伽倻韓國餐廳

小姪兒K仔牛一，話要食韓國燒烤，無奈肥肥家族最愛嗰間「秘苑」早年已結業，XO爸B唯有另覓餐廳。咁啱週五同幾老表午膳時得知喺「金朝陽中心」消費即可登記做會員儲分享優惠，所以就喺名食廈揀咗間「伽倻韓國餐廳」黎試。「伽倻」佔用面積全層，環境寬廣，裝潢簡樸，由於樓底極高，人多都唔覺嘈雜。拍窗有一列早已坐滿食客o既二至四人卡位。大房內o既散座都好闊落，最緊要就係抽氣強勁，飯後唔會食到個身一陣味。點菜全權交由壽星仔負責，應建議揀咗個四人用o既「H Set」套餐，包有烤特級肉眼扒一件、烤特級牛肋骨兩件、秘制烤牛助骨一份、烤大蝦四隻、鮮生菜配雜菜沙律、辣炆豬排骨年糕煲一個、中份海鮮煎蔥餅、鮮牛肉鍋麵、及四客甜品。另散叫「蛋拌生碎牛肉」、「滑豆腐海鮮辣煲」及兩份「韓國特級霜降牛肉」。寫好餸，客套o既姨姨先換上金爐，並著好火。蛋拌生碎牛肉（$260）：生牛肉雖則外表砌到成朵花咁靚，可惜牛肉未完全解凍，入口仍有陣雪味，撈入生蛋黃都未能增添潤滑，即使梨塊甜甜o既味道討好亦難以補救。滑豆腐海鮮辣煲（$138）：海鮮辣煲湯多料少，蜆仔同青口又老又嚡，加上湯底唔夠濃且唔夠辣，實屬失敗之作。H Set餐（$1,690

今日嚟到midtown ge伽椰食晚飯，叫咗呢個二人套餐，唔洗諗泡菜方面冇咩特別，都係d大路嘢特級肉眼扒我覺得一般，牛味唔太濃反而牛肋骨好味好多，經過醃製都仍然保留到牛味，又淋，呢個可以再encore牛肉粉絲都不過不失，而人參雞湯好足料，不咸，就算雞胸都唔會鞋而韓燒點可以冇啤酒，叫咗枝OB，夠麥味最有驚喜竟然係個甜品雪花冰，芒果夠甜，d味一d都唔假，紅豆味仲正，紅豆夠淋，杏仁片香脆，加埋黃豆粉同冰冰夠哂正，唯美中不足就係冇mochi係入面