Mint & Basil (鯉景灣)

营业中

休息中

三條女生日飯揀間有情調嘅先喺正海邊吹住海風食個靚din老細仲請我地食甜品😋——————————————三式串燒（🐷，🐮，🐔）用個石鍋燒網上賣相幾靚但我地掛住幫佢影沙龍到食嘅時候全部野都凍曬🙃三款都燒得焦香又軟腍 唔錯泰菜必食pad thai正不過有人話辣左啲可能我撈勻曬啲配料😂唔想太辣嘅要注意啦叫左個牛柳沙律個人覺得中伏🤣 唔係唔好食係因為成碟都西芹莞茜🙄但成餐飯最中意都係杯西瓜汁同甜品西瓜汁勁清甜又可以解膩個甜品睇menu果時都好想叫芋頭椰汁糕😍😍😍上面啲金絲原來係蛋絲夾埋舊糕食又幾得意咸咸甜甜咁加埋個靚海景 CP值都唔錯😌—————————————————❉ 蒜茸炒椰菜苗 $90❉ 串燒沙爹6串 $118❉ 泰式乾炒河 $118❉ 泰式炒金邊粉 $135❉ 泰式椰汁西米糕 $78

我同老公有時都會落鯉景灣海旁蘇豪東一帶食飯，貪環境舒服夠chill，望住海旁飲返杯野，食好東西，人生一樂也。當然，價錢唔算平易近人，不過來得就預左嫁喇。泰式燒豬頸肉，肉質鬆化，不過要沾醬汁食，咁樣味道會豐富d。由於唔係炭燒，香味差d。下次我會食返串燒，有個爐仔㷫住，又香又夠熱。軟殼蟹火紙卷，除左包住脆卜卜嘅炸軟殼蟹外，仲有蟹籽、紅蘿蔔、青瓜、生菜同牛油果，wasabi 味沙律醬有wasabi香味但唔會嗆鼻，同米紙卷非常夾，仲有少少食手卷嘅感覺。泰式炒金邊粉，炒得夠乾身，蝦仁大大隻肉質爽口，除左一般炒金邊粉會有嘅芽菜、菜圃、韭菜外，仲有切絲豆卜，口感、味道都相當豐富。飲埋杯mango blast，加左青瓜，好清新，咁又一個happy weekend ！