鮨一 (厚福街)

营业中

休息中

突然好想食高質素嘅日本料理🍣見到人氣千層海膽飯即刻要試吓！！！今次揀咗充滿日本風味樓上居酒屋淨係時令刺身推介都令你花多眼亂🐟🦐🦀仲有特色鍋物、串燒、炸物…好難揀！！！小妹又係全部都要😂😂😂🌟鮨一千層海膽飯（大）🌟小妹大力推介必食打卡Able海膽飯！除咗極鮮嘅千層海膽外，下面仲有一層厚厚吞拿魚蓉而且飯量唔算多，係真材實料👍🏻可惜嘅係食唔到佢升級版，好早已經售罄，想食嘅下次要盡早order🥹🥗海葡萄番茄沙律係香港日式餐廳唔係度度都有得食海葡萄，爽脆清新，加埋小蕃茄同埋沙律菜好開胃🦪相生波紋真蠔餐廳推介咗依款生蠔爽口脹卜卜，加埋柚子啫喱喺面好fresh啱晒夏天食🌀🐚活北寄貝魚刺身就成日都食，小妹就較鍾意食爽脆嘅貝類海鮮，揀咗時令活北寄貝，即叫即新鮮切片，偏偏片片都好大塊，鮮甜美味👏🏻🦀甲羅燒居酒屋必點甲羅燒，將鵪鶉蛋黃加入燒蟹膏攪拌，再配薄片多士，唔小心就一口氣食咗幾塊，好濃好惹味！！！🍶辣酒煮蜆一見到咁大隻蜆已經好驚喜，仲要每一隻都脹卜卜，湯底有少少偏辣，都幾刺激，又唔會掩蓋蜆肉嘅鮮味😋🐥明太子雞翼雖然已經好飽，俾明太子吸引忍唔住叫咗燒雞翼，有明太子夾喺雞翼中間，雞翼望落相當肥美，加埋小小

今日有朋友生日，知佢鍾意食日本野，所以一早book定佢公司附近厚福街12號既鮨一日本料理好卡娃依呢☺仲發現到佢左面樽梅，自家釀製架日本海葡萄蕃茄沙律 - $128海葡萄味道略帶點咸味，而且爽爽地既口感，配埋新鮮蕃茄，更加能夠帶出果種微酸微甜既清新感覺，即時食指大動呀薄切真名鰹魚 - $220真名鰹，又名真魚鰹，師傅刀功細膩，薄切功夫非常了得，晶瑩剔透既薄切，配以海膽柚子汁，味道甘甜鮮美而清雅，是食刺生的最佳開場。原隻日本活海膽 - $168海膽之前食開都係一板板咁上，今次呢個非常特別，前一秒仲識郁既海膽，下一秒就被切開一半上碟，果種鮮味非筆墨能夠形容黑鯥（4切）- $298黑鯥鮮味十足，嫩滑魚肉鮮甜肥美，魚皮被輕輕火灸過，增添左口感活北寄貝 - $248呢款亦都係新鮮即開既北寄貝，因為冇經過急凍冷藏，所以鮮甜味十足，口感亦爽華味鳥雞皮串 - $28/串雞皮本來係好油膩既食物，但經過左長時間既燒烤，雞油已經出晒黎，留低左既係極脆極香既雞皮華味鳥雞腎串 - $32/串雞既內臟本身我唔係太喜歡，但佢呢度呢款雞腎的確燒得唔錯自家製免治雞肉串 - $32/串免治雞肉好香滑，加埋自家製醬汁非常惹味

由讀書開始就好鐘意黎厚福街搵食，由地舖食到上樓上舖，有更加多選擇之餘又唔洗同人迫。之前都試過藍馬既幾間CAFE，今次就一於試日本料理！🎌鮨一屬中高價日本料理。壽司卷物、刺身變化多，價錢有平有貴。如果想食高質海鮮絕對係唔錯既選擇！店面唔算好大，除左有普通餐枱、VIP房，仲有有吧枱對住壽司師傅，好有日本小店風味。一邊食野一邊睇師傅表演刀功同手藝，幾特別。______________________________🔸鮨一沙律 $128比起一般頭盤既沙律，份量真係好多！除左沙律菜同整個蕃茄，仲有好多魚生。三文魚、劍魚、帶子、生熟蝦全部都係厚切粒粒，啖啖肉正啊！🔸日本真蠔 $88第一眼見到真係嚇左一跳，睇上網推介既相都無諗過咁巨型！大到成隻手掌咁！好誇張～蠔面有蔥同少少蘿蔔蓉。即Order即開生蠔，厚肉得黎鮮味十足啊！🔸活北寄貝 $248用返兩個貝殼上，好精緻。味道夠鮮，肉質肥厚，爽～點返d Wasabi做搭配，一絕！🔸銀雪魚 (4切) $148銀雪魚西京燒就食得多，銀雪魚刺身都係第一次食！肉質肥美，魚油好香，脂肪分配得好好。口感似Toro，一口咬落去簡直大滿足！🔸蜜柑鯛 $220第一次食蜜柑鯛

