川燒 (已結業)

佐敦，係我心目中都算美食林立，各式各類既食物都可以搵到。今次上網搵到呢間「川燒」，雖然位於佐敦，但地點卻不太就腳，距離地鐵站大約10-15分鐘腳程，但見到啲食物頗為吸引，係非一般串燒店，提供多樣新穎創新既食物，的確有別於一般傳統串燒店。所以，遠啲就遠啲啦，照黎可也。店面不算大，座位與座位之間的空間不多，裝修有點古色古香既感覺，全以木色作基調。一間咁傳統裝修既舖頭原來賣啲咁創新既食物，所以話，店不可以貌相呢！點餐紙是兩頁A4 Size的紙，分門別類非常清析，有海鮮、素菜、特式小食、飯類、甜品等等，款式非常多，實在難以選擇應該點咩好。黑板上印有幾款推薦菜式可供參考川香海蜇頭伴青瓜 $38大大碗，香料很足，輕輕一聞已有濃濃的麻油和辣椒油味。海蜇頭十分爽脆，青瓜也很新鮮脆口，整碗帶著微微麻辣香，但略嫌青瓜多了點、海蜇頭比例少了一點。燒自家製墨魚八爪魚棒 $32雖說是棒，店家切開了一粒粒方便進食，墨魚棒飛常彈牙，裡面加入了蝦粒和八爪魚粒，配上自家製醬汁，十分香噴噴。燒一口鵝肝多士 $48身為一個鵝肝控，呢味冇得輸一定成為全晚我至喜愛既菜式。鵝肝多士一口一件，雖然係細細件，但厚厚既鵝肝舖滿了整件多

每次到川燒皆會發現一些新項目，自古成功在嘗試，值得一讚；而且食客愛嚐新，花錢當然有要求，在紙張餐牌上，新項目有標誌，很容易選擇。今晚帶朋友來，我當然嚐新亦懷舊，重溫了我最欣賞的川香魚湯清酒煮蜆、黑松露燒腐皮蛋、川燒薄餅、燒白鱔及芝麻湯丸，果然沒有失望，水準保持。嚐新的有如下:黃金芝士燒原龍蝦燒海鮮不容易，尤其硬殻類，易燶卻不熟，但川燒功力足，這只龍蝦燒得到位，肉彈不過乾，可能祕缺是加了芝士，半溶芝士添潤澤，味香惹鮮美。燒特濃芝士五花腩潮流興吃芝士，拜韓風所𧶽，這個組合邪惡非常，卻又合拍，烤過的五花腩肥油已漏走，溶化芝士補上，口感肥美。川味芝士撈面公仔麵粉絲至愛，魔鬼之王，又膩又鹹但口感實在，非我杯茶，但據說受男士歡迎。法式燒綿花糖朱古力厚多士喜歡溶化綿花糖的甜美黏稠感，跟香脆厚多士配，口感對比明顯，味覺享受。再一次滿意滿足。

香港這個美食之都真的想食甚麼都有, 近幾年開始流行串燒, 以前食過韓燒但我一直都不喜歡, 因為每次食完我都會不舒服頭髮衣服又會有味道... 這個晚上友人提議去食串燒我也有一點卻步... 要不是我真的很久沒BBQ, 我真的不會給川燒這個機會 地點而言, 川燒亦不就腳, 從佐敦地鐵走過去都快10分鐘了, 不過走到剛好開始餓可以開餐!   舖面不算大, 枱與枱之間並不餘多少空間, 但內裏卻有一間小房, 適合一班人團聚!食串燒基本上是點食物本身, 而不是看賣相或煮法, 所以只需管好想食甚麼材料好了~而食串燒本身很熱氣又口乾, 我點了杯銀菊露希望有助紓援一下, 味道清甜潤喉, 感到不錯~ 冰爽涼伴黑木珍珠耳  川辣酒煮東風螺  冰爽涼伴麻辣牛利在串燒之前, 嘴饞的我們先點數個小食試試, 媽媽常說黑木耳有益, 冰冰涼涼且爽口, 有芝麻香, 如果辣一點可能會更惹味~~ 東風螺帶點辣, 非常煙韌有嚼勁; 牛利那種韌性真的沒有其他食物能比, 不辣反帶麻般刺激味蕾, 十分開胃! 燒雞泡魚干這是我食過最好食的雞泡魚干, 看起來像是乾乾的, 不過吃起來柔軟煙韌, 並有魚的鮮味, 一試愛上!

