芭堤雅小廚

营业中

休息中

泰國真味道phad thai$78每次去泰國必食嘅phad thai 泰式炒金邊粉，香港好難食到咁足料嘅phad thai， 通常都hea你，少咁幾樣配料。呢間我真係好欣賞，除咗佢個賣相靚之外佢真係超好食， 完全係食返泰國嘅風味。 絕無hea底。 配粉如硬豆腐，花生碎絕對唔吝嗇。 有砂糖 on the side ，如果覺得唔夠辣呀，仲可以自己加啲辣椒粉。 芽菜好新鮮，咬落好爽脆。 韭菜都好多。 菜脯好食。金邊粉炒得啱啱好，唔會過淋或太硬。而且最perfect係佢個汁， 唔會濕糴糴 。個汁做到鹹、酸、甜，乜都有齊。再擠啲 lime juice 好清新， 可以去掉用油炒的肥膩感。我真心推介來呢度食呢個phad thai，因為真係好有誠意💕

難得假日就黎到沙田踩單車入大尾督（溫馨提示：如果想踩單車嘅朋友建議喺大尾督出發出返沙田，租單車錢會平好多，沙田去大尾督$100，大美督去沙田$40）。以前去親大尾督都係燒烤，今次就試吓新野食泰國餐廳。因為我哋好早就入座所以唔使等位，但後尾七點之後開始爆場，出邊仲有幾枱人要等。不過應該係因為假日所以先咁多人，所以如果大家想試嘅話，平日嚟應該會比較方便，假日仲會收加1服務費。呢間泰國餐廳嘅辣椒仔標準偏唔辣，即係有啲如果佢剩係得一條辣椒仔🌶，就真係一啲都唔辣。我哋嗌左個黃咖喱雞，佢食落去就好似葡汁咁樣，所以食得辣嘅朋友下次可以試吓多辣椒嘅菜式，例如青咖喱，記得要嗌返個薄餅。至於個冬陰功就味道正常，我自己鍾意偏酸嘅就會覺得佢唔夠酸，而辣度我諗都應該係得一條辣椒仔，啱晒唔可以食辣嘅人。個泰式拼盤最好食嘅就係嗰炸蝦餅，炸得好香口。春卷裏面係包住一啲粉絲，味道正常，不過好飽肚。嗰塊葉包住嘅係燒雞，炸得有少少乾身，不過味道可以嘅。至於個魚餅，我本人就覺得佢冇乜味，食落仲有少少腥，怕腥味嘅人要三思。成餐飯最好食最出色嘅係炒菜同泰式豬頸肉！馬拉盞通菜炒到啱啱好唔會過老，個汁又唔會太鹹唔會太辣，蒜蓉椰菜苗都

1.源起：與友踩完單車到大尾篤食dinner。附近多間燒烤及泰式餐廳。2.約8點到店，多有空枱。而至約9-10點多人始為熱鬧，應為附近居民食宵夜。3.第一次到大尾篤食野。確實多有驚喜。而廚房即叫即製，新鮮無比。第一。燒豬頸肉，皮脆肉嫩，人人搶食。比得上係泰國食。第2，海鮮菠蘿炒飯，菠蘿盛飯，材料豐富，有好多海鮮藏於飯中，確實佳作。第3，炒金邊粉，樣式設計可見心思，另配砂糖/辣椒粉陪碟。但我就未見過橙色金邊粉，整體覺得不過不失。第4，特叫薄餅佐咖哩！第5，燒雞。真正內脆外軟，火候十足。第6，咖啡豬。味濃色靚味香。第7，小食併盤，值得一試，啖啖蝦肉，樣樣新奇。認真唔錯。4整體：出色泰國菜，可比真正泰國食。踩完單車順路經過。但可以改善廁所衛生。