一場山竹風暴令到全港打工仔怨聲載道，當權者嘅過度迂腐，令事件明明可以做得更好都變得一塌胡塗，着實令人婉惜。既然環境改變唔到，唯有黎鮨一食餐好嘅補償下打完風都要趕返工嘅怨氣。日本真蠔。唔係講笑嘅SIZE，起碼有成隻手掌咁大，食都要分開兩啖！肉質飽滿鮮甜，因為夠厚肉食時滑溜又有適中咸味，奶香同金屬味均衡，好好味。特上錦繡刺身。刺身盤十分豐富有中拖羅／大海蝦／石垣貝／北寄貝／大帶子／深海池魚／油甘魚／馬糞海膽。中拖羅入口唔會即溶，有少少魚肉咬口，邊咀嚼邊滲出油香好滋味。帶子同海蝦都好爽滑鮮甜。同埋師傅保留左帶子嘅裙邊，脆爽嘅口感味道，一啲都唔比帶子肉遜色。加上活北寄貝嘅爽甜，正。池魚同油甘魚。厚切嘅做法最能體現出魚肉本身嘅甘香肥美，味道經過熟成令食落更覺濃郁。石垣貝。味道同赤貝有啲相似，但又相對無咁重。肉質結實最啱係沾上多點芥末及醬油，平衡返個味道。馬糞海膽。金黃色嘅海膽十分誘入，入口奶香幼滑慢慢溶化係口中嘅滋味，覺得返工咁辛苦食到咁正嘅野就乜都值得了。豚肉蒜芯串。幾香口同紮實，蒜芯爽脆配上豚肉嘅油香，唔錯。華味鳥雞心串。返工返到心血少，所以要以形補形。爽口雞心配上燒汁醬咸咸甜甜咁好惹味。華

我上司今朝終於收到升職信, 佢話點都要請我食返餐, 問我想食咩, 叫我搵定餐廳今朝係尖沙咀開完會去食。係尖沙咀Lunch我即刻諗起厚福街呢間鮨一, 剛開張時因為呢度嘅多層海膽丼黎, 之後每次過黎呢邊做野都會同同事過黎食, 因為Lunch set既豐富又抵食。👍我地開完會都未到12點, 行到12點正餐廳開門我地立刻上黎, 當時已經有其他客人等緊, 如果到繁忙時間肯定要排隊先有得食。原本我打算點返我平時經常揀果款lunch set, 不過上司話請我食梗係要散叫食好d, 咁我當然卻之不恭由佢發辦啦。😙今次我地因為早所以坐到係Bar枱，可能一邊欣賞師傅手藝，仲可以對住d新鮮食材開餐。鮨一沙律 $128鮨一呢款招牌沙律非常超值，沙律混有超多刺身，配上新鮮沙律菜加上香甜番茄，每一啖都食到刺魚嘅鮮甜，加上沙律嘅爽口感，非常醒胃，性價比極高。特上錦繡刺身(8款) $468餐廳揀選左8款時令空運刺身製成呢個特上錦繡刺身拼盤超豪華，當中仲有鮨一最出名嘅海膽，份量都相當多，口感creamy，超鮮美，其他空運直送嘅刺身都好鮮甜，呢個價錢絕對值得。海膽份量好多，兩個人share都超滿足。活北寄貝 $248店員推