中日FUSION渡船街一向都有不少美食，今天是應朋友邀請，到川燒一聚，並試試中日FUSION餐廳美食。吃過後的結論是 - 絕非一般的串燒店，而是用心經營的特色fusion 串燒店。小小的店子位置不多，可是Weekday也人山人海。一座下店員送上一張點菜紙，有著不少美食選擇。不少串燒店都以主推肉食，只有少里量素菜。出奇地，這間小店有不少菜類選擇，於是我選了半菜半肉。先來燒特級牛脷芯($36)，一串三粒，入口即溶，用了一點點salt 掉味，我力推!!另外秘製成雞中翼 ($20)十分驚喜! 炸得香脆可口，秘製醬料及孜然粉令雞中翼味道更香噴噴。燒海殼王 ($178) 店員說需要用了三十分鐘的慢火，加入各款特色香料來燒，並原條上枱，肉質十分鮮嫩又帶點香料味，魚皮炸得十分香口!說到菜類也不錯。來自日本的一口甜蕃薯 ($20)一入口即化，甜而不膩! 黑松露燒溫泉玉子 ($30)單看外表都覺得吸引，燒腐皮香脆可口，包著流心的溫泉玉子及黑松露，口感豐富。串燒煲仔飯 ($28) 是其中一個特定串燒!!臘味混入糯米燒，四邊都脆口如飯焦。燒珍寶大元貝 ($136) 極之大隻! 加了燒汁掉出元貝鮮味。法式燒綿花

天氣冷冷，總得吃點暖笠笠的食物。朋友發辦，帶我們到佐敦渡船角的川燒，吃個川式燒烤，真是火辣辣！地點不太好找，距離佐敦地鐵站有十多分鐘距離。平時很少來這邊，原來這裡一帶食肆立林，就像個美食天堂！轉入文英街，走前幾步就看到火紅色的川燒招牌。店內裝潢並非十分傳統中式，混中了些東方元素，感覺舒適。冰爽涼拌黑木珍珠耳 - 涼拌醬汁帶川式辣味，頗辣帶麻，灑上蔥花、蔥絲、辣椒粒、芝麻，味道更加豐富有層次。木耳是優質的珍珠耳，像一朵朵的小花，爽口之餘均勻沾上醬汁。冰爽涼拌麻辣牛脷 - 涼拌醬汁跟黑木耳的應該是同一款，同樣地辣中帶麻，同樣地灑上蔥花、蔥絲，芝麻。牛脷切成長條型，並非日式的一塊狀，像層層疊黎堆在碗中。牛脷煮得夠稔，但又不會太過，仍然爽口有咬口。冰爽涼拌麻辣豬耳 - 同樣是麻辣的味道，豬耳切得約3mm粗，豬皮煮得煙韌，軟骨位置很爽，一咬即斷開。三款小食的味道相約，吃著吃著略欠新鮮感。川辣酒煮東風螺 - 味道辣中帶麻，加入了胡椒，所以辣味更多層次。東風螺煮得十分入味，每一粒都帶有湯汁的味道；亦帶有螺的鮮味，口咬彈牙。但女生用竹簽吃起來有點狼狽。燒雞泡魚干 - 雞泡魚干燒得剛好，顏色金黃，肉質偏

今天約了一位好朋友聚餐談天Man’s Talk (難掩Step開心興奮的心情)。自Step和娘子結婚後，除了大部時間都要工作OT外，就是回家陪娘子，再不是就回2邊的老家食飯，感覺身邊的朋友好像日漸疏遠 … (唏噓….)難得今晚娘子去做Facial，而Step又可以早放，於是約了一位好好朋友；朋友便出主意帶Step去食好東西，說要讓Step有一個驚喜。開始時還以為朋友會帶Step去食日本放題 / 大大件安格斯牛扒(Step最愛)，Step當然充滿期待啦：朋友約Step在柯士甸火車站等，再步行過去渡船街，轉入文英街時，朋友突然停在一間古式古鄉的店舖門前『川燒』。『Step，我們到喇!!』而且還立即有位。朋友說：『幸好我們七點前到達，如果平日的話，7點左右到達還不用訂位，如果過了七點的話，就一定要先訂位；六日就更加不用說啦，一定要訂了位先!!』究竟這間『川燒』出名的是甚麼而有這麼多捧場客呢?朋友又再說：『這間『川燒』最出名就是食滋味串燒和即燒新鮮海鮮… (下刪百字)』(朋友仔應該是這裡的忠實常客!!)事不宜遲，立即看看Menu，食物分為：1. 新鮮海鮮 (21種)2. 風味肉類 (29種)3

