戀 (太子集團中心) (已結業)

放工同幾位閨密去尖沙咀行街買衫👩‍👩‍👧‍👧有位閨密就提議食日本菜，於是我哋揾咗間喺太子集團中心嘅日本菜，食物款式包羅萬有，大家都啱食！牛油果吞拿魚沙律 $158————————————看似簡單，但真係開胃又健康又好食！牛油果熟咗唔會係硬嘅🥑吞拿魚冇筋，特別在加埋芝士粒🧀有沙律菜同蕃茄仔就基本啦🥗日式醬油和牛炒麵 $128————————————洋蔥🧅嘅香氣實在太正，醬油炒得唔會太鹹，加埋少許菇嘅香味，令個炒麵更加豐富，和牛粒同炒麵都好夾，醬油入晒味。海老野菜天婦羅拼盤 $168————————————好多件天婦羅呀！仲要大大件🍤首先兩隻海老真係勁大隻，蝦肉都新鮮，炸皮唔會太厚，拼盤有我最鍾意嘅南瓜天婦羅，太好啦😆月見照燒免治雞肉棒(2串) $68————————————點咗數款串燒🍢依個免治雞肉棒真係正😋配上橙黃生蛋黃，免治雞肉有綿綿嘅口感，入邊有少少脆骨，沾上生蛋黃食更有順滑嘅感覺。開心嘅相聚👩‍👩‍👧‍👧希望下次再約啦！

帶左兩老去尖沙咀一間新新地嘅居酒屋食lunch, 餐廳主打日式串燒、各款燒海鮮同埋燒肉料理，而家仲做緊新張優惠五重奏🤩我都係見到餐廳fb page同openrice先知😜野食方面，我地叫左3個lunch set再加左d散叫share食~嚟到居酒屋就梗係要叫返d串燒，我地揀左個串燒四式拼盤，有厚切牛舌、 厚切安格斯牛、五花荔枝肉、汁燒雞翼，我自己最like牛舌，好香牛味同好爽口；五花荔枝肉燒完之後唔會肥膩，變得香口👍 跟餐配左個燒飯糰，表面燒得幾香脆，用紫菜包住食夠晒風味😋爸爸想食壽司於是就叫左個特上壽司拼盤，有12件好豐富，帶子好鮮甜，三文魚肥美，炸蝦牛油果卷食落口感有層次🥰另外散叫左兩件鰻魚壽司，鰻魚好驚食到碎骨，但佢整得好好，食唔到碎骨，加分🤩見到網上都多人推介日式醬油和牛炒飯，用左珍珠米炒，飯粒分明，口感彈牙，和牛粒都足料，調味做到唔錯😜 我地仲散叫左個海老野菜天婦羅拼盤，隻蝦都幾大隻同爽口，南瓜幾甜，share食唔錯！跟餐甜品係紅豆奶凍，超級嫩滑🤤飲品方面，荔枝藍蝶花梳打幾靚，飲落荔枝味幾出，配串燒飲好正😻另外冷泡荔枝紅茶同烏龍茶都唔錯，可以解膩！