八幡屋涮涮鍋

营业中

休息中

旺角有好多間日式涮涮鍋放題店，今日就來了位於瓊華中心12樓的「八幡屋涮涮鍋」，任食套餐按牛肉產地及種類，設定價位及時限，自助食品區有多款涮涮鍋配料及甜品，口味十分多元化。🔺D4：生蠔刺身海鮮火鍋之盛宴｜$898/位讚好社交平台專頁可享半價優惠，可以食240分鐘，十分抵食原價 $898+10%，半價後每位收費：$539套餐包任食日本A4黑毛和牛、生蠔、刺身、壽司、海鮮、燒物、揚物、自助吧及清酒任飲。🔸日本A4黑毛和牛可以任食岩手縣日本A4黑毛和牛，口感柔軟，油花細膩 。另外還可以點澳洲M5和牛、美國進口牛肉、牛肩胛、豚腩片、黑豚肉等，全部都好吸引，啱晒我這個牛魔王。-🔸生蠔、刺身生蠔是來自韓國的，蠔身賬卜卜。任食刺身有三文魚、馬刀貝、赤貝、赤蝦、 珍寶帶子、吞拿魚、希靈魚、劍魚腩、鮑片，全部都好新鮮-🔸海鮮海鮮有鮑魚、海蝦、帆立貝、蟶子、海蜆、黃金螺 。全部都是任食，真是可以回本-🔸炸物炸物有不同種類的天婦羅，炸蝦、 炸金菇、炸春卷等等-🔸燒物燒物有燒牛柳、多春魚、蒜香雞中翼、焦糖菠蘿等-🔸自助吧大量不同火鍋配料，有不同種類的蔬菜，丸類、菇菌、麵類-🔸甜品甜品、雪條及雪糕等

打邊爐係一連四季都岩食嘅活動黎😆最近去到旺角呢間"八幡屋涮涮鍋"，見佢做緊半價任食4小時就試下，仲有自助吧/ Asahi啤酒/ 清酒任飲!😍餐廳主打日式放題，我叫咗個D4餐係"A4日本和牛生蠔盛宴"，先黎頭盤有生蠔+刺身+海鮮，生蠔幾鮮甜肥美，刺身有大隻赤蝦、 珍寶帶子、吞拿魚等，而海鮮種類都好多，可以任食鮑魚、蜆、海蝦、帆立貝、蟶子等，食落幾鮮味~黎到重點邊爐就揀咗豬骨湯底， 有得任食來自日本岩手縣嘅A4黑毛和牛， 口感柔軟!😋另外仲有黑豚肉、豚腩片、牛肩胛等選擇，自助吧仲有少量熟食， 同埋火鍋丸類、雞肉、蔬菜雜菌、麵類等~其他小食就叫咗天婦羅系列，例如炸蝦、 金菇肥牛卷、網絲春捲等炸物，仲有唔少燒物例如焦糖菠蘿、汁燒菇牛卷~最後仲試咗唔少甜品同埋雪糕，可以任食Haagen Dazs 杯裝雪糕，食到捧住個肚走!☺️

旺角瓊華中心都有好幾間火鍋放題，今次同朋友book位再嚟食「八幡屋涮涮鍋 」，皆因我哋想任飲任食打邊爐嘅同時，又可以勁食刺身放題，呢度就可以一個價錢滿足晒兩個願望。餐廳環境整潔寬敞，大部份都係獨立卡座，而且仲可以坐到六至八人，啱晒大班朋友一齊食。我哋用QR code落單，自助區款式種類多。店員效率高，refill、上菜同執枱都好快。今次我哋揀咗D4餐日本和牛生蠔盛宴，食足四個鐘，最緊要係like 社交平台專頁就可以半價食到，即係$449/1位，再加一，勁抵食！❁ 湯底入座前有九款湯底可以選擇：骨膠原豬骨湯、昆布清湯、壽喜燒、沙嗲湯、冬瓜薏米湯⋯⋯我哋就揀咗辛辣泡菜湯，有泡菜嘅辛辣香氣，但並唔算辣，好惹味開胃。► QR code落單❁ 刺身一坐低率先點轉刺身先，有成十四款刺身選擇，三文魚、赤蝦、劍魚腩、吞拿魚、赤貝⋯⋯樣樣鮮甜，尤其甜蝦同帶子，叫咗幾轉。最正係可以任食生蠔，啱晒我呢個生蠔怪，係日本蠔，size都唔細，鮮甜飽滿，係無限追加，食咗勁多轉。❁ 肉類重點嚟喇！日本黑毛和牛A4都係無限追加，一碟就有兩款部位，一款油脂似雪花分佈，入口柔軟有即化嘅口感。另一款脂肪比例多，入口油脂感覺濃

