芭堤雅小廚

营业中

休息中

難得紅日放假，於是決定去大尾篤郊遊踩單車，踩完單車後路過見有不少茶座及特式餐廳，最終決定揀呢間叫Pataya既茶座。門面非常有泰國風味，似足泰國有晒四面彿門口呢個係假日專用餐牌呢間茶座有分露天及室內，露天沒有冷氣都無野睇，所以建議坐入面，有冷氣又有泰式風味我太太點左最 穩陣嘅泰式金邊粉，基本上應該冇一間泰式餐廳唔識煮，唔會太差! 太太話算好味，但有點太硬好頂胃我自己就點咗青咖哩雞絲炒飯，唔係好明點解啲飯上面有一塊炸嘢，入面有啲葉形嘅物體，食咗成塊都唔知係咩! 呢個炒飯比較硬，雞絲少，味道中規中矩 ，算係有少少辣，唔食得辣嘅人未必食到。朋友點了涼瓜魚柳飯 呢個飯有啲似fusion菜，不過我真係唔係太識欣賞，味道有啲奇怪最後呢間茶座門口有擺放單車嘅地方畀你踩單車嘅人擺放。總括而言呢間餐廳應該冇下次

是日係假期，一班朋友約出黎踏單車，由大圍踩到入黎大尾督，踩到攰啦，係時候搵個地方食個飯休息下。泰式炒金邊粉: 炒得乾身夠鑊氣，味道正宗，青檸味很出，味道酸酸甜甜，但係一D都唔辣，材料夠多，有魚蛋有芹菜，加上花生碎，惹味開胃。青咖哩雞絲炒飯: 咖哩醬加埋雞絲同飯一齊炒，味道特別，有鑊氣得黎又唔油，如果雞絲份量多返少少就更加好。除此之外，炒飯仲配埋生菜天婦羅，非常特別，從來唔知原來生菜都可以咁整。喇吵配雞絲: 喇沙個湯底幾好幾惹味，上桌時香噴噴，裡面有麵，有雞肉，有蛋，越食越開胃。

本來想燒烤，可惜我們沒有預先訂位，只能退而求其次吃泰國菜做晚餐。六時到達，無需等位；但吃至七時多，已看到有顧客在門外等候，生意頗旺。我們吃了～特色拼盆：分大($138)或小($98)，我們點的是小。款式尚可，但熱度不足，蕉葉雞非常老和乾，其他亦不出色。芭堤雅煎青蠔餅($58)：是夜最差的食物，極油！完全沒有蠔味，我們覺得蛋內那些是青口，而不是蠔呀！泰式炒金邊粉($58)：辣椒乾和蒜蓉碎放在碟邊，好像有點特色，但味道非常普通，與我在美食廣場吃過的無異。冬陰公湯($76)：是夜唯一要讚的食物！熱騰騰，不算辣，帶點酸味，十分開胃。湯內有蘑菇、蝦、蕃茄，材料充足，好味道！泰式沙爹串燒($58)：食物在同一時間蜂擁而上，當我們喝過冬陰公湯後，串燒已經不熱了。我們點了雞、豬、牛肉各兩串，肉質偏嚡，而且很乾，沙爹醬味道不夠濃。炒菜：我不喜歡蔬菜，所以沒有吃，朋友則認為比較油。珍多冰($24)：價錢偏貴，椰汁味濃。總結而言，Pataya 的食物質素一般，無需山長水遠到大尾督一試。另外碗筷洗得不夠乾淨，洗手間很不潔淨，衛生情況比巴士總站旁的公廁更糟，都令我大打折扣，試過一次便夠了。