮得非常入味，口感都好好！第三個我哋嗌左午餐～等大概10分鐘到就送上嚟，龍蝦汁好香，但係我覺得佢個焗飯有啲太濕，可能係啲汁比得太多～不過50幾蚊一個午餐我覺得已經好好！最後仲散嗌咗一個蛋撻，係我最鍾意嘅曲奇皮，不過我覺得佢哋嘅蛋撻可以更加好，佢個蛋味唔夠濃郁，佢嘅皮都非常之黐住個殼，亦都冇乜香味😟總括而言我覺得呢間餐廳係好食嘅，大部份嘅主菜都令我好驚喜，反而啲配