金鶴拉麵 (蜆殼街)

营业中

休息中

依間日式拉麵店香港有幾間分店今日見有時間就排下隊入去食餐牌主打招牌係佢地嘅雞肉湯拉麵入裡有鮮炸脆左嘅牛蒡同半隻溏心蛋溏心蛋煮得岩岩好唔過老蛋味都好出而個湯非常濃郁 第一次食用雞湯底味拉麵同我想像中好多油 似中湯咁嘅好唔一樣反而係奶白色 應該熬左好耐先有咁出色雞肉同叉燒以慢煮方法烹調所以同一般嘅肉質感好唔同餐廳有好多限定限量菜式我地決定食鰻魚飯師傅每日新鮮處理包括去魚骨 燒 加埋秘制燒汁去煮 一手包辦好幸運今日仲未售罄可以食到魚肉爽彈 接近3cm厚 雖然價錢唔算抵食但要係香港品嚐到咁正宗嘅日本鰻魚飯真係好罕有鍾意鰻魚嘅你要品嚐下

Book mark左呢間拉麵店好耐，一直都好想試，因為朋友鍾意食拉麵，我又喜歡食鰻魚飯😋店舖細細，設計十分日式拉麵小店feel，但我地坐左旁邊，十分舒適。極濃雞白湯拉麵🍜一上枱立即試左啖湯，顏色奶黃白色，湯頭超濃郁，入口每滴都係精華，而且口感好有膠質，滿足埋女仔美顏膠原既需要🤭一上枱店員就提我地要食左炸牛蒡先，牛蒡又薄又香脆，浸左湯既就掛湯一齊食。拉麵重有雞肉、豚肉叉燒，雞肉比較似雞胸肉，但因為慢煮所以好滑。而豚肉叉燒肥瘦均勻，好食。麵身質地適中，而且麵條係易掛湯，所以每一啖都好正。最後重點係隻溏心蛋，讚👍🏻活燒蒲燒鰻魚飯熱辣辣既即燒鰻魚，鰻魚好厚肉，而且廚師燒到外皮脆身，而肉質彈牙，有咬口，而鰻魚汁入晒肉，又落晒飯度，個飯都係精華所在🤤成個set重有個海帶湯、芥末八爪魚小食，又開胃又可以中和一下！下次再經開，都可以外賣自取，濃湯雞白湯太讚啦😋

得知晚上六時後外賣自取可享有八折優惠，下班便到附近的分店購買。任何消費更可透過成為會員於金鶴拉麵APP儲分換食品。外賣的包裝好妥當，部份更可直接用微波爐加熱。活燒蒲燒鰻魚飯 - $238除了招牌的拉麵外，鰻魚飯同樣出色。用上足足兩公斤的頂級鰻魚，由本店内生劏及生燒，故等候時間有點長；火候控制得很好，沒有燒焦但有炭烤的香味；鰻魚肉身好厚，厚得像鋸扒般，每一口也外脆肉嫩，略帶丁點細刺，也可以吞嚥，再塗滿那蒲燒醬鹹中帶甜，配軟硬適中的白飯，實在太美味；更附上小食芥末八爪魚，爽口又有刺激感，好開胃。黑椒燒牛舌串 - $68三大塊肉厚的牛舌，軟嫩得來又略帶煙韌感，充滿牛肉味和肉汁，黑椒的微辣更添刺激感。

之前食過金鶴嘅另外一間，其實一直都念念不忘，咁岩喺附近搵食，見到佢喺炮台山原來有分店，就二話不說，重溫呢一個日式美味。活燒蒲燒鰻魚飯 其實上次已經好想試，但覺得要試招牌先，所以點左拉麵，今次我終於試到呢個飯啦。飯配有芥末魷魚同清湯。 一打開飯盒，一大整塊鰻魚，燒好舖喺飯面頭，淨係見到已經覺得好滿足鰻魚塊的邊邊角角燒得有少少燶，燒得非常之啱好，幾香口。佢地既鰻魚真係好厚身！感覺一舊係市面普通三舊咁厚！真係好肥美～同埋咬落唔會軟淋淋，肉質幾實浄，唔會散，邊邊又有少少燶，恰到好處，真係好好味！同埋第一次食咁厚身既鰻魚！雞白湯拉麵朋友就試咗招牌拉麵，係我推介佢嘅。佢一試個湯，都覺得非常驚艷，雞味濃郁又醇滑。佢都係第一次試到雞湯拉麵。上次試過之後，真係有俾雞湯驚艷，依家水準依然保持得好好。呢個湯真係好濃厚，但係完全唔會覺得黏口。除咗湯底之外，佢對上面嘅牛蒡天婦羅都充滿好奇。由一整條牛蒡炸成嘅天婦羅，又薄又脆，一上枱要即刻食先，如果唔係就會浸淋左。慢煮嘅雞肉，真係好嫩滑，完全唔會覺得鞋。再食金鶴，依然覺得好高質，各位識食之人，值得一試

之前試過土瓜灣個間分店，覺得佢d食物都幾高質，最近經過炮台山見到呢度又開左分店，諗都冇諗就行左入去食。.比起土瓜灣分店，呢間分店的座位比較少，但反而我覺我更有日式小店的風味。.呢間餐廳鰻魚飯是必食的。所有鰻魚飯都係即造，但呢20分鐘係絕對值得等待。食鰻魚飯最驚餐廳企圖用好濃味的燒汁蓋過唔新鮮的鰻魚。但我食過第二次，覺得呢間的鰻魚鮮味十足，同一般的雪藏鰻魚完全係兩會事。😍肉質鮮嫩，而且魚肉有一定厚度，鋪滿白飯的面，分量絕不吝嗇！採用左日本七星米做白飯底，魚同飯都好高質！夠膽講我絕對會食第三次！.店內都有數款湯底的拉麵選擇，今次揀左黑蒜味，比起上次的雞白湯較咸香，我鍾意食拉麵飲少少湯，佢個湯底又唔會咸到飲唔落又或者飲完好口渴。配菜慢煮赤雞同叉燒口感軟嫩，仲有我最愛的半熟溏心蛋，吸收埋黑蒜湯底仲正😋..小食雞泡魚乾配埋沙律醬好難會唔好食🤤我今次去到日本餐廳都必點的小食，呢間的魚乾唔會燒到好乾，口感咬落較軟，好岩d唔鍾意咬到牙軟的朋友。