鐵板先生 (已結業)

是日端午節，與一眾朋友諗唔到食乜好，有人提議不如去食鐵板燒，可以望住師傅一面燒一面食，諗諗吓都好耐冇試過。山林道的鐵板先生不算很大間，幸好臨時預約的我們，都安排到座位。餐牌全部都是套餐形式，價錢以兩位起，與友人一共3人，除了點套餐外還散叫了一些小吃。青蘋果梳打 $20先叫一杯飲品，青蘋果味甜甜的，梳打味不太濃，不過味道很討好，很好喝。枱上放有兩種醬汁: 洋蔥汁是用來沾肉類，而酸汁就用來沾海鮮。蟹籽沙律 & 魚頭豆腐麵豉湯說着說着，前菜就來了，蟹籽沙律上有很多蟹柳，沾上芝麻醬吃很開胃。魚頭豆腐麵豉湯喝不到有魚頭豆腐味，是一般的麵豉湯。時令刺身刺身有甜蝦及帶子，甜蝦入口黏黏頗新鮮，帶子好鮮甜。原隻魷魚筒魷魚燒完仍然好彈牙，配上蒜蓉一起炒令平平無奇既魷魚更好吃。法國羊架羊架好有香草味，微微羶味。北海道帶子皇帶子爽口，被燒完後更加惹味。日本龍利魚+鐵板配菜龍利魚肉質嫩滑，面頭灑上椒鹽令到魚肉更香口。黃金煙肉炒飯飯粒炒得不夠乾身，不過又不至於會黏在一起，煙肉份量不少，令到炒飯更加滋味。日式炒雜菜雜菜內有芽菜及椰菜，略嫌芽菜份量比較多，但炒得很香口，配炒飯一起吃一流。甜品是日甜品糯米糍一粒。食飽飽又一天，不過不失。…查看更多

今日係端午節，糭中午就已經食左，段估今晚老婆都唔會話煮糭我食掛。點知真係 ......嬲嬲地即時捉佢出去搵野食。山林道夠多餐廳，一於鎖定目標。入左一間叫鐵板先生既餐廳，今晚應該唔係只供應鐵板糭套餐掛 ...... 一入餐廳，枱上面已經準備好兩種醬，店員介紹分別係洋蔥汁同埋酸汁。洋蔥汁係配肉類，酸汁係配海鮮類。睇睇餐牌，好多套餐選擇，亦有散叫項目。餐廳有一邊既座位係可以望住師傅表演。蟹籽沙律，麵豉湯前菜先嚟一個蟹籽沙律同埋麵豉湯開啟味蕾。甜蝦刺身，帶子刺身喺迎接鐵板食物之前，先叫咗兩味刺身：甜蝦刺身尚算大隻，都幾新鮮；帶子刺身都幾先甜。原隻魷魚筒魷魚筒彈牙，有咬口，由於加左調味去炒，十分惹味。北海道帶子皇帶子殼成個手板咁大，上面仲有用嚟調味既汁浸住，咬落幾爽口，浸左汁之後既帶子皇味道突出。日本龍利魚魚身煎至金黃色，入口啖啖肉，龍利魚都算挺身，夾起嘅時候冇鬆散嘅情況出現，食落好香口，沾沾酸汁，更加開胃。法國羊架上枱既時候有一陣微微的羊羶味，羊架已經切細，方便進食，唔駛成塊用口撕開。黃金煙肉炒飯每粒飯粒清晰可見，飯身呈金黃色。其他配料亦同樣豐富，所以炒飯炒出來色彩繽紛。日式炒雜菜炒雜菜份量都幾多，炒完出嚟既菜唔會完全乾身，略微少許菜既水份，食落爽口。食完呢餐，我再諗番，其實老婆話夜晚煮糭應該係激將法。佢真正目的係係唔想煮，焗我出去食。…查看更多