潮滙館 (已結業)

朋友生日, 佢話想試潮滙館好耐啦, 咁就去啦! 好彩打咗去BOOK 位先, 去到FULL 晒。勁! 因為另一個朋友遲到, 我地叫咗生醃瑡蚶先。生醃瑡蚶SIZE 比想像中細粒, 不過都好好味! 原味有D 咸, 原先我哋冇點個酸汁, 後來試咗, 完全可以中和個咸味, 但係又唔會蓋咗瑡蚶嘅鮮味! 記得上次嚟食話冇普寧炸豆腐, 今日問竟然有喎! 一食落口, 外脆內滑! 係超滑! 勁正! 金沙魚皮炸到勁香脆, 配埋咸蛋黃, 超好味! 已經唔理膽固醇了! 我哋仲點咗鍋貼涼瓜, 唔覺唔覺, 全部都係炸物, 食到呢碟, 感覺超熱氣! 不過又忍唔住勁食!涼瓜好甘, 鍋貼面又薄又脆, 正!最後以清心丸綠豆爽結尾, 好清, 唔太甜, 清心丸好煙靭, 好味! 

今晚有啲野做，遲左開飯！好彩去到9點。叫完野食9點三就上曬枱啦！簡直快靚正，好味又熱辣辣上枱。旋風式食晒😋呢間潮州菜幫襯左好耐啦！終於的起心肝寫食評！去圖😆鵝肝併鵝片： 一貫水準，肝爽，鵝片唔un！底層豆腐滑有豆香！普寧豆漿炒生菜: 咸香得黎有鑊氣！ 但油左少少。芋蓉香酥鴨： 呢個有驚喜喎🙀唔係朋友叫，我地都未必會試。通常2個人食飯，就太大碟啦！脆！好食😋芋頭味濃郁！但鴨味就唔係好出。底係腐皮定鴨皮食唔出。可能啲鴨蓉溝落去芋頭到。睇反食譜，都係花功夫既餸！讚👍蠔仔沙鍋粥(例): 都係甘好食，甘多年都無變！啲蠔仔🦪鮮味！配埋柴魚，正！最鐘意多芫茜同蔥同埋有飯粒既粥！清心丸綠豆爽: 梗係要有糖水結尾啦😎睇圖以為係馬蹄，原來係綠豆蓉！都幾清，唔太甜！好食到有個心❤️個心唔係特效，係燈光返射咗落去！P.S. 3個人食堅飽！😝之前疫情見佢無開，以為執咗，傷心💔左一排！呢間啲豉椒炒鵝腸，煎豪餅，凍魚，普寧豆腐(近排無貨)，酸甜排骨，都好好食架！仲之係我嘅推介之首👍

朋友仔生日，康樂教主組織飯局，當然踴躍支持!!!今次去到長沙灣巷子中的熱鬧潮菜館，如果唔係教主之前有去過，真係都唔會識去，亦唔會專登去。好在有訂枱，因為7時多去到時，門口已有人在等位!!!好，介紹下食左d乜先﹕螄蚶﹕已好多年冇食過，因為現在污染太勁，唔敢食生的螄蚶。今晚朋友仔叫左，我淺嘗了一隻，血腥味好濃，鮮甜!最重要的是，我們之後都冇肚痛的現象，哈哈!下次可以食多隻。招牌蝦田雞粥﹕好夠熱，味道都算鮮甜，平日在家嫌處理田雞麻煩，外出食就較方便。鵝肝拼鵝片﹕鵝片入味，鵝肝很冧，但不夠香，同法國鵝肝相差太遠，哈哈，當然價錢也不一樣。甜品叫了福果芋泥及清心丸綠豆爽﹕芋泥實在太甜太甜，這道甜品只能食少少；綠豆爽好清，但清心丸切得太細粒，冇乜咬口，始終都係九龍城好食d普寧豆腐炸得很脆，裡面也很滑，只是不夠鹹菜甫煎蛋出色!賣相好靚，蛋夠香，如果再多一點菜甫就perfect!欣賞佢枱上的碗碟，是我最愛的雞碗。不過椅子是圓椅，沒有背，坐得好唔舒服囉!!! 坐了2個鐘，背脊很累，腳也麻痺了同埋環境其實超級嘈，所以旨在食係ok的，但不是一個好的聊天地點!!!食物整體說是ok的，價錢也合理。有機會會再來!!