泰爽甜

营业中

休息中

抗疫中，尋找「泰國」真味。泰爽甜是位於街市二樓，舖位細細個。泰國人煮理，非常有風味！提提大家，一定要訂位。一坐低，就嚟碟蝦剌身。嘩！好爽甜！🦐身再凍啲就仲perfect!再嚟多碟燒豬頸肉。有冇攪錯呀！咁鬼嫩滑架！點停口呀！燒燒吓，連碟雞都上枱嘞！炭燒味好濃！非常、非常之好食😋 Highly recommend!三味脆魚，師傅起魚肉&骨去炸。我朋友連魚骨都清埋！可想美味之程度！食食吓，老板娘放低碟好似狗史的物體係我枱面。喜愛食辣的人，可以試吓。生菜包住舊狗史，把辣味提升不少！唔用生菜，原來係冇咁辣架！鹽燒魚，雖然魚味比較淡，但真係好滑！燒牛肉沙律🥗⋯⋯朋友叫了半生熟牛，但我唔鍾意食太生的牛肉。下次我會叫佢燒熟啲俾我😅到呢一刻，我已經好飽,但食物仲上緊！努力食啦！蝦膠包皮旦，原來都幾夾喎！粉絲扇貝，呢個真係停唔到口！粉絲炒得dry & 辣辣哋，又嘢味，底下的扇貝居然勁鮮甜甜品....泰國名菜一定是芒果糯米飯！超好食，點解？因為佢哋糯米飯唔係死實實囉！一定要試吓！

男友姐夫推介，今次係第一次來試，雖然地方有點細，但見有D熟客食得好高興。原來要訂位架，分6點同8點2輪，我地訂左8點慢慢食。飲品點左椰青，同酸酸甜甜既紫貝天葵。第一道係泰式三味炸魚，個造型真係唔講得笑，好功夫！廚師將條魚起晒肉，淨番排魚骨炸到 “脆卜卜” 仲打直棟係度，而魚塊就炸到外脆裡面啱啱熟，唔會太乾爭爭。配埋個少少辣的醬汁，正！跟住就係泰式燒雞半隻，隻雞燒得啱啱好，雞皮燒到有d燶、雞肉好嫩好juicy、好有BBQ風味！　咖哩炒蟹都唔錯，好香、唔太辣，仲可以餸飯或係order對面檔的印度烤餅，點d咖哩汁黎食好正。(個人黎講對蟹的喜好一般)！香蕉花沙律，口感好得意、爽口、有ｄ似 “牛榜”，高纖之選，唔洗成日淨係食柚子沙律同青木瓜沙律，可以試下ｄ唔同既野。甜品：芒果糯米飯，芒果普通、有少少酸，糯米飯唔硬軟軟咁；椰汁千層糕，yin yin un un咁，都ＯＫ！最後廚師仲炸左d虾片出黎比大家試，放係碟底的餐紙無沾到油，真係好功夫！已經約定下次再來喇！

泰爽甜係一間街巿樓上的熟食鋪。地方好細，唔係特別好坐。但勝在嘢食好好味，真令人令眼相看泰爽甜係正宗泰國人開的，每一道菜佢哋都好有心機去煮。泰式燒雞有一陣碳燒過的香味。一口香脆的雞皮，微微的泰式香料和泰式燒雞汁慢慢布滿口腔內，真的好好好味。鹽焼魚內stuff 咗一咋香料，外皮布滿鹽然後去焼的。食的是後會切開魚皮，只是食魚肉。魚肉內以收囇香料的精華和帶少少的咸味。