舊年食過一次，點知俾我見到呢間OpenRice 做平日買一送一食3個鐘😋即帶大胃王細佬黎食😋照樣一開波俾定海鮮火鍋料、刺身、牛肉豬肉各一碟你食住先，然後再掃佢個QRcode慢慢落order.蠔、蟶子、蜆、元貝都係好鮮味處理得好好無沙石，我同細佬係咁再落，湯底揀左冬瓜薏米同壽喜燒，清清地淥海鮮食最滋味😋😋炸物都不容忽視，炸餃子同炸芋泥球都超水準，仲會配有天婦羅汁俾你，食得出係現炸既炸物，絕對係驚喜之作。甜品都係大路野，應該都係外判俾出面供應，但個抹茶雪糕係一絕！好好味😋茶味濃又唔會太甜！

朋友想食火鍋放題， 提議到八幡屋涮涮鍋， 位於旺角， 地點非常方便。之前食過幾次質素都不錯， 星期一晚上都座無虛席。今次決定食日本黑毛和牛套餐🗒️，加壽喜燒湯底🍲， 坐低不久店員為我們送上第一轉的海鮮🦐、刺身🐟和火鍋🥩配料，然後可以用QR Code📱落單或自助吧檯任選食物。食物種類有牛🥩、豚肉🥓、 海鮮🦐🦑、丸類🧆、天婦羅🍤、日式燒物🍢、蔬菜🥗、刺身🦐🦑，壽司🍣、甜品🍮、雪糕🧁和飲品🥤。日本和牛和澳洲M5和牛🥩，兩者的牛味濃郁，口感軟腍😋。黑豚肉薄切🥓，好容易熟，細嫩口感。 海鮮類最喜歡蝦🦐， 鮮甜美味。 炸物就推介紫番薯天婦羅， 脆口好味。串燒類喜歡麻吉燒🍢， 口感煙韌。 甜品有款雪糕和雪條， 我當然吃榴槤雪條， 又香又好味🤤。性價比高的涮涮鍋放題，有梅酒🥃和清酒🍶任飲，滿足的一餐🥰 。

通常一大班人出嚟食飯最方便就係打邊爐見到呢間涮涮鍋嘅M5和牛刺身海鮮火煱套餐星期一至四全日買一送一而星期五六日晚市優惠二人同行一人半價睇落幾吸引就一於試下記住事前wtsapp餐廳拎定優惠訂定位湯底選擇都多，最後揀左個鴛鴦鍋有壽喜燒同冬瓜薏米湯澳洲M5和牛同牛肩胛嘅肉味濃厚薄啱啱好，煮幾下好快熟除左牛肉仲可以叫黑豚肉同豚腩片，肉質唔錯刺身同海鮮款式選擇多，質素都高，有驚喜火鍋配料除左可以用電話scan code落單出面都有得拎蔬菜、熟食、丸類、甜品野飲都係任飲，選擇幾豐富可以食足150分鐘，唔洗急住食整體黎講性價比幾高，值得一試

依排身邊的朋友都非常喜愛吃火鍋放題🤪一般的都是牛肉加自助蔬菜。今天我地決定到八幡屋，一來openrice好評都幾多，二來這個是有刺身的火鍋放題😍大家記得依家like 社交平台，第二位半價，超抵啊！🥳有好多款可以揀，今次我地揀左澳洲M5和牛！$368，第二位半價。湯底方面，我揀左骨膠原豬骨湯。如果要鴛鴦鍋就加$20。坐下後，店員介紹可scan QR code叫刺身，串燒，其他的可以在外面取。菜的種類也不少，有粟米，南瓜，萵苣。。各種丸類放在另一邊雪櫃裏，有蓋cover，個人覺得感覺挺衛生。丸類超過20款，都幾多選擇。😋飲品方面有3個雪糕，有汽水，啤酒，唔甜的有烏龍茶，除此之外，在自助下單有梅酒！！唔多地方有梅酒飲，所以值得推介！👍拎好飲品後，刺身肉很快有了。果然是和牛，雪花分佈均勻，食落去幾有牛味😋還有刺身！有我至愛的赤蝦💓仲有好多其他選擇，不少得三文魚，希靈魚，劍魚腩，八瓜魚👏三文魚食落新鮮，我都叫左幾round😝海鮮有扇貝，青口，鏍，蜆，會用冰墊底送上，保持新鮮。最後叫左牛肩胛試，本人都係喜歡和牛多d😆甜品方面，我拎左榴連雪條😌正！

