茶東西

营业中

休息中

恢復晚市堂食嘅第一晚 當然要捧場一下 周街都好熱鬧🤣偶然發現到原來炮台山呢頭都幾多野食 呢晚就去咗呢間門店好光亮嘅cafe/茶餐廳?🤔佢嘅裝修環境好似cafe咁 簡潔光鮮 有啲掛牆發光波波 又有漫畫牆 都係一啲關於心態嘅故事 去到可以睇下😚😚 🐟啤酒炸魚薯條 💰88配 海鹽炸薯條 配 南瓜湯兩大塊魚柳炸得好香脆 入面軟腍唔會好乾嚡 配菜仲有沙律同薯條 但跟餐本身都有一份 變相就會有兩份薯條😂 🍝泰式冬蔭功軟殼蟹意粉 💰98其實見人哋好似推介食卡邦尼意粉 但見到呢到有冬蔭功意粉咁特別又想試下😆意粉份量都幾多 偏硬身 好有冬蔭功味 有少少辣 意粉入面有肉碎 三色椒 蘆筍 味道唔錯😋軟殼蟹好大隻 幾香脆 側面睇好似隻烤雞咁😂 🥤話梅柚子蜜糖梳打 💰38有柚子蜜再加三粒話梅 味道酸酸甜甜 清涼之選😚🔎Instagram: tracy_fooddiary

今次係第二次嚟食，因為上次見到有人叫扒餐，望到好大份所以想試吓🤩我叫左個燒豬扒拼司華力腸伴菠蘿莎莎同泰式冬陰功軟殼蟹意粉扒餐附送餐湯和炸薯條🍟餐湯係蕃茄濃湯🍅，望落去顏色似甘筍🥕，不過飲落又係濃郁嘅蕃茄湯味，味道香濃，濃稠度適中；🍟炸薯條香脆，食落燙口，分量非常多，唔似跟餐附送，分量係多到好似另外order咁😝🐷豬扒拼司華力腸伴菠蘿莎莎🍍上碟嘅時候真係嚇親我，份量多到似2人餐，司華力腸好大條，加咗蜜糖燒到外皮香脆；塊豬扒超厚身，仲大過我塊面😂，豬扒都燒到好香，肉質軟熟juicy，美中不足係欠醬汁，如果加返個燒汁就非常好；配菜仲有個薯蓉同蔬菜炸天婦羅，薯蓉本身都夠味不過如果再加返個黑椒汁就更惹味；🍍菠蘿莎莎有啲說菠蘿同紅石榴子，酸酸甜甜好開胃，最適合平衡返肉嘅油膩感🦀泰式冬陰功軟殼蟹意粉🍝泰式冬陰功醬汁混合西式意粉煮法創新得來非常夾，酸酸辣辣好開胃好惹味，原隻炸軟殼蟹冇上次食咁香脆，不過粉漿厚度有改善，食起嚟冇咁油🥝 奇異果冷泡高山烏龍🍹奇異果汁酸甜開胃，不過完全蓋過左烏龍茶嘅茶味，估計係因為冷泡茶係即製的，不過冷泡到時間未夠所以出唔到茶味總括嚟講，食物質素高，份量大，性價比强，服務態度

今日嚟北角食晚餐，電氣道近AIA呢邊開咗一間白色裝修主題嘅西餐廳，晚餐都係$55起，見幾抵食就試吓啦。裝修簡約，入面都坐得幾舒服，仲要唔使加一服務費。照燒雞扒火山烏冬🍜呢個石頭鍋烏冬有四種湯底可以揀：大阪黑蒜豚骨湯；超濃蕃茄味增湯；北海道咖喱湯；黑松露菇菌豚骨湯。我就揀咗黑松露湯底，個湯底好清好香黑松露味😋，烏冬爽口彈牙，配菜都幾多，有豆芽，粟米，魚片同菇等等。雞扒係分開上的，上來嘅時候真係嚇親，真係好厚好大塊😍，有個成隻手咁大，外皮加咗芝麻同黑椒加埋照燒汁燒到好香，內裏肉汁Juicy，真係值回票價😆泰式冬陰功軟殼蟹意粉🍝呢個泰式冬陰功醬汁混合西式意粉煮法好創新，意想不到咁好食，意粉軟硬適中，冬陰功醬汁酸酸辣辣好開胃😝，除咗原隻炸軟殼蟹，意粉裏面仲有絲絲嘅蟹肉，軟殼蟹係即炸既，外皮好香脆，不過粉漿略嫌厚咗啲啲，食起嚟嘅時候比較油熱情果冷泡高山烏龍🍹酸酸甜甜好開胃，不過熱情果味比較濃，蓋過咗烏龍茶嘅茶香玫瑰花茶🍵：有淡淡的玫瑰花味，茶香都唔錯