Dim Sum Library

营业中

休息中

約咗朋友嚟呢度，都係諗住佢個名叫Library 應該好多點心可以揀，仲滿心歡喜添現場環境係偏暗，見佢個名都估係serve 外國人多架啦，加上現場有吧枱同高櫈，好明顯啦。見到咁仲期望有好特色的點心啦點知坐底咗，睇住個menu，我同朋友的反應都係一樣，得咁少款點心可以揀，成本menu大約十版，點心好似只亦一版半，其他都係小菜，再唔係就drink menu、wine list 。心諗，唔係呀，咁都叫library 。 確實個menu令我失望，咁我地都照叫點心啦。講真服務同招呼確實係好，基本上有求必應；點心味道都好，唯獨個手撕雞腸粉真心覺得唔得，最好食係黑椒和牛酥，堅酥脆，又夠黑椒味，買相都唔差。不過如果有下次，可能要中午去，睇下係唔係會多d點心俾我揀。

預先訂位的，訂左6:45，落雨天方便，金鐘地鐵站出F出口，好快就到！叫左幾個點心、魚烏冬，櫻花蝦炒飯！上菜速度都快，全部都好食，但沒什麼驚喜之作！多人就可以叫多幾樣試吓，一般係一份3件，貼心地仲可以叫店員幫手落單時多叫幾件，唔洗爭，個個都可以試吓！👍

老板係一個好喜歡食野,所以佢一話請食飯，真係好開心，因為又可以食好野。 今次我地去左金鍾dim sum library。 嘩，好滿丫，等左好耐都只係坐到bar 枱。 叫左4款點心同擔擔麵。 個和牛芋角超好味！叫左個海膽春卷，我因為唔食海膽所以唔識欣賞，不過老板話good。大蒜燒賣，可以。埋單2個人＄5xx。