小曼谷泰國美食 (南角道)

营业中

休息中

同朋友去九龍城，梗系會食泰國嘢啦…今次試吓呢間小曼谷，價錢偏貴，味道就唔錯嘅…食物上菜嚟得都幾快，唔駛等太耐！反而今次我最推介係冬蔭功湯！雖然冬蔭功間間都差不多，但我個人認為呢個冬蔭功實在唔錯！佢味道較辣，唔太酸，入面有幾隻中蝦，雖然材料唔算太多，反而咁樣我覺得突出咗冬蔭功嘅味道！不過今次我哋嗌咗個泰式炒田雞，呢個就唔推介，因為好咸同埋炒得過火咗，變得乾身同硬…整體其實真係幾好嘅…侍應好有禮貌，即叫即到，唔會扮嘢避開睇唔到客人！

好開心，今晚去睇容祖兒X李克勤演唱會，睇完，啱啱同大少分開走，佢行去搭260X，我去搭我嘅地鐵，點知，我樓梯都未落，佢就打嚟話撞到朋友，去食宵夜，問我去唔去，當然……我知道一定係去呢間，因為我地呢幾個次次睇完演唱會都係去小曼谷XDXD正，吹水食吓嘢~去嗰時都成11點幾，飲飽食飽傾飽都已經成點鐘，我就好近，佢地要返屯門就巧遠囉~~~菠蘿冰 - 我本身對新鮮菠蘿敏感，但係真係唔知點解好鍾意去挑戰敏感，成日明知自己唔食得，都會照點，但係……菠蘿冰咁好飲，唔叫真係對唔住自己蒜蓉椰菜苗 - 因為朋友做完手術，唔能夠食太辣嘅嘢，所以我地就清清地叫個蒜蓉椰菜苗食，雖然清清地，但係都唔錯架~雖然都未係我食過最苗，但係炒得好香，不過我覺得可以淋多少少泰式生蝦 - 夠爽口彈牙，個靈魂 - 辣汁，我真係超鍾意，夠辣，酸度岩岩好，之後我重要嚟沾其他嘢食泰式串燒沙嗲 - 今次叫咗牛、雞、泰式臘腸，個臘腸真係好好味，唔會好似我地廣東臘腸咁鹹，燒到有少少燶更香雞同牛都OK，唔會好韌，因為出面有啲會燒到乾晒，好難咬泰式拼盤 - 有泰式魚餅、泰式蝦餅、春卷、香菜包雞，我最鐘意佢個蝦餅，好彈牙，用嚟配生蝦辣汁，勁正燒豬頸