六両三

营业中

休息中

黎到尖沙咀搵野食，想食台式野就搵左呢間唔錯評分既試下~牆身有推薦食法，可以參考下~呢間係QR Code落單，好方便～麻辣鴨血豆腐，蜂巢豆腐吸晒湯汁精華，鴨血又滑又多汁，口感過癮！涼拌麻辣牛腱頭，粒粒有嚼勁，麻辣味夠晒香辣，好有辣勁！滷肉燙青菜，生菜熱辣辣，保持咗生菜嘅脆口同鮮，淋上滷肉汁一齊食，有少少偏油，唔太食得慣~三寶牛肉麵加滷蛋，嗌左佢地既招牌麵！配料有齊牛腱、牛筋和牛肋條，肉質口感偏淋身，紅燒湯夠入味，三款配材各有特色，最中意係牛腱～店舖推介食法，加牛骨髓入湯，令湯底更加還原台灣地道口味，加完之後湯底會香濃，同有少少辣～手打牛筋丸麵，中意食瀨尿牛丸一定要試！因為佢啲牛筋丸真係有勁多汁，而且又濃又入味，好有驚喜！一碗有成7粒，食起上黎好滿足，又唔怕分比人，而麵質呢碗揀左粗麵，係比較烏冬更煙韌既口感。溏心蛋，溏心好入味，好推薦加～檸檬冬瓜茶，一般冬瓜茶我都幾中意，加左檸檬之後，冇咁甜清新左，仲更加good!

呢間餐廳嘅店主嚟自台灣，主打牛肉麵、乾拌麵、滷水等🇹🇼💗川味紅燒牛肉麵 ($77)川味紅燒湯用上牛筒骨、蔬菜、香料藥材熬煮，湯頭濃郁帶微辣，配搭Q彈掛湯嘅粗麵條🍜選用美國牛𦟌片，肉質軟腍嫩滑🐂💗阿宏蔥油拌麵+溏心蛋 ($54)幼麵煙韌勁道十足，每條麵都掛滿蔥油同祕製醬汁，表面超多蔥，超香口但完全唔會油膩🎋配埋隻半熟滷水溏心蛋非常滿足🥚💗紅燒手打牛筋丸湯 ($62)用上澳洲和牛牛筋丸，爽彈爆汁，牛筋粒粒超有口感🐮💗皮蛋豆腐 ($37)豆腐清涼嫩滑，皮蛋Q彈甘香，加上秘製醬汁、蔥花同木魚絲，非常開胃🥙💗滷肉燙青菜 ($28)燙油麥菜加上滷肉汁，肉粒有脂肪同瘦肉兩層，肉香軟滑，食落唔會油膩🥬💗荔枝烏龍 (+$12)

＊－。－。－。－。－。－。－。－。－。－＊🔸三寶牛肉麵🐮🍜 $105紅燒湯底唔算太濃，無花椒八角味或者任何微辛辣感。🔥餸料有牛肋肉、牛腱、牛筋。大概每樣兩件。肉質軟腍，整體不過不失。😋麵條軟硬適中，無太多口感。🥲加配左溏心蛋🥚，堅做到流心，火口剛好，值得一讚。👍🏻👍🏻✨牛肉麵以$105來評論，價錢偏高。未見表現突出，只能說普通，食一次就夠☺️＊－。－。－。－。－。－。－。－。－。－＊

看了其他人的食評，慕名來到這間台式餐廳食午飯。中午時份，很多人來食飯，我們都要等一等位，不過很快就有位。 入到店內，發覺店面不是很大，只是坐到十零人左右。不過看得出裝修很用心，簡約原木風格，讓人很舒服。　我們點了一碗川味紅燒牛腱牛肋條麵，一碗鹵肉飯，一份溏心蛋，一份涼拌小青瓜和一杯冬瓜茶。　川味紅燒牛腱牛肋條麵，一開始都怕會不會很辣，但原來只有很微的辣，湯底帶點四川麻香，幾特別。牛腱牛肋炆得很淋，很入味。麵可選粗面或細麵。鹵肉飯看似細碗，但其實好多飯很足料，珍珠米好食，鹵肉夠入味，汁有點微辣開胃。溏心蛋蛋味香一流。涼拌小青瓜和一杯冬瓜茶清涼醒胃，中和濃味的飯麵。總括而言，質素唔錯，特色台式食店在這區算是少數。

你以為係日本野？其實係台灣野呀！每次經過門面見到純木裝飾都以為係日本餐廳，原來內裡係一間好warm既台灣餐廳🤤每張枱仲好細心地提供咗橡筋俾女士們紮起頭髮、仲有成大大盒紙巾俾你清潔添！【滷肉飯🍚 $28】好有台灣既味道！滷肉夠入味，每粒滷肉都肥瘦各半！滷肉汁好香口，用嚟撈飯一流！廚師見我地唔夠滷肉撈飯，仲特登送多一小碗純滷肉俾我地，超貼心同抵讚呀！【川味紅燒牛腱牛肋條麵🐂(粗麵) $85】粗麵超有咬感，食落煙韌彈牙！共有五大件既牛腱牛肋肉質軟軟，而且都幾重牛味！湯底濃郁可口仲帶點微辣，不過個人覺得油咗少少~【滷肉拌麵🍜 $48】拌麵同樣用上粗麵條加上肥瘦比例均勻既滷肉，所以一樣都係幾好味！【溏心蛋🥚 $13】大家見到有幾溏心啦🤤連隻蛋都滷過嚟架！前後嗌咗兩碟，用嚟伴住個滷肉飯同麵食一樣咁掂！

之前好多人都話六両三好食，於是果日行開尖咀就去試試啦～門面裝修偏向日式，如果唔細心留意，仲以為係一間日式餐廳添。豆干切得成細條，滷得都幾入味，味道唔錯，但份量略少。一碗三隻嘅小豬腳，味道正常，但外皮略唔夠爽脆，冇咩肉食。麵質ok，係有咬口嘅粗麵條；川味紅燒口味但其實一d都唔辣，湯底偏淡；牛筋、牛肋條都炆得幾淋，而且都夠入味。半肥瘦嘅豬肉煮得好淋，汁略甜，但唔夠撈飯。太細碗，大啖少少食嘅話，2-3啖就KO左！整體味道普通，冇咩驚喜，價錢略貴，而且份量唔多，試一次就ok啦！