潮丸 (已結業)

聞聽潮丸既牛丸好好味, 這個下午跟好友去試試, 果然不是浪得虛名! 它有鮮香牛肉味, 彈牙得來夠juicy! 最正係整粒牛丸都冇粉粒, 肉質嫩! 我們點了牛丸王米線, 還有牛三鮮撈麵, 當中的三鮮包括了爽口牛肚, 香彈牛根和騷化牛腩。為食的我們當然要叫點小食! 小食有香濃滷水豆腐, 皮有咬口, 豆腐軟。鬆香炸鯪魚球, 與配搭一起吃既蜆介醬汁很夾很惹味! 炸墨魚丸亦夠彈牙, 配酸辣醬又是另一番惹味! 店員親切, 環境亦乾淨企理! 值得試試!

從來都唔鍾意食魚蛋粉，因為太正總係覺得要病嘅時候先食，所以見到呢間有啲進化既魚蛋粉就覺得可以一試。然後多人都推介嗰啲牛腩，我都唔執輸叫左一碗，係牛三鮮米線，有得揀米線好開心，就好似車仔麵咁幾得意。三種牛裏面我最鍾意係牛筋，煮到可好稔好稔，又軟軟的好治癒牛肚同牛腩都非常不錯，好入味～最重要係佢湯底真係好清甜，飲晒都無問題！墨丸都幾推介，爽口而且入面真係有墨魚肉粒，好有口感。店家顧有三款椒製成的辣醬，我試晒，最中意黃椒那個，辣中帶香，幾特別。仲叫咗個滷水豆腐，呢個反而啲唔夠入味，可能係佢用嗰隻豆腐唔索汁，不過整體不錯，會再光顧。

今日下午茶自己放工到尖咀食下午茶，見到這間潮丸好多客人幫襯，睇一睇Openrice,原來有2間（另一間在筲箕灣），所以今日就黎品嚐一下！環境幾好！好光亮又乾淨的！設計簡約又新潮；左右對牆的長枱及右邊多張長枱，好好善用空間！四邊有不同食物菜色相片，每樣都好吸引好靚枱上有推介、調味、筆（寫在餐牌上、可重用好環保）調味料好特別，有黃紅燈籠椒，好夠香好夠辣滷水豆腐好大份囉！有5-6塊仲要好大！抵食哦！好入味好香滷水味豆腐好有口感質感好好又美味（秘製豬三鮮河粉）上桌以木盒配上木筷子及湯匙，配料可以自我選擇（芫茜、蔥、芽菜等等）好大碗湯汁濃郁唔咸又唔口渴，河粉好滑好軟，長長唔碎，份量我覺得足夠！豬肉丸：2大粒，好彈牙有豬肉味濃！秘製滷水腩肉：層層肥瘦適中，口感正、豬肉香！扎肉：厚身好有咬口，好香又彈彈肉（熱奶茶）下午茶配上免費飲品！選擇了香滑奶茶，好香濃郁茶味配上滑滑奶香，無加糖都好好飲質素好好的粉麵，環境也好舒服乾淨，這裡雖然主力食牛，但這個豬三鮮及魚三鮮、招牌雲吞墨丸同滷水豬手都好美味又各有特色，適合不同客人的需求及口味

上次自己食，今次帶埋朋友一齊食。每次食粉麵都鍾意食牛，一定要煮得夠腍先得，呢度就做到喇，仲好大份添！牛爽腩（HKD60）唔係平，但真係好鬼飽！腩肉好易咬，正！再加咗牛丸王（HKD15），真係好彈牙。朋友食雲吞王（HKD55）加牛筋（HKD15），平時雙拼都覺得啲餸少咗，但望住5粒雲吞就覺得好有良心喇。配料仲可以揀幾款，特別少有俾咁多冬茶喎。試咗件牛筋，炆到有少少起膠，下次要食呢個先得。滷水豆腐（HKD28）有5大塊，不過可能煮耐咗啲啲，布包豆腐入味但有少少硬。普通凍飲加HKD3，凍奶茶好有茶記feel。熱飲柚子蜜仲有檸檬跟埋，冇欺場喎。美味指數：8/10抵食指責：7/10

放工想輕食一下，所以就黎左哩度食麵哩度嘅定價都係正常價錢，一啲都唔貴的。見到佢哩度嘅撈麵咁有特色，所以定一試標榜自家製嘅食材，豬肉丸果然特別彈牙扎肉亦都係一樣好彈牙，亦都好有肉味跟餐奶茶，果然唔係普通料，真係用奶同茶沖出黎，好有茶味，難得跟餐油菜唔太油膩，份量適中滷豆腐嘅滷汁調得適中，唔太鹹，份量都夠，價錢亦平佢嗌左豬三鮮米線，一樣有豬肉丸，扎肉，豬腩肉，再追加左墨丸。豬腩肉，米線煮得夠淋，份量夠，湯底特別，好味2個人一人一碗麵，加2款小食，平平地嘅一餐哩度嘅麵都送飲品，唔錯呀

魚蛋河、牛腩麵在香港比比皆是，要吸引顧客，各方面都要花點心思是日在尖沙咀逛街，經過潮丸，未看餐牌也不察覺這是粉麵店呢這餐廳走年輕路線，摒棄一般麵店只有白色的裝潢，設計較有格調，還有座位較為寬敞舒適這𥚃主打潮州粉麵，也有湯飯、其他飯、撈麵供應我點了一碗潮州魚三鮮米粉，滷水豆腐和奶茶潮州魚三鮮米粉($55)：本來魚三鮮包括了魚丸、魚片頭和魚皮餃，但因為魚片頭已賣光，所以只有其款2款，但每款多給一粒「補數」魚丸和魚皮餃都不錯，魚丸彈牙，魚皮餃沒有油油膩膩的感覺我喜歡沾辣椒油吃～滷水豆腐($28)：很久沒吃滷水的我點了個滷水豆腐吃其實滷水拼盤更吸引，但怕吃不完，所以點了豆腐也不錯呀，入味得來又不會太鹹除了常見的辣椒油，桌上還放了紅燈籠和黃燈籠椒醬好奇地每款都試了，還以為燈籠椒醬是不辣的，但竟然比辣椒油還辣我最喜歡的是辣椒油，不是因爲它沒那麼辣，而是它很香燈籠椒醬則辣得來帶少少酸味，放湯吃也不錯～點麵加$10配了一杯奶茶