尼晚同幾個朋友出嚟飯聚，天氣凍凍地去玩玩爐端燒，海鮮必定係我嘅首選啦！我地一行4人叫咗個二人海鮮套餐同其他串燒咁。尼個二人前套餐，有蟶子王、扇貝、鮑魚、海蝦、蠔、花甲同螺，份量十足。尤其係蟶子王同扇貝，大大隻無花假，食落甚鮮甜！自己即燒即食，熱辣辣放入口，正到爆！燒白鱔鮮嫩燒汁惹味，無骨有咬口，鱔嘅油香沖斥整個口腔食咗一啖已經即刻想encore！幾特別幾有心思的菜式！用燒過腐皮載住溫泉蛋黃，再加上黑松露。埋枱已飄來陣陣黑松露香氣，一啖入口黑松露同蛋黃即時遊走到口裡每個角落，感覺好滿足。幾花工夫的菜式！用臘味糯米飯整到形狀好似條雪條咁，再塗上蛋黃漿喺面拎去燒。蛋黃漿燒得火喉剛好，糯米飯咬落煙韌，而且一啲都唔乾。鴨舌香辣勁惹味！用嚟餸酒一流尼個望到已經好吸引啦！每粒綿花糖都燒到微微金黃，加埋朱古力醬同煉奶已經好邪惡！配以脆卜卜的厚多士底，入口一軟綿一脆爆，口感好棒！

除了近年興起的韓國燒烤外，川式串燒也曾經在香港紅極一時。最近天氣開始轉涼，朋友就提議去佐敦渡船角食串燒。佐敦渡船角是一個舊式住宅屋苑，由八座大廈所組成，全部皆以《文》字為首，因此該處便稱為八文樓。渡船角也可說是川式串燒的集中地，皆因一條短短的文英街就已經開了六至七間串燒食店，由於食店有太多選擇，於是還是參考開飯的意見，是晚我們選擇了該處綜合排名最高的「川燒」。川燒座落於文英街，交通未算是太方便。不過如果是駕車人士，該處泊車相對較易，餐廳門口設有咪錶位，可供停泊之用。甫進店內，店員就勤快地安排入座及送上餐牌。這裡的串燒和小食的種類十分豐富，我們這晚就點了以下幾款:涼伴青蔥皮蛋豆腐($30)：凍豆腐上放上皮蛋碎及青蔥絲，豆腐底部有豉油作調味，豆腐口感很幼滑，這個特式小食尚算不錯。蜂蜜鳳梨($20)：一串鳳梨有八片，表面沾上蜜糖香煎過的，甜甜的但仍然保留到鳳梨原有的鮮甜味，十分開胃。黑松露西蘭花($48)：用錫紙包裹後烘焗，一打開錫紙，黑松露的香味透過熱騰騰的煙飄來，香氣撲鼻，西蘭花和黑松露的味道異常配合。個人建議一定要攪拌後享用，否則吃下去會因有些西蘭花未能沾上黑松露而失色。川香魚湯清酒煮

「八文樓」是有名的美食藏寶地，而當中最有名的可算是燒烤，整條文英街一間接一間都是燒烤店。是夜跟友人吃完晚飯，意猶未盡，就想到來「八文樓」找點吃的，順便繼續未完的話題。在「開飯網」一搜，見到這間燒烤店排第一，而且一個劣評都沒有，就來試試。由於是星期五晚，即使我們22:00來到食店都仍然座無虛席，幸好不用待太久，侍者就安排我們就座。點菜紙選擇非常多，海鮮、烤肉、菜類、小食、甜品和飲品共百賣選擇，但由於我們已吃過晚飯，只是吃宵夜，就點了一些不太飽肚的。燒原條生燒粟米($24)我本身只愛吃粟米粒，不愛吃一整條的粟米，因為覺得很多時都有渣，吃完粟米渣都攝在牙縫，但有時在食店又不方便剔牙，不過朋友點了，我就小心奕奕吃上一塊。這粟米表面塗上蜜糖，甜甜的，粟米燒得頗為乾身，味道不錯，而且竟然沒有粟米渣。秘製醬燒麻辣鴨舌($18)很多人被鴨舌的賣相嚇怕都不吃鴨舌，這裡的鴨舌不像台灣買到的，賣相沒那麼嚇人。味道是辣辣的，麻味不多，都頗惹味，肉質是應有帶點韌口的。燒一口鵝肝多士($48/份/兩塊)多士非常香脆，鵝肝不算入口即溶，只有中間比較溶化，不過配多士同吃，味道仍是不錯的。蜂蜜鳳梨($20)這個真是不得

