水門雞飯 (蟾宮大廈)

营业中

休息中

今日同朋友約咗去銅鑼灣食飯，經過一間泰國菜餐廳。見佢下晏2點幾都仲咁多人係入面仲咁好生意，感覺應該唔錯！所以就走入去一探究竟。鋪頭入面夠晒明亮，乾淨企理。入到去已經聞到陣奶茶味同酸酸辣辣嘅香氣，鋪頭仲keep住播啲泰文歌添，成個感覺好似到左泰國當地咁 野食嘅選擇都好多好特別，有好幾款幾吸引嘅野都已經sold out, 有點可惜😢而個香辣鳳爪係每日限量嘅item，即刻叫咗黎食。雖然唔係話啖啖肉個種鳳爪，但食落都唔會話好骨感，加埋佢個香香辣辣嘅汁，成件事好野味，食到我個嘴唇都有啲麻麻辣辣嘅感覺，好 fresh 好正😋主食方面就叫左個水門雙拼炸雞飯，諗住可以一次過食晒佢兩種形式嘅雞。水門雞食落好滑好濕潤，唔會話雞皮好厚嘅感覺，食落口亦唔會感覺好肥膩。炸雞唔會太乾身，炸得好夠脆，外面層炸粉亦都唔會好厚，味道岩岩好。佢會配埋兩款醬分別俾你去點水門雞同炸雞，一款就辣辣酸酸比較濕嘅醬就用黎點水門雞，另一個就係有點類似甜酸醬嘅醬汁。我朋友就叫左個泰式豬手飯，皮同肉嘅比例啱啱好。成個豬手都鹵得好入味，咬落去好鬆軟，有少少入口即化嘅感覺。佢兩個主食都會跟左一碗黑淑蘿蔔湯。飲落口好清甜，後勁又有一種淡黑淑味

之前的茶餐廳轉咗買雞飯。沒有太大裝修，用不銹鋼枱櫈，方便打理。可能同一般泰國海南雞做法唔同，雞肉質雖然嫩，但唔夠滑，雞皮唔爽。送雞腎同鴨血，普普通通。豬手淋夠入味，豬皮滑、唔膩。個人覺得好食過雞。半隻雞、豬手飯都送咸咸哋少少辣的例湯似炸豬扒，有少少肥肉；不過炸得乾咗少少，要靠個醬汁濕潤返。這碟雞腳有深淺色，應該唔同時間制作，但味道差唔多，勝在夠淋，餸飯或酒都好。各款食物的質素唔太差，價錢合理，在銅鑼灣返工的人有多一個選擇😀

幫襯水門雞，但我通常都唔叫雞，而係食佢個泰式豬手飯。呢個泰式豬手，炆得勁稔，稔到豬皮豬肉一夾就分離，幾乎可以當兩樣餸食。尤其豬皮部分，軟滑起膠，肥而不膩，越食越想食，十足田中寧寧，係肥㗎，一般嚟講唔啱食，但試過之後不自覺回味。呢個泰式豬手，帶有少少辣味，對於我呢啲唔食得辣嘅人來講都可以接受。其實跟餐仲有一個醬汁，但個豬手本身已經好入味，再點醬嘅話有少少過猶不及。值得一提嘅係，呢間餐廳嘅飯，全部都係雞油蒸飯，唔使餸、齋食飯都好好味。👍🏾美中不足嘅係，每個餐都會跟一個胡椒味相當重嘅湯，呢個湯都幾唔錯，可惜每次都係得半碗，俾人感覺唔夠大器。