榮哥煮場 (已結業)

天氣轉涼，想食返個熱鍋。今日午餐去左旺角山東街中菜館叫榮哥煮場食。例牌叫左全日供應既二人套餐，價錢係$268，包一個鍋4選1，一款自選小菜24選1，前菜一碟，白飯兩碗，同兩碗是日甜品。前菜係蒜蓉雲耳，另配香辣汁。雲耳爽脆醒胃，味道酸酸地。濃湯花膠雞煲用個爐滾住。個湯都算清唔會太油膩。爽口花膠份量好多。黃油雞份量好多，特別喜歡嫩滑雞腿肉，而且雞有雞味，配菜有雲耳西芹同蒜頭。酸甜骨份量好多，炸得塊皮好香脆，個藍莓汁酸甜開胃。伴碟仲有少少沙律菜。淮山麵個餐配既兩碗白飯可以轉淮山麵。淮山麵大大碗，又幼身又滑溜，又有少少彈牙，我會推介。上面加左少少雲耳，蒜頭同西芹。是日甜品係楊枝甘露。楊枝甘露飲落有奶香又滑，仲有新鮮芒果肉，西米，同爆珠，好飲同refreshing。服務員服務態度都非常好呀。

旺角地段好多野食，有時又唔想食到咁heavy, 突然見到呢間。。榮哥煮場，於是去試下～見入面裝修 及環境都好干淨，企理同舒服～坐低食反個米線先～價錢，味道。。都中規中矩～所以都可以一試😀.濃湯雞米線好味道：⭐️⭐️⭐️試了少少米線味道，質地偏軟，唔會太硬😀但湯底味道都是清淡路線～.淮山麵配椒鹽雞中翼好味道：⭐️⭐️⭐️主要湯底扣分。。。雞翼 和 淮山麵都不錯～.都幾鍾意佢個淮山麵，食落唔會好飽肚感，當簡單有d 野落肚😁👍🏻同埋質地都不錯👍🏻.個椒鹽雞中翼味道不錯，椒鹽味好突出好香，而且沒想像到竟然有四隻 😲👍🏻即炸。。入面都好juicy...好味道：⭐️⭐️⭐️⭐️