朋友超大食🤣，揀親都一定係任食。適逢大家都想食涮涮鍋，於是佢就上網搵定食乜好。佢發現「八幡屋涮涮鍋」喺社交平台上做緊宣傳活動，只要留言「半價」，就可享二人同行一人半價嘅優惠，感覺即刻抵食好多。180分鐘任食，折完大約$320一位。我哋八點鐘去到，真係有嚇一跳嘅感覺，因為好耐無見過餐廳咁爆場，簡直可以用「座無虛席」嚟形容，超級厲害啊👏。一入座嘅時候，店員就會問定要乜湯底🍲，我哋要咗壽喜燒併沙嗲湯，鴛鴦鍋要加$20。餐廳有唔少自助區域，但亦有採用QR Code落單，用手機就主要係落魚生、海鮮同肉類等食物。刺身方面，有十三款選擇🍣，質素都正常吖，而且攞盤仲幾靚。我哋要咗三文魚、赤貝、希靈魚、赤蝦同帶子等。用作打邊爐嘅海鮮會以冰鎮住，當中亦有約十款選擇。我哋要咗黃金螺🐚、日本魷魚🦑、帆立貝同青口等。鍾意食海鮮嘅話，可以任叫真係幾開心。接住落嚟係牛肉部份🐮，其實餐廳提供嘅肉唔止得牛肉，仲有豬同雞，但我哋興趣不大。我哋嗌嗰款餐附送日本和牛一碟🎌，和牛真係零舍不同，牛味特別濃，脂肪分佈平均，明顯地好食。我哋另外仲食咗兩款牛🥩，分別係澳洲M5和牛同美國牛肩胛，味道OK，而且份量多，唔會切到紙咁薄。自取

今次間餐廳係我朋友揀既 佢仲好叻叻豬咁前幾日就book定枱 所以去到唔單止唔洗等 仲有和牛餐買一送一優惠添呀！俾個menu大家參考下啦 我地就揀左澳洲和牛餐 除左澳洲M5和牛、牛肩胛、美國進口牛肉、黑豚肉、豚腩片之外 刺身、海鮮、自助吧同埋飲品都係任飲任食環境唔錯 裝修係走和風路線 幾有心思 火鍋料同飲品既選擇都幾多 啤酒同埋清酒都係任飲刺身好新鮮 擺盤亦有幾有心機 質素好過唔少日本餐廳 尤其係赤蝦 鮮味十足又夠彈牙 蝦頭仲有滿滿既蝦膏 我地encore左幾轉海鮮亦同樣新鮮 蠔更加係非常肥美鮮味到主角肉類出場喇 不愧為澳洲M5和牛 顏色夠晒鮮嫩 一睇就知新鮮 油花分布平均 肉味濃郁 食落幼嫩中帶有少許咬口 另外牛肩胛同黑豚肉都唔錯！炸物亦都唔錯 食得出係即叫即炸甜品都好高質 芒果布甸同幼凍都好出色 而且仲有雪糕無限供應今餐真係好抵食 兩個人加埋埋單都只係$442 仲要有刺高質既刺身、海鮮同澳洲m5和牛任食！溫馨提示：為免去到冇枱白行一趟記得預早book呀！ Whatsapp book枱有和牛買一送一優惠

