新記雞粥 (鴻禧大廈)

营业中

休息中

上個禮拜約定咗班中同食飯，竟然有人提議食粥去到發現舖面原來都唔係好古舊既，幾乾淨企理👌🏻 大家收咗工都勁肚餓，所以坐底即刻叫野食😋正！個海哲好快就到，個汁酸酸地食完仲開胃咗好彩其他野食都陸續送到朋友之前黎過話一定要再叫呢個炸鯪魚球，我終於明點解🤩粒粒都炸到勁大粒勁香脆真係冇介紹錯，不過個汁就略微咸咗少少。呢個腸粉就好似普通咗少少，不過啲XO醬就即刻令佢成個味提升咗😯一上枱大家都有少少疑惑呢碟係咩黎🤨 因為佢同平時係X哥到食個啲蒜泥白肉完全唔同樣😂肉質好爽不過味道就淡咗些少。魷魚鬚超級鬆脆，唔會咬唔開，最緊要就係唔會好似其他地方咬落啖啖都係得粉👍🏻食豉油皇炒麵最怕就係油！但係呢到炒到好乾身好香，味道一流☺️不過不得不介紹既就係呢隻乳鴿！！！真心正！個皮超脆，咬落去乳鴿既油香即刻出哂黎🤩食粥店又點少得個粥呢，我地叫咗個海鮮粥，粥底超綿，就咁睇都睇得出好足料！可惜就係海鮮味出唔到黎，有種以為自己食緊白粥既感覺呢😕

開到黎旺角嘅元朗新記雞粥，除左粥品之外，亦都有好多好多小菜可供選擇。店內冷氣充足，坐得舒適。Order咗一碗招牌雞粥，四樣小食，同埋兩杯嘢飲。阿姐見我哋order得一碗粥，即主動提供碗仔兩隻，非常細心等咗一陣就有嘢食喇。海哲手撕雞 $42海哲冰涼爽脆，手撕雞肉亦細嫩。作為炎夏的開胃前菜，非常唔錯！左：七喜話梅柑桔冰 $21右：七喜龍眼冰 $21七喜話梅柑桔冰甜酸交雜，大大杯冰涼透心。七喜話梅柑桔冰加入了少量薄荷，令賣相更具特色。兩杯飲品都幾好味！紅燒乳鴿 $51乳鴿上色均勻，炸至皮脆肉嫩，鴿身鎖住了油份，入口時充滿油香，真係非常惹味！酥炸魷魚鬚 $42炸至金黃色的魷魚鬚，既香口又惹味。然後阿姐主動提供了一些淮鹽，點上淮鹽之後，整體味道和香味更得以提升，阿姐果然冇介紹錯，正！炸蒜蓉雞翼尖 $24雞翼尖炸至熟透，旁邊奶白色的蒜蓉汁帶微酸，整體不過不失。貴妃雞粥 $48雞粥以煲仔上，粥底被雞的油份染至偏黃。粥底入口綿身，充滿了雞油的香氣。煲過的雞肉亦不會鞋，而且味道十足，非常滿足的一餐。

去旺角扒過快飯，要質素有保證價錢相宜，梗係要揾老字號。新記由元朗開到筲箕灣再開到旺角，越做越旺，當然有其原因。今日終於約左friend 去嘗新。餐廳面積唔算大，繁忙時間要預左人多，但食物種類多是餐廳致勝之處。海哲手撕雞先叫了海哲手撕雞，海哲夠爽，醬汁少少酸勁開胃，是一道不錯的開胃前菜XO醬滑蛋叉燒飯XO醬滑蛋叉燒飯 - - 滑蛋夠嫩滑，而且份量多，勁好下飯，XO醬正好吊味，讓快食不會太單調。而且碟飯極大碟，大男人黎食肯定夠飽！如果叉燒能夠再甜一些就prefect了！紅燒元朗乳鴿紅燒元朗乳鴿，肉質爽得黎又嫩滑，風乾之後有單先即叫即炸，層皮夠脆，肉嫩又多汁。貴妃雞粥黎新記當然要食佢最出名的貴妃雞粥，粥煲得軟綿當然不在話下，最重要係雞味勁濃，綿粥的質地配濃雞湯，超入味。而雞肉嫩滑當然無得彈。蝦腸貴妃雞粥午餐套餐可以加配腸粉炒麵炸兩等等，我地揀左蝦腸，腸粉即叫即拉，蝦夠大隻，腸粉厚度適中又有米香。炸鯪魚球最後不得不提的當然是鮮炸鯪魚球，用新鮮鯪魚肉打成，粒粒炸到脆卜卜勁飽滿，香口又彈牙！泰式青檸冰及七喜話梅甘桔冰飲品最後叫了泰式青檸冰及七喜話梅甘桔冰，消暑解熱之餘又不過甜，比出面街珍珠奶茶解暑