在香港真的很難遇到一間正宗的四川風味的串燒店，在Weekend約咗friend一齊行tst，心血來潮特別想食燒物，於是來到附近的佐敦尋食。川燒雖然店面不大，但門面的設計川味十足～見到menu看似唔錯，於是決定一試。毛毛雨的晚上，食串燒當然要配上1664啤酒。大大杯，可以飲足全晚！驚喜之一，燒廣島生蠔，蠔肉新鮮飽滿又大隻，配上蒜蓉紅椒絲，看見都口水流。驚喜之二，燒珍寶元貝，鮮嫩甘甜，大大隻，啖啖肉，好好味。驚喜之三，吾係紐西蘭大磨菇，名字好新潮，隻菇得意得黎又大隻，咬下去你口可feel到full of juicy。鮮蝦膠腐皮卷，相對普通，口味有少少淡，如果能淋些醬汁更好。食完覺得唔够喉，於是再點了一份店家力薦的新甜品，法式燒綿花糖朱古力厚多士，果然唔錯，燒得熱綿的綿花糖鋪在烤的香脆的厚多士上，淋上朱古力醬同煉奶，望上去已經十分吸引，咬一啖發覺中間夾有香蕉，好驚喜。食完唔洗轉場食甜品。整體來說，串燒的種類很多，而且店家的串燒很多都是自創款式，誠意十分。早前到過四川品嚐過當地串燒，發現川燒的串燒都燒得十分正宗！在香港從未遇過如此正宗的串燒店，誠意推薦給串燒迷！

孜然，燒烤食品嘅佐料，口感風味獨特，氣味芳香濃烈，能解除肉類嘅油膩。此外，於中醫角度，孜然適用於消化不良同胃寒、腹痛等症狀。川燒，一個中國風的名字，雖然唔知同四川有冇關係，但就大量用上孜然呢種大漠風情嘅佐料。串燒小店環境比較狹窄，似帶有中國風嘅居酒屋。西班牙橡果黑毛豬，日本黑豚露筍卷，川燒薄餅同BB豬肋骨都用上孜然做調味，口味獨特芳香，好似食緊新疆羊肉咁，味道好特別。川燒薄餅雖然只有薄薄嘅餅皮，但孜然配上洋蔥芝麻口味獨特。BB豬肋骨通常用上西式煮法，但配上孜然有另一種食法。黃金燒大虎蝦用上鹹蛋黃釀入虎蝦背，肉質爽口非常冶味。燒鮮白鱔肉厚油足，配上薄薄脆口嘅鱔皮，冇得輸。黑松露燒腐皮溫泉玉子，甜甜嘅腐皮配上微鹹嘅黑松露同溫泉蛋，口味複雜以及可中和燒烤嘅熱氣。法式燒綿花糖朱古力厚多士，中間夾上香蕉，綿花糖朱古力香蕉嘅甜味配上厚多士嘅鹹脆味，口味複雜特別。

「望穿秋水」意思喺形容對遠地親友嘅殷切盼望，小弟就無乜親人晌外地，所以，比較少有依一種感覺。不過，有時約朋友食飯，尤其耐無見嘅朋友，就真喺有少少望穿秋水卒之約到一齊食飯嘅感覺。今晚嚟到川燒，唔使望穿秋水啦，可以開懷一番 。門外放有兩枱4、6人枱，明顯喺為吸煙人士而設，不過，家下大熱天時，相信肯坐嘅人唔多，寧願食少次煙入去涼冷氣啦。室內環境比想像中大，不過，都喺坐到30人左右，裝修以中國風為主，深色柚木枱櫈，通花紅燈籠，有份古色古香嘅感覺 。雖然只喺閒日嘅一夜，但估唔到一樣客似雲來，坐滿八、九乘，有部份枱仲可以翻多一轉客。牆上嘅黑板，都列有唔少推介菜式，亦有是日有供應嘅海鮮。「餐牌」亦即喺點菜紙，主要分為6大類：特色小食、新鮮海鮮、風味肉類、健康素菜、飯類、甜品，另加啤酒、汽水……等飲品。菜式上見到讚好標誌表示廚師推介，而火辣辣嘅公仔唔講都明啦，此外，仲有唔少新出品 。海鮮類，一共有廿多款，有一半喺以時價計錢，亦未必一定有貨，但牆上黑板都會寫低是晚時令，好海鮮嘅朋友不妨留意下。 汁燒一品鮑（時價） $55 / 隻 當晚嘅鮑魚定價$55隻，喺南非嚟，都幾大隻，以汁燒烹調，好入味