天氣轉涼緊係要打邊爐，但港女女友堅持食日本野，所以就去咗八幡屋試吓，一次過滿足曬兩個人嘅要求🤫一開頭食得放題都預咗食物質素一般般，點知竟然勁高質！ 首先講嗰湯底先，我就揀咗《骨膠原豬骨湯》湯底。唔單止口感濃郁而且仲勁入味，唔講以為飲緊老火湯😍火鍋配料方面款式多多而且都好食，但無試全部因爲主要想食佢嘅牛肉🐂佢有幾款牛肉，全部肉質都好好👍🏿好嫩口😍女朋友話一定要讚佢嘅M5和牛！真係入口即溶，而且嗰牛味係好好食！必定要試！😋除咗牛好好食之外，佢嘅海鮮都有好多選擇，啱曬唔同人胃口🥳至於日本野，壽司刺身都係中上級數，反而令我驚喜嘅係小食🤍串燒好岀色，完全係料理店嘅水平，香口得嚟唔會乾，肉汁juicy💪🏻最後嘅甜品都無令我地失望，勁多款揀不特止，仲要款款都好好食，就連我依個唔太鐘意食甜品嘅人都食咗勁多🤫最可惜試唔到佢嘅馬卡龍，要下次再嚟食先得🤣順帶一提，喺19:00前離座或者21:00後入座經WhatsApp訂枱仲有買一送一優惠，真係非常掋呀性價比好高 ❤️

差不多都有一段時間沒有到八幡屋涮涮鍋， 今天下午心血來潮與媽咪即興去吃。 原來中午做緊優惠， 我點的和牛刺身盛宴原本每位$368＋10％， 現在買一送一， 非常抵吃。 首先一坐低就點我至喜愛的壽喜燒火鍋湯底， 然後店員好快為我們送上一碟M5澳洲和牛、 海鮮和刺身。還可以用q r code落單或自助吧檯任選食物，非常方便。食物種類有肥牛、豚肉、丸類、炸物、串燒、蔬菜、刺身，壽司、熟食，甜品、雪糕和飲品。最令我驚喜的是薄切M5澳洲和牛肉質鮮嫩和 牛肩胛牛味濃厚，喜歡吃牛的一定要試下。 美國黑豚肉鮮味細嫩， 肉類質素很好。 海鮮類最喜歡蜆肉， 鮮甜美味。 串燒類喜歡麻吉燒， 口感煙韌。 最後甜品一定要試下港式奶茶雪糕， 奶茶味濃郁， 超正！整體來說我都幾喜歡八幡屋涮涮鍋， 一次可以滿足兩個願望～打邊爐和刺身， 今次甜品仲比以前進步了不少。

旺角有幾棟大廈都係充滿各式餐廳既，好似兆萬、登打士廣場咁，瓊華都一樣，好多好吸引下既牌係下面，今次就試下聲稱係涮涮鍋既八幡屋，裝修係依類型既任食、放題中算精緻，少少和風，環境寬敞舒適，相當有私隱雖然全場火鍋但唔太煙，蔬菜、飲品、醬油同一啲火鍋食物好似丸、水魷魚等就自助，肉、刺身、燒物、揚物、海鮮就用手機點餐快靚正唔甩單天氣熱梗係食下刺身先要有既都有，較特別既會係帆立貝，都幾鮮下又任叫快上，幾片幾片一齊食好爽呑拿魚同劍魚腩都唔錯，刺身整體快靚鮮海鮮盤都係任點，兩隻大扇貝正常，大粒，肉質好味其他就無咩特別，值得一提既係可以之後點既蠔，相當有蠔味肥牛同牛頸脊都任叫既，牛頸脊肉質幾唔錯又有牛味，可以狂食記住記住記住要配生蛋豉油，咁先可以將牛味爆出黎，正到水魷魚都係必食之選，夠大舊又夠新鮮除咗火鍋，仲有其他小食同日式野，包括天婦羅同燒物，試左幾款天婦羅都係正常味，蝦係ok好味既，最特色既算係金菇天婦羅，出奇地好味食滯咗又可以清清佢再食，推薦另一大大大大大亮點就係燒蝦，啲蝦任食有火鍋、天婦羅同燒既整法，但燒蝦絶對勝出簡單鹽燒，非常香，蝦油蝦味好出，夠新鮮所以肉質彈牙又鮮甜狂叫左十幾二十隻飲住啤酒食

朋友興祝生日，想食十下十下。openrice搵到勁平優惠卷，一於試左先講咁既價錢，基本上咩都有得食刺生，串燒，天婦羅，打邊爐有埋海鮮(竟然有大鮑魚，O哂咀)提下甜品先，有近十款之多，最正係有馬卡龍，打邊爐真心少見。真係超哂班