今日係朋友嘅生日，當然要同佢食大餐慶祝喇❤我地揀左呢間好評多嘅日本餐廳，好彩有一早book定位，因為去到見到超級多人!!(我地係平日去)，大家去之前記得book位!呢個沙律材料非常豐富，有牡丹蝦、三文魚、油甘魚、八爪魚等材料，每一啖都可以食到魚生，而蕃茄亦都非常清甜，係開胃嘅好選擇。之前係日本試過針魚，而係香港就好少地方有得食，見到呢度有就當然要叫喇!針魚食落属於味道較淡嘅魚生，唔會有好突出嘅味道，但慢慢咀嚼就會食到佢嘅鮮美。我對北寄貝嘅印象只係停留係平時放題食到嘅果重魚生，但原來原隻嘅北寄貝係咁好食!師傅細心咁將北寄貝嘅唔同部分分開，食落有唔唔嘅口感同鮮味。我不嬲都非常鍾意食天婦羅，而呢度嘅天婦羅亦都非常出色。針錦天婦羅有三隻蝦、青椒、冬菇、茄子同南瓜，岩岩炸好嘅天婦羅非常香脆，外層唔算太厚，淡淡嘅海鹽味配合埋新鮮嘅食材真係好正.。呢個豚肉露荀卷亦都非常之唔錯，外層嘅豚肉燒得非常香脆，入面露荀嘅甘甜味中和左豚肉嘅膩感，再加埋少少檸檬汁，非常容易入口。呢個煮牛舌係必點!!真係好好食首先牛舌嘅分量非常之多，師傅將牛吞嘅生熟度控制得剛剛好，唔會太硬亦唔會太淰，保留到牛舌本身爽口嘅質感。 牛

朋友升職加薪，同佢要慶祝下，佢話想黎食鮨一好耐， 我就負責book 枱由於我地book左枱，可以即刻入坐黎到發覺餐廳唔係好大，如果無book，真係唔知要等幾耐侍應安排左我地坐bar 枱，好開心，可以望住師傅準備食物睇過餐牌，發現有幾多冷門同地道日本佐酒小食，例如酒盜芝士，螢光魷魚，魔鬼魚翅，魚肝，白子等，但我地對季節限定比較有興趣看到另一位師傅處理緊d海產，我見到有喜知次，係日本空運直送我啱啱幾個月前係北海道食過Kinki喜知次，真係好懷念，而朋友未食過， 見價錢唔係比日本貴好多，朋友都同意要試下，所以要左一條鹽燒喜知次，估唔到咁快我又可以再食到喜知次另外要左2款刺身，粒貝&活北寄貝由於叫左3樣野都要等，所以叫左個鮨一沙律，邊食邊等鮨一沙律，顏色豐富，以新鮮魚生粒加沙律菜，日本蕃茄，同勁多蟹籽，新鮮度滿分粒貝刺身，質感有光澤，鮮甜爽口，口感實在，加少少醬汁更有提鮮作用見到原個海螺伴碟，先知原來係咁大個活北寄貝刺身，係香港第一次食到生既，平時食既橙色已經熟既北寄貝，好多都無哂鮮甜味相反，活北寄貝，即劏即食，肥大肉厚，口感彈嫩甘香鍾意食海產既，真係唔可以錯過喜知次，屬於日本高檔魚，亦唔係係

上次晌銅鑼灣嘅「鉄人旨花」食過一次「廚師發辧」，確喺一次難忘體驗；最近，嚟到尖沙咀嘅「鮨一」，品嚐當造時令嘅魚生，亦喺一次難忘體驗，皆因睇住師傅切魚生、擺盤，已喺一種視覺享受。位處藍馬商業大廈18樓嘅「鮨一」，地方唔大，裝修主要喺日系淺木色嘅慣常配搭，表現出親民、暖和嘅感覺。記得訂枱就最穩陣，我哋都嚟得早，眼見已經坐滿晒。我哋訂枱時已要求坐晌吧位，既可欣賞師傅做菜，佢哋個嘅位枱面又比較深長。餐廳內嘅花巧嘅裝飾唔太多，較得意就喺吧位一角放置一大籃新鮮日本蕃茄、迷你招財貓、小型日本郵筒及狸貓仔。翻一轉餐牌，選擇多多，由佐酒小食、沙律、刺身、壽司、手卷、卷物、串燒、爐端燒、一品料理、揚物、炒飯、茶漬飯、冷麵、湯品、啤酒、清酒及汽水、梳打……等等，如居酒屋般應有盡有。而亮點嘅千層海膽飯就額外另一張餐牌列印出嚟，當日所見，為打卡又好，呃讚又好，抑或真正享受海膽嘅豐腴又好，確喺有唔少客人落單，我哋坐晌吧位，睇住師傅密密手唔停咁做。鮨一沙律 $128今次我哋主要目標喺刺身，所以，海膽飯就無刻意去試。先上場喺鎮店沙律，其實喺以魚生做底，內有好多魚生角切、八爪魚，再加埋蟹籽、沙律菜、日本蕃茄，所以，入口